الخدمت کی خدمات کے 50سال ‘مولانا مودودیؒ واکابرین کو زبردست خراج عقیدت
اشاعت کی تاریخ: 18th, January 2026 GMT
data-id="863a0a8" data-element_type="widget" data-widget_type="theme-post-content.default">
260118-08-24
کراچی (اسٹاف رپورٹر)الخدمت سماجی خدمات کے 50ویں سال میں داخل ،50سالہ تقریبات کے سلسلے میں مقامی ہوٹل میں ’’سالانہ کانفرنس‘‘ کا اہتمام کیا گیا ، کانفرنس میں بانی جماعت اسلامی مولاناسید ابوالاعلیٰ مودودیؒ سمیت خدمت کے عمل میں شریک تمام اکابرین کو زبردست خراج عقید ت پیش کیا گیا ۔کانفرنس کے مہمان خصوصی امیرجماعت اسلامی پاکستان حافظ نعیم الرحمن تھے ۔حافظ نعیم الرحمن نے اپنے خطاب میں کہا کہ ہم جنریشن زی کو تنہا نہیں چھو ڑیں گے۔کمپری ہنسو جنریشن زی کنیکٹ پر وگرام پورے ملک میں شروع کریں گے ۔الخدمت50 سال سے لوگوں کی خدمت کر رہی ہے اور خدمت کا یہ سلسلہ پورے پاکستان میں جاری ہے ،ہم نے اہل فلسطین کو بھی فراموش نہیں کیا او ر اب تک اہل فلسطین کے لیے ا مدادی سامان کی 40 کھیپ بھجوائی جا چکی ہیں ۔مولانا مودودیؒ ایک نفیس انسان تھے ،جب مسلمان ہجرت کر کے پاکستان پہنچے تو انہوں نے مہاجرین کی خدمت کی ۔انہوں نے کہا کہ نعمت اللہ خان جب پاکستان آئے تو انہوں نے جھونپڑی میں زندگی گزاری، زندگی میں بہت محنت کی ،اللہ نے ان کی مدد کی ،وہ کامیاب وکیل بنے ، مولانا مودودیؒ کی فکر سے متاثر ہو کر جماعت اسلامی میں شامل ہوئے ،جماعت اسلامی کے امیر بنے ،سٹی ناظم بنے،جماعت اسلامی نے ان کی تربیت کی۔ مولاناموددیؒ کی فکر نے ان کو پروان چڑھایا ۔تقریب سے سی ای او الخدمت نوید علی بیگ ،سابق ٹیسٹ کرکٹر توصیف احمد ،مزاحیہ اداکار ایاز خان ،اینکر پرسن رضوان جعفر ،اسپورٹس اینکر یحییٰ حسینی ودیگر نے اظہار خیا ل کیا ۔تقریب میں سیکرٹری آف قطر قونصلیٹ علی محمد الماسلمانی،جاپانی قونصلیٹ کے نمائندے ماتسوداکازونوری ، سینئر نائب صدر الخدمت فاؤنڈیشن پاکستان احسان اللہ وقاص ،ایگزیکٹو ڈائریکٹر راشد قریشی ،الخدمت کے تمام شعبہ جات کے ڈائریکٹرز کے ساتھ کارپوریٹ اداروں کے سربراہان اور مختلف شعبہ جات سے تعلق رکھنے والے افراد نے بڑی تعداد میں شرکت کی ۔امیر جماعت اسلامی حافظ نعیم الرحمن نے کہا کہ شہر میںمشکل حالات میں بھی ہم نے لوگوں کی خدمت نہیں چھوڑی ۔الخدمت پورے پاکستان میں خدمت کے کام کر رہی ہے ،خیبر پختونخوا میں سیلاب آیا تو الخدمت کے رضاکاروں نے جان پر کھیل کر خدمت کی ۔بونیر میں کلاؤڈ برسٹ کے نتیجے میں خدمت کرتے ہوئے الخدمت کا رضاکار جان سے گیا ۔الخدمت کے رضاکاروں نے کورونا کے دنوں میں بھی جان ہتھیلی پر رکھ کر کام کیا ۔الخدمت کی ایک خوبی یہ ہے کہ اس کو جس مد میں فنڈ ملتا ہے ،اسی مد میں خرچ کیا جاتاہے ۔الخدمت عوام کا دیا پیسہ شفاف طریقے سے لوگوں پر خرچ کرتی ہے ۔الخدمت کے کام کو بہت وسیع کرنا چاہتے ہیں ،ملک بھر میں 58ہزار رضاکار بن چکے ہیں ،جن میں طلبہ وطالبات شامل ہیں ۔ہم نے نوجوانوں کے لیے بنو قابل پروگرام شروع کیا ،نوجوانوں میں مایوسی تھی ،نوجوان ملک چھوڑنے پر مجبوہیں ،نوجوانوں کو سرکاری ملازمتیں نہیں ملتیں ۔ یہاں صحت کی سہولتیں نہیں ہیں ۔ہم نے نوجوانوں کو امید دی ،دنیا میں کوئی سیاسی جماعت ایسی نہیں جہاں اس کے دفتر میں ہزاروں بچے تعلیم حاصل کر رہے ہوں ۔ حافظ نعیم الرحمن نے کہا کہ بنو قابل ملک بھر میں پھیل چکا ہے ،ان نوجوانوں کا ہاتھ پکڑنا ہو گا ،انہیں اعتماد دینا ہوگا ۔بنو قابل پروگرام میں 12لاکھ بچے رجسٹرڈٖ ہو چکے ہیں جن میں 40فیصد لڑکیاں ہیں ۔ہم جنریشن زی کو تنہا نہیں چھو ڑیں گے ،ہم نے جنریشن زی پروگرام شروع کیا ،بنو قابل اس کا حصہ ہے ۔ہم نوجوانوں کی حوصلہ افزائی کرناچاہتے ہیں ۔کراچی میں اولمپکس کا آغاز کردیا گیا ہے ،یہ ایک مثبت سرگرمی ہو گی ،نوجوانوں کی اخلاقی تربیت کریں گے انہیں تنہا نہیں چھوڑیں گے ۔ امیر جماعت اسلامی پاکستان حافظ نعیم الرحمن نے کہا کہ خدمت کا کا م ہمارا ذاتی کام نہیں یہ کام اللہ کی مخلو ق کا کام ہے ۔اللہ رحمن ورحیم ہے ،ہم اللہ کے راستے میں جو کچھ خرچ کرتے ہیں وہ ہم دے نہیں رہے ہوتے بلکہ لے رہے ہوتے ہیں ،اللہ اجر کی صورت میں کئی گنا بڑھا چڑھا کر ہمیں دیتا ہے ۔اللہ کو تقویٰ پسند ہے ۔ لوگ الخدمت کے کاموں میں اس کا بھر پور ساتھ دیں اور اس کا حصہ بنیں ۔سی ای او الخدمت نوید علی بیگ نے کہا کہ الخدمت کروڑں لوگوں کی زندگیوں کو فائدہ پہنچارہی ہے ۔الخدمت کا بنو قابل پروگرام لوگوں کی زندگیوں کو بدل رہا ہے ،یہ پروگرام معاشرے میں بھی بڑی تبدیلی لا رہا ہے ۔الخدمت سیلاب میں بھی لوگوں کی خدمت کرتی ہے ،بونیر میں کلاؤڈ برسٹ ہوا تو ہمارے والنٹیئرز نے بھرپور کام کیا ،عید الاضحی پر ہمارے کارکن گھروں میں نہیں رہتے بلکہ چرم قربانی کی مہم میں مصروف ہوتے ہیں ۔الخدمت کے نام سے شروع ہونے والا سفر1976 سے جاری ہے ،اس سے پہلے یہ کام شعبہ خدمت کے نام سے کیا جاتاتھا ،یہ سفر 2 میت گاڑیوں سے شروع ہے ،پھر2 شفا خانے قائم کیے گئے ۔بنو قابل پروگرام سے 75 ہزار بچے پاس آؤٹ کر چکے ہیں ۔ان میں سے ہزاروں بچے خاندانوں کی کفالت کر رہے ہیں ۔انہوں نے کہا کہ ہمارے واٹر پلانٹس لوگوں کی خدمت کر رہے ہیں ،شہر میں پانی کے مسائل کا سامنا ہے ،اس وقت 73واٹر فلٹریشن پلانٹس کام کر رہے ہیں ،ہیلتھ کے شعبے میں اسٹیٹ آف دی آرٹ ڈائیگنوسٹک سینٹر قائم کیا ہے ،جہاں ٹیسٹ کی سہولت ارزاں نرخوں پر معیار کے ساتھ فراہم کی جار ہی ہے ۔الخدمت فارمیسی ،کلیکشن پوائنٹس کا بھی نیٹ ورک رکھتی ہے ،الخدمت کے اسپتال اور میڈیکل سینٹر بھی خدمات انجام دے رہے ہیں ،انہوں نے کہا کہ ہم نے 2025 میں لڑکیوں کے لیے آغوش ہوم قائم کردیا ہے ،الخدمت کی خواتین ان کی دیکھ بھال کرتی ہیں ۔انہوں نے کہا کہ اہل کراچی اوراہل پاکستان سے کہا کہ وہ آئیں اور الخدمت کے کاموں میں اس کی مدد کریں ۔سابق کرکٹرتوصیف احمد نے الخدمت کی کاوشوں کو سراہا، انہوں نے کہا کہ الخدمت بڑا کام کر رہی ہے ،دیکھ کر خوشی ہوتی ہے ،خدمت کرنے والوں کے لیے اسی دنیا میں جنت ہے ،خدمت کرنے والے بڑے لوگ ہیں ۔انہوں نے اعلان کیا کہ آج سے میں الخدمت کا حصہ ہوں اور اسپورٹس کے شعبے میں ان کی خدمت کے لیے حاضر ہیں ۔ اداکار ایاز خان یحییٰ حسینی ،رضوان جعفر اور دیگر مقررین نے الخدمت کی کاشوں کو سراہا اور لوگوں سے اپیل کی کہ وہ الخدمت کا ساتھ دیں ۔
الخدمت کراچی کی 50سالہ تقریبات کے سلسلے میں مقامی ہوٹل میں منعقدہ سالانہ کانفرنس سے امیر جماعت اسلامی پاکستان حافظ نعیم الرحمن اور سی ای او الخدمت نوید علی بیگ خطاب کررہے ہیں
ذریعہ
ذریعہ: Jasarat News
کلیدی لفظ: حافظ نعیم الرحمن نے بنو قابل پروگرام انہوں نے کہا کہ لوگوں کی خدمت جماعت اسلامی خدمت کے کام الخدمت کا الخدمت کی الخدمت کے رہے ہیں میں بھی خدمت کا خدمت کی کر رہے کے لیے
پڑھیں:
’میری قبر پہلے ہی تیار ہے‘، موت کی تیاریوں سے متعلق عطا اللہ خان عیسیٰ خیلوی کا حیران کن بیان
پاکستان کے لیجنڈری گلوکار عطا اللہ خان عیسیٰ خیلوی نے اپنی زندگی سے متعلق ایک ایسا انکشاف کیا ہے جس نے مداحوں کو حیران کر دیا۔ معروف گلوکار کا کہنا ہے کہ انہوں نے اپنے آبائی علاقے عیسیٰ خیل میں اپنی قبر پہلے ہی تیار کروا رکھی ہے اور وہ آخرت کی تیاری کو زندگی کا اہم ترین حصہ سمجھتے ہیں۔ ان کے اس بیان نے سوشل میڈیا پر نئی بحث چھیڑ دی ہے جہاں صارفین اس پر مختلف آراء کا اظہار کر رہے ہیں۔
عطا اللہ خان عیسیٰ خیلوی نے حال ہی میں صحافی ارشاد بھٹی کے پوڈکاسٹ میں شرکت کی، جہاں انہوں نے اپنی زندگی، موسیقی اور ذاتی خیالات پر کھل کر گفتگو کی۔ اس دوران انہوں نے بتایا کہ انہوں نے اپنی قبر پہلے ہی تیار کروا رکھی ہے۔
انہوں نے کہا کہ میں نے آخرت کی تیاری کر لی ہے۔ میری قبر عیسیٰ خیل میں تیار ہے، مکمل بن چکی ہے۔ اگر آپ میری زندگی میں آئیں گے تو میں آپ کو دکھا دوں گا ورنہ بعد میں خود ہی دیکھ لیں گے۔ ہمارا اپنا خاندانی قبرستان بھی ہے، جہاں میں نے اپنے لیے ایک قبر مخصوص کر رکھی ہے۔ اس کے ساتھ چند جگہیں اور بھی ہیں جن میں سے ایک کے بارے میں میں نے مذاق میں کہا تھا کہ وہ میری اہلیہ کے لیے ہے لیکن ساتھ ہی کہا کہ مذاق کر رہا ہوں حقیقت میں صرف اپنی قبر محفوظ کروائی ہے۔ اللہ ہم سب پر رحم فرمائے۔
گلوکار نے قبر کے بارے میں بتایا کہ یہ خیال اس وقت آیا جب میں نے ایک فارم ہاؤس اور مسجد تعمیر کروائی۔ پھر سوچا کہ میرے لیے بھی ایک جگہ ہونی چاہیے۔ میں اپنے کئی قریبی دوستوں، عزیزوں، خاندان کے افراد اور اپنی والدہ کو کھو چکا ہوں، اسی لیے موت کا خیال ہمیشہ ذہن میں رہتا ہے۔ میری صرف یہی دعا ہے کہ اللہ مجھے پُرسکون موت عطا فرمائے۔
یہ بھی پڑھیں: عطااللہ عیسیٰ خیلوی کس کے لکھے گانے گا کر مشہور ہوئے؟
عطا اللہ خان عیسیٰ خیلوی کے اس بیان کے بعد سوشل میڈیا پر مختلف آراء سامنے آنے لگیں۔ ایک صارف نے لکھا قبر پہلے سے بنوانا درست نہیں البتہ کفن کی تیاری کی جا سکتی ہے۔
ایک اور نے تبصرہ کیا صرف قبر تیار کر لینا کافی نہیں، اصل تیاری آخرت کی ہونی چاہیے۔ ایک صارف نے لکھا کہ ان کا ایمان مضبوط ہے، ہم تو قبر کا ذکر کرنے سے بھی گھبراتے ہیں جبکہ ایک اور صارف کا کہنا تھا قبر بنانے کے بجائے اگر اولڈ ایج ہوم بنا دیتے تو زیادہ بہتر ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عطااللہ عیسیٰ خیلوی عیسیٰ خیلوی عیسیٰ خیلوی قبر قبر گلوکار ویڈیو وائرل
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم