چیف جسٹس سے سپریم کورٹ بار کی ملاقات، بہترکیس مینجمنٹ پر اتفاق
اشاعت کی تاریخ: 20th, January 2026 GMT
اسلام آباد(نیوزڈیسک)چیف جسٹس پاکستان اور سپریم کورٹ بار کی ملاقات میں کیس مینجمنٹ بہتر بنانے پر اتفاق ہو گیا، سپریم کورٹ نے ماہانہ کاز لسٹ پیشگی جاری کرنے اور ڈی لسٹنگ سے اڑتالیس گھنٹے قبل اطلاع دینے کا فیصلہ کر لیا۔اعلامیے کے مطابق سپریم کورٹ میں ماہانہ کاز لسٹ پیشگی جاری کی جائے گی جبکہ ہفتہ وار کاز لسٹ بدھ تک جاری کرنے کا فیصلہ کیا گیا ہے۔
مقدمات کی ڈی لسٹنگ سے اڑتالیس گھنٹے قبل اطلاع لازمی ہوگی، جبکہ چوبیس گھنٹے کے اندر ڈی لسٹ ہونے والے کیسز اسی ہفتے دوبارہ مقرر کیے جائیں گے۔ابتدائی سماعت کی پالیسی پر سختی سے عملدرآمد کیا جائے گا اور اسی سال سے زائد عمر کے قیدیوں کے مقدمات کو ترجیحی بنیادوں پر سنا جائے گا، جبکہ سمجھوتے سے نمٹائے گئے کیسز بھی ابتدائی سماعت میں شامل ہوں گے۔
اعلامیے کے مطابق فیصلے اور احکامات فوری طور پر ای میل کے ذریعے وکلا کو ارسال کیے جائیں گے، دوپہر کے بعد سماعت کے نئے طریقہ کار کی منظوری دی گئی ہے، اور فریقین کی مشترکہ درخواست پر ظہرانے کے بعد سماعت ممکن ہوگی، ایسی سماعتوں میں التوا نہیں دیا جائے گا۔برانچ رجسٹریز میں بینچز کا تعین مقدمات کی تعداد کے مطابق ہوگا جبکہ رجسٹرار روزانہ گیارہ سے سوا گیارہ تک شکایات سنیں گے۔
.
ذریعہ
ذریعہ: Daily Mumtaz
کلیدی لفظ: سپریم کورٹ
پڑھیں:
کراچی: نجی ایئر لائن کی حج پرواز جدہ سے 15 گھنٹے کی تاخیر سے پہنچ گئی
—فائل فوٹونجی ایئر لائن کی حج آپریشن کی پرواز پی کے 940 جدہ سے15 گھنٹے کی تاخیر سے کراچی پہنچ گئی۔
ایئر لائن ذرائع کے مطابق بوئنگ 777 طیارے میں 300 سے زائد حجاج پہنچے ہیں۔
قومی ایئر لائن پی آئی اے کے بعد از حج آپریشن کا آغاز آج سے ہو گیا۔
ذرائع نے بتایا ہے کہ طیارے کی عدم دستیابی کے باعث پرواز تاخیر کا شکار ہوئی ہے۔
ایئرلائن ذرائع کا یہ بھی کہنا ہے کہ نجی ایئر لائن کا یہ حج آپریشن 30 جون کو اختتام پزیر ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ