وزیر خزانہ کی متحدہ عرب امارات کے ہم منصب سے ملاقات، اقتصادی تعاون مزید گہرا کرنے کے عزم کا اعادہ
اشاعت کی تاریخ: 20th, January 2026 GMT
وفاقی وزیر برائےخزانہ و ریونیو، سینیٹر محمد اورنگزیب نے عالمی اقتصادی فورم کے سالانہ اجلاس کے موقع پر متحدہ عرب امارات کے وزیر برائے مالی امور، معالی محمد الحسینی سے ملاقات کی۔ دونوں ممالک کے درمیان جاری اقتصادی تعلقات کا جائزہ لیا گیا اور سرمایہ کاری کے شعبے میں تعاون کو مزید فروغ دینے پر تبادلہ خیال ہوا۔
مزید پڑھیں: برآمدات پر مبنی ترقی ہی پاکستان کے معاشی استحکام کا واحد راستہ ہے، وزیر خزانہ سینیٹر محمد اورنگزیب
ملاقات کے دوران وزیر مالیات نے یو اے ای کے وزیر کو پاکستان کے عالمی مالیاتی فنڈ (IMF) کے پروگرام کی پیشرفت سے آگاہ کیا، جس میں ایکسٹینڈڈ فنڈ فیسلیٹی کے تحت جاری جائزہ اور کلائمیٹ ریزیلینس پروگرام کی پہلی نظرثانی شامل ہے۔ سینیٹر اورنگزیب نے یو اے ای کے مالی تعاون کی قدر دانی کی اور طویل المدتی سرمایہ کاری شراکت داری کے فروغ کی ضرورت پر زور دیا۔
دونوں وزرا نے مالیاتی اصلاحات، پرائیویٹائزیشن اقدامات اور پاکستان میں ٹوکنائزیشن کے لیے قائم کردہ ریگولیٹری فریم ورک پر بھی تبادلہ خیال کیا۔ یو اے ای کے وزیر نے پاکستان کی پیشرفت کی تعریف کی اور سرمایہ کاری اور کاروباری تعاون کے مواقع میں اضافے کی توقع ظاہر کی۔
مزید پڑھیں: وزیرِ خزانہ محمد اورنگزیب کی سعودی ہم منصب سے ملاقات، دوطرفہ اقتصادی تعلقات کو مزید مضبوط بنانے پر اتفاق
ملاقات میں عالمی اور علاقائی اقتصادی صورتحال پر بھی بات ہوئی، جس میں دونوں رہنماؤں نے پالیسیوں کی تسلسل اور اصلاحات کی اہمیت پر اتفاق کیا۔ ملاقات مثبت نوٹ پر اختتام پذیر ہوئی، اور دونوں رہنماؤں نے پاکستان اور یو اے ای کے درمیان اقتصادی تعاون کو مزید گہرا کرنے کے عزم کا اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سینیٹر محمد اورنگزیب عالمی اقتصادی فورم متحدہ عرب امارات معالی محمد الحسینی وزیر برائے مالی امور، وفاقی وزیر برائےخزانہ و ریونیو.
ذریعہ
ذریعہ: WE News
کلیدی لفظ: سینیٹر محمد اورنگزیب عالمی اقتصادی فورم متحدہ عرب امارات معالی محمد الحسینی وزیر برائے مالی امور وفاقی وزیر برائےخزانہ و ریونیو محمد اورنگزیب یو اے ای کے
پڑھیں:
وزیراعظم کا بی ٹو بی کانفرنس کی پیشرفت کے ماہانہ جائزہ اجلاس کی خود صدارت کا فیصلہ
وزیراعظم اجلاس کی صدارت کر رہے ہیں - فوٹو بشکریہ پی آئی ڈیوزیراعظم شہباز شریف نے چین میں بی ٹو بی کانفرنس کے دوران ہوئی پیشرفت کے ماہانہ جائزہ اجلاس کی خود صدارت کا فیصلہ کیا ہے۔
دورہ چین میں پاک چین بزنس ٹو بزنس کانفرنس کے دوران لیے گئے فیصلوں کی پیشرفت کا جائزہ لینے کیلئے وزیراعظم شہباز شریف کی زیر صدارت اجلاس ہوا۔ جس میں وفاقی وزرا رانا تنویر، احد چیمہ، احسن اقبال، شزا فاطمہ خواجہ اور متعلقہ حکام شریک ہوئے۔
اس موقع پر وزیراعظم شہباز شریف کا کہنا تھا کہ پاکستان اور چین کے نجی شعبے کے درمیان کاروباری روابط میں غیر معمولی اضافہ ہوا ہے۔ یہ اضافہ دونوں ممالک کی اقتصادی شراکت داری کے نئے دور کا آغاز ہے۔
اسلام آباد پاکستان اور چین نے سرمایہ کاری، زراعت...
انہوں نے کہا کہ چین کے ساتھ صنعتی، زرعی اور تکنیکی تعاون سے برآمدات بڑھنے اور روزگار کے نئے مواقع پیدا ہوں گے۔ ہانگژو بی ٹو بی کانفرنس میں ایم اویوز کو جلد باقاعدہ معاہدوں اور مشترکہ منصوبوں میں تبدیل کیا جائے۔
وزیراعظم کا کہنا تھا کہ چین کی اکیڈمی آف ایگریکلچرل سائنسز اور پاکستان ایگریکلچرل ریسرچ کونسل کے درمیان تعاون کو عملی جامہ پہنایا جائے۔ پاک چین مشترکہ منصوبوں سے پاکستان کے زرعی شعبے میں انقلابی تبدیلی لائی جاسکیں گی۔
اجلاس کو بریفنگ دیتے ہوئے بتایا گیا کہ ہانگژو میں 24 مئی کو پاکستان چین بی ٹو بی کانفرنس میں 123 پاکستانی اور 436 چینی کمپنیوں نے شرکت کی۔ کانفرنس کے دوران تقریباً 7.54 ارب ڈالر مالیت کی 207 مفاہمتی یادداشتوں پر دستخط کیے گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ