راولپنڈی حادثہ: ڈمپر سے ٹکرانے پر لڑکی جان بحق، والد شدید زخمی
اشاعت کی تاریخ: 16th, January 2026 GMT
data-id="863a0a8" data-element_type="widget" data-widget_type="theme-post-content.default">
راولپنڈی کے علاقے ڈھوک سیداں روڈ پر تیز رفتار ڈمپر کی ٹکر سے موٹرسائیکل سوار لڑکی جاں بحق ہوگئی اور اس کے والد شدید زخمی ہوگئے۔
جاں بحق لڑکی کی شناخت کائنات جبکہ والد کا نام عطر خان بتایا گیا ہے۔ حادثے کے بعد ڈرائیور ڈمپر چھوڑ کر فرار ہوگیا جسے پولیس نے بعد میں گرفتار کرلیا۔
حادثے میں دوسری موٹر سائیکل پر سوار ایک شخص بھی شدید زخمی ہوا، زخمیوں اور لاش کو ڈی ایچ کیو اسپتال منتقل کیا گیا۔
ادھر راولپنڈی کے تھانہ ریس کورس کے علاقے قائد آباد میں 10 سالہ بچے کے سر میں گولی لگنے سے شدید زخمی ہوگیا۔ ذرائع کے مطابق کھیلتے ہوئے الماری سے نکالی گئی پستول اچانک چل گئی، جس کی وجہ سے بچہ زخمی ہوا۔ بچے کو انتہائی تشویشناک حالت میں پمز اسپتال اسلام آباد منتقل کیا گیا۔ پولیس کے مطابق زخمی بچہ پڑوسی کے گھر نماز پڑھنے گیا تھا اور کھیلتے ہوئے حادثاتی طور پر گولی لگی۔
.
ذریعہ
ذریعہ: Jasarat News
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی