پنجاب حکومت کا دوسروں کی زمینوں پر کام کرنے والے مزدوروں کو اپنے کھیت کا مالک بنانے کا تاریخی فیصلہ
اشاعت کی تاریخ: 23rd, January 2026 GMT
لاہور:
پنجاب حکومت نے مزدور اور مزارع بن کر دوسروں کی زمینوں پر ہل چلانے والے کسانوں کو اپنے کھیتوں کا مالک بنانے کا تاریخی فیصلہ کیا ہے جس کے لیے ”اپنا کھیت، اپنا روزگار پروگرام“ شروع کیا جائے گا۔
ایکسپریس نیوز کے مطابق وزیراعلی پنجاب مریم نواز شریف کی زیر صدارت پنجاب کابینہ کا 32ویں اجلاس ہوا جس میں تاریخی فیصلے کیے گئے۔
پنجاب حکومت کے مطابق پنجاب کی زرعی سرکاری اراضی اب اشرافیہ کے لیے نہیں، غریب کے روزگار کے لیے وقف ہوگی، صوبے بھر میں زرعی سرکاری اراضی کاشت کے لیے دی جائے گی۔
اطلاعات کے مطابق 50 ہزار افراد کو کاشت کے لیے سرکاری زمین دینے کے لیے فوری اقدامات کی ہدایت کی گئی ہے۔
اب تحصیل میں بھی شاندار گرین بس چلیں گی
فیصلہ کیا گیا کہ اضلاع کے بعد اب تحصیل میں بھی شاندار گرین بس چلیں گی، تحصیلوں میں الیکٹروبس سروس شروع کرنے کے لیے ایک ہزار گرین بسیں منگوانے کی ہدایت کی گئی۔
الیکٹرو بس میں 25مارچ سے کیش لیس ادائیگی سسٹم نافذ کیا جائے گا
الیکٹرو بس میں 25مارچ سے کیش لیس ادائیگی سسٹم نافذ کرنے کا فیصلہ بھی کیا گیا، کیش ادائیگی کی صورت میں مسافر کو الیکٹرک بس میں زیادہ کرایہ ادا کرنے پڑے گا، کابینہ نے ٹی کیش کارڈ، بینک کارڈ سسٹم 25 مارچ سے نافذ کرنے کی منظوری دے دی۔
مزید پڑھیںپنجاب کابینہ نے مختلف محکموں میں کئی ہزار بھرتیوں کی منظوری دیدی
اہلِ پنجاب کے لیے بڑا انقلابی منصوبہ؛ اپنی چھت اپنا گھر پروگرام مزید وسیع
پنجاب حکومت نے 23 ماہ میں 10 لاکھ افراد کو روزگار فراہم کردیا، وزیر اعلیٰ مریم نواز
تمام اضلاع میں ہارس اینڈ کیٹل شو کرانے کی ہدایت
وزیراعلی نے تاجر طبقے کے لیے قوانین میں آسانی پیدا کرنے کے لیے اقدامات کا حکم دیا۔پنجاب کی ثقافت اور لائیو اسٹاک کے فروغ کے لیے تمام اضلاع میں ہارس اینڈ کیٹل شو کرانے کی ہدایت کی اور ہر ضلع میں ہارس اینڈ کیٹل شو کی طرز پر تقریبات منعقد کرانے کا حکم دیا۔
موٹر وہیکل آرڈیننس میں ترمیم کی گئی جس کے تحت اب 16 سے 18 سال کے لیے ڈرائیونگ پرمٹ مل سکے گا۔
141 ڈاکو سرینڈر کر چکے،بریفنگ
کچے کے ڈاکوؤں کے معاملے پر بریفنگ میں بتایا گیا کہ پنجاب میں کچے کے علاقے سے 141 ڈاکو سرینڈر کر چکے ہیں، تھرمل ڈرون اور کیمرے کے ذریعے سندھ سے لائے جانے والے یرغمالیوں کی نشاندہی کرکے رہائی ممکن ہوئی۔
کابینہ نے اسکول مینجمنٹ کونسل پالیسی میں ترامیم کی منظوری دے دی۔
پیرا ویٹرنری فیلڈ اسٹاف کے لیے فکسڈ ٹریولنگ الاؤنس دو ہزار سے بڑھا کر 4 ہزار روپے ماہانہ کرنے کی منظوری دی گئی۔
ڈیلر وہیکل رجسٹریشن سسٹم (DVRS) ایکسائز، ٹیکسیشن اور نارکوٹکس کنٹرول ڈیپارٹمنٹ کے ملازمین کی سروس میں توسیع کردی گئی۔ موٹر ٹرانسپورٹ مینجمنٹ انفارمیشن سسٹم، ایکسائز، ٹیکسیشن اور نارکوٹکس کنٹرول ڈیپارٹمنٹ کے ملازمین کی سروس میں توسیع کرید گئی۔
.
ذریعہ
ذریعہ: Express News
کلیدی لفظ: پنجاب حکومت کی منظوری کی ہدایت کے لیے
پڑھیں:
سعودی عرب کی ابراہیمی معاہدے میں شمولیت تاریخی قدم ہوگا، نیتن یاہو کا ٹرمپ کی شرط پر ردعمل
نیتن یاہو - فوٹو: فائلاسرائیلی وزیراعظم بن یامین نیتن یاہو نے امریکی صدر ڈونلڈ ٹرمپ کے سعودی عرب پر سول جوہری معاہدے کےلیے ابراہیمی معاہدے میں شمولیت کی شرط سے متعلق ردِ عمل دے دیا۔
برطانوی خبر رساں ادارے رائٹرز کی رپورٹ کے مطابق ایکس (سابقہ ٹوئٹر) پر جاری ایک بیان میں اسرائیلی وزیراعظم کا کہنا تھا کہ سعودی عرب کا ’ابراہیمی معاہدے‘ میں شامل ہونا مشرقِ وسطیٰ میں امن و سلامتی کے لیے تاریخی اور عظیم پیش رفت ہوگی۔
خیال رہے کہ نیتن یاہو کی جانب سے یہ بیان امریکی صدر ڈونلڈ ٹرمپ کے اس اعلان کے بعد سامنے آیا جس میں انہوں نے امریکہ اور سعودی عرب کے درمیان ہونے والے سول جوہری معاہدے کا ذکر کیا تھا۔
اپنے بیان میں امریکی صدر کا کہنا تھا کہ امریکی محکمہ توانائی اور سعودی عرب کے درمیان سول جوہری معاہدہ منظور کرلیا جائے گا۔
صدر ٹرمپ نے واضح طور پر یہ شرط رکھی تھی کہ امریکہ اور سعودی عرب کے درمیان یہ سول جوہری معاہدہ اسی صورت ممکن ہوگا جب سعودی عرب باضابطہ طور پر ’ابراہیمی معاہدے‘ کا حصہ بنے گا۔
تاہم یہ علم میں رہے کہ اپنے بیان میں اسرائیلی وزیراعظم نے امریکہ اور سعودی عرب کے اس سول جوہری معاہدے کا براہِ راست کوئی تذکرہ نہیں کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار