کچھ لوگ کراچی آتشزدگی واقعہ پر سیاست کر رہے ہیں، وزیراعظم نے رابطہ نہیں کیا، وزیراعلیٰ سندھ
اشاعت کی تاریخ: 18th, January 2026 GMT
وزیراعلیٰ سندھ مراد علی شاہ نے کہا ہے کہ کچھ لوگ کراچی آتشزدگی واقعہ پر سیاست کر رہے ہیں، وزیراعظم نے رابطہ نہیں کیا، ہم تاجروں کے نقصان کا شفاف طریقے سے مداوا کریں گے۔
یہ بھی پڑھیں: کئی گھرانوں کے چراغ گُل کرنے والی گل پلازہ کی آگ میں متعدد افراد لاپتا، اہل خانہ پریشان
وزیراعلیٰ سندھ مراد علی شاہ نے کراچی میں آگ سے تباہ شدہ گل پلازے کے دورے کے موقع پر میڈیا سے گفتگو کرتے ہوئے کہا کہ وہ کراچی میں موجود نہیں تھے، انہیں رات گئے آگ لگنے کی اطلاع ملی۔ ’میں میئر کراچی اور چیف سیکریٹری سے رابطے میں تھا، سعید غنی نے بھی یہاں کا دورہ کیا ہے۔‘
کراچی گل پلازہ میں اگ لگنے کے کوئی 19 گھنٹے بعد وزیراعلی سندھ مراد علی شاہ جائے وقوع پر پہنچ گئے
اب تک چھ افراد کی ہلاکت اور 20 کے زخمی ہونے کی تصدیق ہو چکی ہے جبکہ 50 سے زائد لاپتہ ہیں pic.
— Shahid Hussain (@ShahidHussainJM) January 18, 2026
مراد علی شاہ نے کہا کہ یہ بہت افسوس ناک واقعہ ہے، کچھ لوگ سیاست کر رہے ہیں، وزیراعظم نے ذاتی طور پر مجھ سے ابھی تک رابطہ نہیں کیا لیکن میڈیا میں دیکھا ہے کہ انہوں نے نوٹس لیا ہے، کہا جا رہا ہے کہ 58 کے قریب لوگ لاپتا ہیں، اللہ کرے ان لاپتا لوگوں میں سے کوئی ایک مل جائے۔
یہ بھی پڑھیں: کراچی گل پلازہ آتشزدگی: وزیراعلیٰ سندھ کو رپورٹ پیش کردی گئی
انہوں نے کہا کہ اس سے قبل بولٹن مارکیٹ کراچی میں جو سانحہ ہوا تھا تو صدر آصف علی زرداری نے خود وفاق سے مدد دلوائی تھی، ہم نے لوگوں کو مالی امداد دی تھی، اس کے بعد ٹمبر مارکیٹ میں آگ لگی تھی اس میں بھی لوگوں کی مالی امداد کی تھی، اب بھی کریں گے۔
ان کا کہنا تھا کہ یہاں پر چھوٹے تاجروں کا نقصان ہوا ہے، اس پر شفاف طریقے سے تحقیقات کی جائیں گی اور تاجروں کے نقصان کا مداوا کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آگ کراچی گل پلازہ مراد علی شاہ وزیراعلیٰ سندھ
ذریعہ
ذریعہ: WE News
کلیدی لفظ: کراچی گل پلازہ مراد علی شاہ وزیراعلی سندھ مراد علی شاہ گل پلازہ
پڑھیں:
بلوچستان کے عوام کی قربانیوں کو ہمیشہ یاد رکھا جائے گا:شہباز شریف
ویب ڈیسک :وزیراعظم شہباز شریف نے کہا کہ بلوچستان کے لوگوں کی قربانیاں رائیگاں نہیں جائیں گی، بلوچستا ن میں بسنے والے بلوچوں اور پشتونوں نے قیام پاکستان میں کلیدی کردار ادا کیا۔
وزیراعظم شہباز شریف نے بلوچستان نیشنل ورکشاپ کے شرکا سے خطاب کرتے ہوئے کہا ہے کہ بلوچستان جغرافیائی لحاظ سے پاکستان کا سب سے بڑا صوبہ ہے، جبکہ اسلام آباد چاروں صوبوں کا مشترکہ مسکن ہے۔
انہوں نے کہا کہ بلوچستان میں بسنے والے بلوچوں اور پشتونوں نے قیامِ پاکستان میں کلیدی کردار ادا کیا، وزیراعظم کے مطابق قومی مالیاتی کمیشن (این ایف سی) ایوارڈ کے تحت پنجاب نے بلوچستان کے لیے 150 ارب روپے کا حصہ دیا، جبکہ دیگر تین صوبوں نے بھی بلوچستان کے مفاد میں اپنا حصہ ڈالا، یہ کسی پر احسان نہیں بلکہ قومی بھائی چارے اور یکجہتی کی مثال ہے۔
اوپن مارکیٹ میں مہنگائی برقرار، آٹا، گھی اور دالیں مہنگی
شہباز شریف نے بتایا کہ کراچی سے چمن تک دو رویہ شاہراہ کی تعمیر جاری ہے اور بلوچستان کے 27 ہزار ٹیوب ویلز کو سولر توانائی پر منتقل کیا جا چکا ہے تاکہ صوبے میں زرعی اور توانائی کے شعبوں کو مزید مستحکم بنایا جا سکے۔
وزیراعظم نے اس عزم کا اظہار کیا کہ بلوچستان کے عوام کی قربانیاں ہرگز رائیگاں نہیں جائیں گی، انہوں نے کہا کہ دہشت گردی کے خلاف جنگ میں پاکستان نے بے مثال قربانیاں دی ہیں اور اس جنگ میں 90 ہزار پاکستانی شہید ہوئے۔
پنجاب میں ترقیاتی منصوبوں کی منظوری کے لیے نئی گائیڈ لائنز جاری
بھارت سے جنگ اور افغانستان میں کارروائی خارج ازامکان نہیں، وزیردفاع