مری میں 4 انچ برفباری، سیاحوں کی بڑی آمد، ڈی پی او خود فیلڈ میں متحرک
اشاعت کی تاریخ: 22nd, January 2026 GMT
اسلام آباد (طارق محمود سمیر)ملکۂ کوہسار مری میں برفباری کا باقاعدہ سلسلہ شروع ہو گیا ہے اور مختلف علاقوں میں اب تک 4 انچ تک برف ریکارڈ کی جا چکی ہے۔ برفباری کے آغاز کے ساتھ ہی سیاحوں کی بڑی تعداد مری پہنچ گئی ہے، جس کے باعث شہر اور داخلی راستوں پر ٹریفک کا دباؤ بڑھ گیا ہے۔
ڈسٹرکٹ پولیس آفیسر مری ڈاکٹر محمد رضا تنویر سپرا کے مطابق جمعرات کی رات 9 بج کر 20 منٹ تک مری کے ضلعی داخلی راستوں سے 10 ہزار 741 گاڑیاں داخل ہوئیں جبکہ 9 ہزار 544 گاڑیاں واپس روانہ ہوئیں۔ اس وقت ضلع مری کی حدود میں نیٹ 1,197 گاڑیاں موجود ہیں۔ اسی طرح شہر کے اندرونی علاقوں میں 9 ہزار 551 گاڑیاں داخل ہوئیں اور 7 ہزار 469 گاڑیاں باہر گئیں، جس کے بعد شہر میں گاڑیوں کی مجموعی تعداد 2,082 ریکارڈ کی گئی۔
ڈی پی او مری نے بتایا کہ گزشتہ 24 گھنٹوں کے دوران، 21 جنوری کی رات سے اب تک مجموعی طور پر 11 ہزار 339 گاڑیاں مری میں داخل ہوئیں جبکہ 10 ہزار 88 گاڑیاں واپس روانہ ہوئیں۔ اس وقت گنجان علاقوں میں گاڑیوں کی نیٹ تعداد 2,278 ہے۔
برفباری کے دوران سیکیورٹی اور ٹریفک صورتحال کا خود جائزہ لینے اور جوانوں کا حوصلہ بڑھانے کے لیے ڈی پی او مری ڈاکٹر محمد رضا تنویر سپرا خود فیلڈ میں موجود ہیں۔ ان کے مطابق مری پولیس، ٹریفک پولیس اور ریسکیو 1122 کے اہلکار تمام اہم شاہراہوں اور مختلف مقامات پر تعینات ہیں اور شدید موسم میں سیاحوں کی رہنمائی اور مدد کے لیے 24 گھنٹے متحرک ہیں۔
سیاحوں کے لیے ہدایات جاری کرتے ہوئے ڈی پی او مری نے کہا کہ برفانی سڑکوں پر پھسلن سے بچنے کے لیے سنو چین کا استعمال لازمی بنایا جائے اور کسی بھی ہنگامی صورتحال یا ہیٹر کے استعمال کے پیش نظر گاڑی میں ایندھن کی مقدار مکمل رکھی جائے۔ انہوں نے شدید برفانی طوفان کی پیشگوئی کے باعث رات کے وقت اور غیر ضروری سفر سے گریز کرنے کی بھی اپیل کی۔
ڈی پی او مری نے مزید کہا کہ گاڑیوں کو مرکزی شاہراہوں یا ڈھلوانوں پر پارک نہ کیا جائے تاکہ برف ہٹانے والی مشینری کے کام میں رکاوٹ نہ ہو۔ ان کا کہنا تھا کہ تمام چیک پوسٹس پر پولیس اہلکار سیاحوں کو خوش آمدید کہنے کے ساتھ ساتھ موسمی صورتحال اور ٹریفک ایڈوائزری سے بھی آگاہ کر رہے ہیں۔
انہوں نے شہریوں اور سیاحوں کو ہدایت کی کہ کسی بھی مشکل، گاڑی خراب ہونے یا ہنگامی صورتحال میں فوری طور پر پولیس ہیلپ لائن 15 یا ریسکیو 1122 سے رابطہ کریں تاکہ بروقت امداد فراہم کی جا سکے۔
ذریعہ
ذریعہ: Daily Mumtaz
کلیدی لفظ: ڈی پی او مری کے لیے
پڑھیں:
پنجاب میں انسداد ڈینگی کارروائیوں کیلئے افسران کو فوری متحرک ہونے کی ہدایت
کابینہ کمیٹی برائے متعدی امراض، ڈینگی و ڈیزاسٹر منیجمنٹ کا اجلاس لاہور میں ہوا، پنجاب کے وزرائے صحت سلمان رفیق اور خواجہ عمران نذیر نے اجلاس کی صدارت مشترکہ طور پر صدارت کی۔
اس موقع پر پنجاب کے وزرائے صحت نے کہا کہ ڈینگی کے افزائش والے اضلاع پر خصوصی توجہ دی جا رہی ہے، صوبے بھر میں ڈینگی کی تازہ صورتحال پر قابو پانے کیلیے اقدامات کا جائزہ لیا گیا۔
صوبائی وزیر خواجہ عمران نذیر نے متعلقہ افسران کو فوری متحرک ہونے کی ہدایت کی۔ انھوں نے کہا ہمیشہ دیکھا گیا ہے کہ جون جولائی میں انسداد ڈینگی کارروائیوں کے مثبت نتائج سامنے آتے ہیں۔
خواجہ عمران نذیر نے کہا ڈینگی وائرس پر قابو پانے کے اقدامات کسی ایک محکمہ کی ذمہ داری نہیں، اقدامات کی ذمہ داری تمام اسٹیک ہولڈرز کی ہے۔
خواجہ عمران نے سی ای او ہیلتھ کو ضلعی انتظامیہ کیساتھ مسلسل رابطے میں رہنے کی ہدایت کی۔
انھوں نے کہا کہ ایچ آر منیجمنٹ، والنٹیر ماڈل کو اپناتے ہوئے ڈینگی کا خاتمہ ممکن ہے، یونیورسٹی اور کالجز کے طلبہ کو انسداد ڈینگی کی کارروائیوں میں شامل کرنے کا فیصلہ بھی کیا گیا۔
خواجہ سلمان رفیق نے کہا ڈینگی کی بوگس سرویلنس ناقابل برداشت ہے، عوام اپنےگھروں، دکانوں اور دیگر مقامات پر صفائی کویقینی بنائیں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ