شدید سردی! تعلیمی ادارے 2 دن بند رکھنے کا اعلان
اشاعت کی تاریخ: 23rd, January 2026 GMT
مظفر آباد : آزاد کشمیر و شمالی علاقوں میں شدید سردی اور برفباری کے بعد 2 دن تعلیمی ادارے بند رکھنے کا اعلان کردیا گیا۔
تفصیلات کے مطابق آزاد کشمیر میں شدید برفباری کے باعث انتظامیہ نے تعلیمی اداروں کو 2 دن بند رکھنے کا اعلان کردیا گیا۔سکول پیر 26 جنوری کو دوبارہ کھلیں گے، چھٹیوں کے باعث طلبہ کے لیے طویل ویک اینڈ بن جائے گا۔آزاد کشمیر کے ہٹیان بالا، چوناری، چکوٹھی، لیپا ویلی، گنگا چوٹی، ارنگ کیل اور سرگان ویلی سمیت بلند پہاڑی علاقوں میں وقفے وقفے سے برفباری جاری ہے، جبکہ نچلی سطح پر بارش ہو رہی ہے۔شمالی علاقوں میں شدید برفباری کے باعث زندگی بری طرح متاثر ہوئی ہے اور متعدد سڑکیں بند ہیں، جس سے سیاح پھنس گئے اور کئی علاقے الگ تھلگ ہو گئے ہیں۔ اس دوران دو افراد مختلف حادثات میں جان کی بازی ہار گئے۔بلوچستان کے شمالی علاقوں میں بھی برفانی طوفان جاری ہے، خاص طور پر کوئٹہ-زیارت ہائی وے اور این-50 پر کئی گاڑیاں پھنس گئی ہیں۔ چمن میں 100 سے زائد سیاح پھنسے ہوئے ہیں۔تیرہ ویلی میں شدید برفباری اور بارش کے باعث تقریباً 100 گاڑیاں سڑکوں پر پھنس گئی ہیں۔ کوجک ٹاپ پر درجہ حرارت منفی 12 ڈگری سینٹی گریڈ تک گر گیا ہے۔خیبر پختونخوا کے بالائی علاقوں بشمول مانسہرہ، گلیات، شانگلہ، لوئر دیر، مہمند، کالام، اورکزئی، چترال اور خیبر میں بھی شدید برفباری ہو رہی ہے، خیبر ضلع میں تقریباً 100 گاڑیاں پھنس گئی ہیں.
ذریعہ
ذریعہ: Nawaiwaqt
کلیدی لفظ: برفباری کے علاقوں میں کے باعث
پڑھیں:
انفرااسٹرکچر پر امریکی حملوں کا جواب شدید اور وسیع ہوگا، ایران
ایران کی حکومت کے اعلیٰ عہدیدار محسن رضاعی نے خبردار کیا ہے کہ ایرانی انفرااسٹرکچر پر امریکی حملوں کا ردعمل شدید اور وسیع ہوگا۔
ایرانی خبرایجنسی کی رپورٹ کے مطابق محسن رضائی نے سوشل میڈیا پر جاری بیان میں کہا کہ اگر امریکہ نے ایران کے انفرا اسٹرکچر پر مزید حملے کیے تو ایران کا جوابی اقدام شدید اور بتدریج وسیع ہوگا۔
انہوں نے کہا کہ شلمچہ میں زائرین پر حملہ اور انفرا اسٹرکچر پر حملوں کی امریکی دھمکیاں مایوسی اور بے بسی کے سوا کچھ نہیں ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی