پاکستان اور ایران کے وزرائے خارجہ کی بات چیت، خطے میں امن و استحکام پر زور
اشاعت کی تاریخ: 17th, January 2026 GMT
پاکستان کے نائب وزیراعظم و وزیر خارجہ سینیٹر محمد اسحاق ڈار نے ایران کے وزیر خارجہ سید عباس عراقچی سے اہم بات چیت کی، جس میں ایران اور خطے کی موجودہ صورتحال پر تبادلہ خیال ہوا۔ دونوں رہنماؤں نے خطے میں امن و استحکام کی ضرورت پر زور دیا اور دو طرفہ مشاورت جاری رکھنے پر اتفاق کیا۔
Deputy Prime Minister / Foreign Minister Senator Mohammad Ishaq Dar @MIshaqDar50 spoke with Iran’s Foreign Minister Seyed Abbas Araghchi @Araghchi.
They discussed the current situation in Iran and the wider region. DPM/FM expressed hope for peace and stability, and both sides… pic.twitter.com/QTmXUYKpP2
— Ministry of Foreign Affairs – Pakistan (@ForeignOfficePk) January 17, 2026
پاکستان کے نائب وزیراعظم و وزیر خارجہ سینیٹر محمد اسحاق ڈار نے ایران کے وزیر خارجہ سید عباس عراقچی سے ٹیلی فون پر بات کی۔ اس دوران ایران میں جاری مظاہروں اور امریکی دھمکیوں کے تناظر میں خطے میں کشیدگی پر تفصیلی تبادلہ خیال کیا گیا۔
سینیٹر اسحاق ڈار نے امن اور استحکام کی اہمیت پر زور دیا اور کہا کہ دونوں ممالک کے درمیان باہمی مفادات کے امور پر مشاورت جاری رہنی چاہیے۔ دونوں رہنماؤں نے اتفاق کیا کہ دوطرفہ تعلقات کو مضبوط بنانے کے لیے باقاعدہ مشاورتی رابطے جاری رہیں گے۔
یہ بھی پڑھیں:پاک ایران سیاسی مشاورت: تجارت سمیت اہم معاملات میں تعاون بڑھانے پر اتفاق
یہ گفتگو ایسے وقت میں ہوئی جب ایران میں عوامی مظاہرے جاری ہیں اور امریکی دھمکیاں خطے میں کشیدگی کو مزید بڑھا رہی ہیں، جس پر پاکستان اور ایران نے مشترکہ طور پر ذمہ داری کا مظاہرہ کرتے ہوئے امن قائم رکھنے پر زور دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار ایران پاک ایران پاکستان عراقچی
ذریعہ
ذریعہ: WE News
کلیدی لفظ: اسحاق ڈار ایران پاک ایران پاکستان عراقچی
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ