حیدر آباد،سرکاری و نجی عمارتوں میں فائر سیفٹی آرڈرز کو نافذ کرنے کا فیصلہ
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
حیدرآباد(نمائندہ جسارت)ڈپٹی کمشنر حیدرآباد زین العابدین میمن کی زیر صدارت نیو ڈپٹی کمشنر کمپلیکس حیدرآباد میں سرکاری و نجی کمرشل عمارتوں میں فائر سیفٹی آڈٹ کے عمل کو تیز اور مؤثر بنانے کے لیے جائزہ اجلاس منعقد ہوا، جس میں متعلقہ محکموں کے افسران اور چیمبرز آف کامرس سمیت ٹریڈ یونینز کے نمائندوں نے شرکت کی۔اجلاس سے خطاب کرتے ہوئے ڈپٹی کمشنر زین العابدین میمن نے کہا کہ وزیراعلیٰ سندھ کی ہدایات کے مطابق فائر سیفٹی آرڈرز پورے سندھ میں نافذ کیے جا رہے ہیں اور تمام متعلقہ افسران کو پہلے ہی ضروری ہدایات جاری کی جا چکی ہیں۔ انہوں نے بتایا کہ ضلع حیدرآباد میں کمرشل، سرکاری اور نجی عمارتوں کی تین کیٹیگریز کی فہرستیں تیار کر لی گئی ہیں، جن میں 302 کمرشل عمارتیں شامل ہیں، جن کے فائر سیفٹی آڈٹس سندھ حکومت کے تحت شائع کیے جائیں گے۔ڈپٹی کمشنر حیدرآباد نے ہدایت کی کہ آج سے ہی ان تمام عمارتوں کا دورہ شروع کیا جائے جہاں فائر سیفٹی آڈٹ موجود نہیں یا ایس او پیز پر عملدرآمد نہیں ہو رہا۔ انہوں نے واضح کیا کہ جن عمارتوں میں احتیاطی تدابیر اختیار نہیں کی جائیں گی ان کے خلاف کارروائی کی جائے گی۔انہوں نے بتایا کہ فائر سیفٹی انسپیکشن کے لیے ایک باقاعدہ پروفارما تیار کیا گیا ہے جسے دوران انسپیکشن مکمل کیا جائے گا، اور اگر کسی عمارت میں فائر ایکسٹینگشر، الارم یا دیگر بنیادی حفاظتی آلات موجود نہ ہوں تو اسی پروفارما کی بنیاد پر نوٹس اور سخت وارننگ جاری کی جائے گی۔ڈپٹی کمشنر نے مزید کہا کہ کمرشل عمارتوں میں بجلی کی تاروں، گیس لائنز اور ممکنہ لیکیج کے مسائل کو فوری طور پر متعلقہ اداروں کے ساتھ مل کر درست کیا جائے گا۔ اس مقصد کے لیے ٹاؤن میونسپل کارپوریشن، سول ڈیفنس، فائر بریگیڈ، ایس بی سی اے، ریسکیو 1122 اور اسسٹنٹ کمشنرز پر مشتمل کمیٹیاں پہلے ہی تشکیل دے دی گئی ہیں۔انہوں نے افسران کو ہدایت کی کہ اس اسائنمنٹ پر دن رات کام کیا جائے، خصوصاً تعلقہ لطیف آباد اور تعلقہ سٹی جیسے گنجان آباد علاقوں میں فائر سیفٹی آڈٹس کو ترجیح دی جائے۔اجلاس میں چیمبرز آف کامرس کے نمائندوں نے یقین دہانی کرائی کہ تاجر برادری فائر سیفٹی کے معاملے پر ضلعی انتظامیہ کے ساتھ بھرپور تعاون کرے گی۔ڈپٹی کمشنر حیدرآباد نے اس عزم کا اظہار کیا کہ عوامی جان و مال کا تحفظ ضلعی انتظامیہ کی اولین ترجیح ہے اور فائر سیفٹی کے حوالے سے کسی بھی قسم کی غفلت ہرگز برداشت نہیں کی جائے گی۔
ذریعہ
ذریعہ: Jasarat News
کلیدی لفظ: فائر سیفٹی ا عمارتوں میں ڈپٹی کمشنر میں فائر انہوں نے کیا جائے
پڑھیں:
کوڑا ٹیکس کی وصولی کی تیاریاں، محکمہ ایکسائز متحرک
علی ساہی:حکومت کی جانب سے گرین سگنل ملنے کے بعد محکمہ ایکسائز نے شہری علاقوں میں کوڑا ٹیکس کی وصولی کے لیے عملی تیاریاں شروع کر دی ہیں۔
ذرائع کے مطابق ابتدائی مرحلے میں صوبے کے شہری علاقوں میں 33 لاکھ سے زائد گھروں سے ٹیکس وصولی کا آغاز کیا جائے گا۔
محکمہ ایکسائز حکام کا کہنا ہے کہ مزید رہائشی اور کمرشل یونٹس کو نظام میں شامل کرنے کے لیے متعلقہ اداروں سے ڈیٹا اکٹھا کیا جا رہا ہے، جبکہ وصولیوں کے مؤثر نظام کے لیے درکار انتظامی اور تکنیکی ضروریات پر بھی کام جاری ہے۔ اس حوالے سے جلد ایک جامع سمری منظوری کے لیے حکومت کو ارسال کی جائے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
ذرائع کے مطابق ٹیکس وصولی کے نظام کو مؤثر بنانے کے لیے ابتدائی طور پر 70 گاڑیوں اور ساڑھے چھ سو ای بائیکس کی فراہمی کی درخواست کی جائے گی، تاکہ بلوں کی بروقت تقسیم اور وصولیوں کا عمل یقینی بنایا جا سکے۔
محکمہ ایکسائز نے بل تقسیم کرنے والے عملے کو سہولیات فراہم کرنے کے لیے ایک سے دو فیصد سروس چارجز کی بھی تجویز دی ہے، جبکہ بلوں کی پرنٹنگ اور دیگر انتظامی امور سے متعلق ورکنگ آخری مراحل میں ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ایکسائز حکام کے مطابق محکمہ ایکسائز اور متعلقہ ادارے کے درمیان بلوں کی تقسیم اور وصولی کے طریقہ کار پر متعدد اجلاس منعقد ہو چکے ہیں، جبکہ آئندہ ماہ کے پہلے ہفتے دونوں اداروں کے درمیان باقاعدہ مفاہمتی یادداشت (ایم او یو) پر دستخط کیے جانے کا امکان ہے، جس کے بعد کوڑا ٹیکس کی وصولی کے عمل کو باضابطہ طور پر شروع کیا جائے گا۔
پاکستان نے ورلڈ کپ 2028 کیلیے براہ راست کوالیفائی کر لیا