زونگ اور پنجاب انفارمیشن ٹیکنالوجی بورڈ کا اشتراک
اشاعت کی تاریخ: 21st, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر) پاکستان کی معروف انفارمیشن سروسز اور ٹیکنالوجی انوویشن کمپنی زونگ فورجی نے پنجاب انفارمیشن ٹیکنالوجی بورڈ (PITB) کے ساتھ مفاہمت کی ایک یاداشت پر دستخط کیے ہیں جس کا مقصد پنجاب بھر میں 15 ڈویژنل اور ضلعی ای خدمت مراکز کے ذریعے شہریوں کو ٹیلی کام سروسز تک بہتر رسائی فراہم کرنا ہے۔ اس اقدام کا مقصد سروس آؤٹ ریچ کو بہتر بنانا، صارفین کے ساتھ روابط بڑھانا اور ٹیکنالوجی پر مشتمل پلیٹ فارمز کے ذریعے عوامی خدمات کی فراہمی کے حوالے سے پی آئی ٹی بی کے مشن میں معاونت فراہم کرنا ہے۔ معاہدہ کے تحت زونگ فورجی کے کسٹمر فسیلیٹیشن ڈیسک اس حوالے سے دستیاب ضروری سروسز فراہم کریں گے، جن میں سم کا اجرا اورتبدیلی، بنیادی اکاؤنٹ، ری چارج اور بل ادائیگی سے متعلق رہنمائی اور زونگ کی مصنوعات اور پیکیجز کے ساتھ متعلقہ کسٹمر سروسز کے بارے میں معلومات شامل ہوں گی۔ یہ ڈیسک ان شہریوں کی معاونت کے لیے قائم کیے گئے ہیں جنہیں بالمشافہ سپورٹ کی ضرورت ہوتی ہے یا جو ڈیجیٹل چینلز کے استعمال میں مشکلات کا سامنا کرتے ہیں، جو عوامی خدمات کی فراہمی کے لیے ایک منظم اور جامع طریقہ کار کی عکاسی کرتا ہے۔ شہری پنجاب بھر میں پی آئی ٹی بی کے تمام ای۔سروس سینٹرز کے بارے میں مکمل معلومات کے لیے سرکاری ویب سائٹ کو وزٹ کر سکتے ہیں۔ زونگ فورجی کے ایگزیکٹو ڈائریکٹر سیلز اینڈ ڈسٹری بیوشن، فہیم خان درانی نے کہاکہ،’’پی آئی ٹی بی کے ساتھ ہماری شراکت داری موثر پبلک پرائیویٹ پارٹنرشپ کے ذریعے شہریوں پر مرکوز سروس ڈیلیوری کو بہتر بنانے کے مشترکہ عزم کی عکاسی کرتی ہے۔ ای۔سروس سنٹرزمیں کسٹمر فسیلیٹیشن ڈیسک قائم کرکے، ہمارا مقصد صارفین کو بلا تعطل اور مؤثر معاونت فراہم کرنے کے ساتھ ساتھ پنجاب حکومت کے ڈیجیٹل پاکستان ایجنڈا کو آگے بڑھانا ہے۔
ذریعہ
ذریعہ: Jasarat News
کلیدی لفظ: کے ساتھ
پڑھیں:
پنجاب بھر میں دفعہ 144 کے نفاذ میں توسیع
لاہور: پنجاب بھر میں دفعہ 144 کے نفاذ میں توسیع کردی گئی۔محکمہ داخلہ پنجاب کے مطابق صوبہ بھر میں کھلی فضا میں ڈرون اُڑانے پر مکمل پابندی برقرار ہے، دفعہ 144 کے تحت آؤٹ ڈور ڈرون اڑانے پر عائد پابندی میں 30 روز کی توسیع کر دی گئی ہے۔حکومت پنجاب نے یہ فیصلہ سکیورٹی خدشات کے پیشِ نظر کیا ہے۔اعلامیے میں کہا گیا ہے کہ ہالز اور مارکیز کے اندر تقریبات کے دوران چھوٹے ڈرون کے محدود استعمال کی اجازت ہے، جبکہ اندرونی تقریبات میں ڈرون کے محفوظ استعمال کی ذمہ داری منتظمین پر عائد ہوگی۔حکومتی ہدایت کے مطابق قانون نافذ کرنے والے ادارے اور انٹیلیجنس ایجنسیاں اس پابندی سے مستثنیٰ ہوں گی اور وہ اپنے فرائض کے مطابق ڈرون سمیت دیگر ٹیکنالوجی استعمال کر سکیں گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ