مختار اعوان کا مزدور رہنما ئوں کی رہائی کا مطالبہ
اشاعت کی تاریخ: 26th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان یونائیٹڈ ورکر فیڈریشن کے صدر مختار حسین اعوان نے حکومتِ بلوچستان سے پر زور مطالبہ کیا ہے کہ پاکستان یونائیٹڈ ورکر فیڈریشن کے صوبائی رہنما، بلوچستان گریڈر الائنس کے رہنما اور نامور مزدور رہنما میر علی بخش جمالی سمیت ان کے تمام ساتھیوں کو فوری اور بلا شرط رہا کیا جائے۔
مختار حسین اعوان نے کہا کہ مزدور رہنماؤں کی گرفتاریاں مزدور طبقے کی جائز، آئینی اور جمہوری جدوجہد کو دبانے کی ناکام کوشش ہیں، جن کی پاکستان یونائیٹڈ ورکر فیڈریشن شدید الفاظ میں مذمت کرتی ہے۔ اْن کا کہنا تھا کہ طاقت اور جبر کے ذریعے مزدوروں کی آواز کو دبایا نہیں جا سکتا۔
انہوں نے خبردار کیا کہ اگر حکومت بلوچستان نے فوری طور پر مزدور رہنماؤں کی رہائی کو یقینی نہ بنایا تو مزدور طبقہ اپنے آئینی و جمہوری حق کے تحت احتجاج کے دائرہ کار کو وسیع کرنے پر مجبور ہوگا، جس کی تمام تر ذمہ داری حکومتِ بلوچستان پر عائد ہوگی۔
ذریعہ
ذریعہ: Jasarat News
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
بھارت سے جنگ اور افغانستان میں کارروائی خارج ازامکان نہیں، وزیردفاع