انڈر 19 ورلڈ کپ: بھارت نے بنگلادیش کو 18 رنز سے شکست دے دی
اشاعت کی تاریخ: 17th, January 2026 GMT
آئی سی سی انڈر 19 کرکٹ ورلڈ کپ کے ایک سنسنی خیز میچ میں بھارت نے بنگلادیش کو 18 رنز سے شکست دے دی۔ میچ کا نتیجہ بارش کے باعث ڈک ورتھ لوئس میتھڈ کے تحت طے کیا گیا۔
بلاوائیو میں کھیلے گئے اس مقابلے میں پہلے بیٹنگ کرتے ہوئے بھارتی ٹیم 49ویں اوور میں 238 رنز بنا کر آؤٹ ہو گئی۔ بھارت کی جانب سے ابھیوگیان کندو نے شاندار 80 جبکہ ویبھو سوریا ونشی نے 72 رنز اسکور کیے اور ٹیم کو مضبوط مجموعہ فراہم کیا۔
بارش کے بعد بنگلادیش کو 29 اوورز میں 165 رنز کا نظرثانی شدہ ہدف ملا، تاہم بنگلادیش کی پوری ٹیم 29ویں اوور میں 146 رنز بنا کر آؤٹ ہو گئی اور یوں بھارت نے میچ 18 رنز سے اپنے نام کر لیا۔
میچ کے اختتام پر دونوں ٹیموں کے کھلاڑیوں نے ایک دوسرے سے مصافحہ کیا، حالانکہ میچ شروع ہونے سے قبل ٹاس کے موقع پر دونوں ٹیموں کے کپتانوں نے ہاتھ نہیں ملایا تھا، جس پر شائقین کی توجہ بھی گئی۔
ذریعہ
ذریعہ: Daily Mumtaz
پڑھیں:
اوباڑو : تیز آندھی اور بارش کے باعث مختلف حادثات میں 50 کے قریب افراد زخمی
سٹی 42 : اوباڑو اور گردونواح میں تیز آندھی اور بارش کے باعث مختلف حادثات میں 50 کے قریب افراد زخمی ہوگئے ۔
پولیس کے مطابق زخمیوں میں مرد، خواتین اور بچے شامل ہیں، تعلقہ اسپتال میں ایمرجنسی نافذ کردی گئی ہے۔ اسسٹنٹ کمشنر اوباڑو کی ہدایت پر اسپتال کے تمام عملے کو الرٹ کر دیا گیا۔
اسپتال ذرائع کے مطابق بعض زخمیوں کی حالت تشویشناک بتائی جا رہی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
اسسٹنٹ کمشنر صحیب الاہی کا کہنا ہےکہ شدید آندھی کے باعث مختلف علاقوں میں حادثات پیش آئے، زخمیوں کو فوری طبی امداد فراہم کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ