کچے میں پولیس کا آپریشن، 11ڈاکوؤں نے سرنڈر کردیا
اشاعت کی تاریخ: 18th, January 2026 GMT
راجن پور:(نیوزڈیسک) پنجاب اور سندھ کے کچے عمرانی، سکھانی اور کچہ کراچی میں پولیس کا ڈاکوؤں کے خلاف آپریشن جاری ہے جس میں 11 ڈاکوؤں سے سرنڈر کردیا۔
ڈی پی او کے مطابق آپریشن کے دوران ڈاکوؤں کے ٹھکانوں پر ڈرون کے ذریعے گولہ باری کی جا رہی ہے، ڈاکوؤں کے ٹھکانے اور بنکرز مکمل طور پر تباہ کر دیے گئے۔
اُنہوں نے کہا کہ کارروائی میں انتہائی مطلوب عمرانی گینگ کے 11 ڈاکوؤں نے پولیس کے سامنے سرنڈر کر دیا، جنہوں نے بھاری اسلحہ سمیت پولیس کے سامنے خود کو پیش کیا۔
ڈی پی او کا مزید کہنا تھا کہ گرفتار ڈاکو اغوا، قتل اور ڈکیتی کے درجنوں مقدمات میں مطلوب تھے، جنہیں قانون کے مطابق سخت سزائیں دی جائے گی جب کہ مزید ڈاکوؤں نے گرفتاری دینے کا اعلان کردیا اور مزاحمت پر ہلاکت کی وارننگ دی گئی ہے۔
.
ذریعہ
ذریعہ: Daily Mumtaz
پڑھیں:
میسی ارجنٹائن کے صدر بنیں گے؟ نئی پیشگوئی نے سب کو حیران کردیا
ارجنٹائن کے فٹبال لیجنڈ لیونل میسی کے بارے میں ایک حیران کن پیشگوئی ہوئی ہے کہ وہ آئندہ پانچ برس کے اندر ارجنٹائن کے صدر بن سکتے ہیں۔
چینی ماہر تعلیم اور تجزیہ کار جیانگ شوئیکن نے یہ دعویٰ متنازع آن لائن کانٹنٹ کریئٹر سنیکو کے کِک پلیٹ فارم پر ایک گفتگو کے دوران کیا، جس میں انہوں نے کہا کہ لیونل میسی ارجنٹائن کے صدارتی انتخابات میں حصہ لیں گے اور آسانی سے کامیاب ہو جائیں گے۔
انہوں نے مزید بتایا کہ فٹبالر 20 برس تک اقتدار میں رہ سکتے ہیں کیونکہ لوگ انہیں پسند کریں گے اور غلط فیصلے کرنے پر بھی معاف کر دیں گے۔
یہ پیشگوئی ایسے وقت میں سامنے آئی ہے جب میسی نے 39 برس کی عمر میں ارجنٹائن کو مسلسل دوسری بار فیفا ورلڈ کپ کے فائنل تک پہنچایا۔ اگرچہ فائنل میں اسپین کے ہاتھوں شکست کا سامنا کرنا پڑا، تاہم شائقین کے نزدیک ان کی حیثیت بدستور ناقابلِ تردید ہے۔
واضح رہے کہ لیونل میسی کی جانب سے سیاست میں آنے یا صدارتی انتخابات میں حصہ لینے کا کوئی اعلان نہیں کیا گیا، اور یہ دعویٰ محض ایک تجزیہ کار کی ذاتی پیشگوئی ہے، جس کی آزادانہ طور پر تصدیق نہیں ہوئی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع