سونے کی قیمت میں کمی ریکارڈ، چاندی مہنگی ہو گئی
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: عالمی اور مقامی مارکیٹوں میں سونے کی قیمت میں کمی ریکارڈ کی گئی ہے جبکہ اس کے برعکس چاندی کی قیمتوں میں اضافہ دیکھا گیا ہے۔
بین الاقوامی بلین مارکیٹ میں آج فی اونس سونے کی قیمت میں 15 ڈالر کی کمی ہوئی، جس کے بعد سونا 5 ہزار 082 ڈالر فی اونس کی سطح پر آ گیا۔ اسی طرح عالمی قیمتوں میں کمی کے اثرات مقامی مارکیٹ میں بھی واضح طور پر دیکھے گئے، جہاں فی تولہ سونے کی قیمت 1 ہزار 500 روپے کی کمی کے بعد 5 لاکھ 30 ہزار 562 روپے پر آ گئی جب کہ فی 10 گرام سونے کی قیمت میں بھی 1 ہزار 286 روپے کی کمی ریکارڈ کی گئی، جس کے بعد نئی قیمت 4 لاکھ 16 ہزار 980 روپے مقرر ہو گئی۔
دوسری جانب چاندی کی قیمتوں میں اضافہ دیکھنے میں آیا، جہاں فی تولہ چاندی کی قیمت 212 روپے بڑھ کر 11 ہزار 640 روپے کی نئی بلند سطح پر پہنچ گئی۔ اسی طرح فی 10 گرام چاندی کی قیمت میں 182 روپے کا اضافہ ہوا، جس کے بعد قیمت 9 ہزار 979 روپے ہو گئی۔
یاد رہے کہ اس سے ایک روز قبل بین الاقوامی مارکیٹ میں سونے کی قیمت میں غیر معمولی اضافہ دیکھا گیا تھا، جب فی اونس سونا اچانک 109 ڈالر بڑھ کر 5 ہزار 097 ڈالر کی نئی بلند سطح پر پہنچ گیا تھا۔ عالمی مارکیٹ میں اس اضافے کے نتیجے میں مقامی مارکیٹ میں بھی سونے کی قیمت میں تیزی دیکھی گئی تھی۔
گزشتہ روز مقامی سطح پر فی تولہ سونے کی قیمت میں 10 ہزار 900 روپے کا بڑا اضافہ ہوا تھا، جس کے بعد قیمت 5 لاکھ 32 ہزار 062 روپے تک پہنچ گئی تھی جب کہ فی 10 گرام سونے کی قیمت 9 ہزار 345 روپے بڑھ کر 4 لاکھ 56 ہزار 157 روپے ہو گئی تھی۔
اسی طرح گزشتہ روز چاندی کی قیمت میں بھی نمایاں اضافہ ریکارڈ کیا گیا تھا، جب فی تولہ چاندی کی قیمت 537 روپے بڑھ کر 11 ہزار 428 روپے تک پہنچ گئی تھی۔
.
ذریعہ
ذریعہ: Jasarat News
کلیدی لفظ: سونے کی قیمت میں چاندی کی قیمت مارکیٹ میں جس کے بعد میں بھی فی تولہ گئی تھی بڑھ کر ہو گئی
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا