وزیر اعظم نے چیئرمین ایچ ای سی کی تعیناتی سے متعلق سمری مسترد کر دی
اشاعت کی تاریخ: 16th, January 2026 GMT
اسلام آباد (خبر نگار) وزیر اعظم پاکستان نے چیئرمین ہائرایجوکیشن کمشن کی تعیناتی سے متعلق سمری مسترد کر دی۔ وزیر اعظم نے سمری میں شامل ناموں پر ناراضی کا اظہار کیا ہے، ذرائع نے دعویٰ کیا ہے کہ چیئرمین ایچ ای سی کی آسامی دوبارہ مشتہر ہو گی۔ وزارت تعلیم کے ذرائع نے بتایا ہے کہ چیئرمین ایچ ای سی کی تعیناتی کی سمری وزیر اعظم کو بھجوائی گئی، سابق چیئرمین ایچ ای سی ڈاکٹر مختار احمد کی مدت ملازمت ختم ہونے کے بعد 30جولائی2025ءسے عہدہ خالی ہے، وزیر اعظم کو بھجوائی گئی سمری میں وائس چانسلر این ای ڈی یونیورسٹی ڈاکٹر سروش حشمت لودھی، وائس چانسلر قائد اعظم یونیورسٹی ڈاکٹر نیاز احمد اختر اور پنجاب یونیورسٹی کے وائس چانسلر ڈاکٹر محمد علی کے نام بھجوائے گئے تاہم وزیر اعظم کو بھجوائی گئی سمری مسترد کرتے ہوئے دوبارہ وزارت تعلیم کو بھجوا دی گئی ہے، 30جولائی کو ہی سیکرٹری وفاقی وزارت تعلیم ندیم محبوب کو اضافی ذمہ داریاں دی گئی۔
.
ذریعہ
ذریعہ: Nawaiwaqt
کلیدی لفظ: چیئرمین ایچ ای سی
پڑھیں:
کراچی: ڈاکٹر آکاش قتل کیس میں گرفتار 3 ڈاکو ساتھیوں کی فائرنگ سے ہلاک
کراچی (نوائے وقت رپورٹ) ڈاکٹر آکاش قتل کیس میں گرفتار تینوں ساتھیوں کی فائرنگ سے ہلاک ہوگئے۔ سپیشل انویسٹی گیشن (ایس آئی ایو) نے دعویٰ کیا کہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپہ مارا تو ملزموں نے فائرنگ کردی جس سے پولیس اہلکار بھی زخمی ہوگیا۔ ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔ 13 جولائی کو کراچی کے علاقے کلفٹن میں بنک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزم بنک سے نکالے گئے 50 لاکھ روپے میں سے 25 لاکھ لوٹ کر فرار ہو گئے تھے۔
پاکستان نے ورلڈ کپ 2028 کیلیے براہ راست کوالیفائی کر لیا