فرح یوسف نے اقرارالحسن سے علیحدگی کی خبروں پر خاموشی توڑ دی
اشاعت کی تاریخ: 27th, January 2026 GMT
سوشل میڈیا پر شخصیات کی نجی زندگی کو موضوعِ بحث بنانا اب ایک معمول بنتا جا رہا ہے اور اسی سلسلے میں حالیہ دنوں میں صحافی و ڈیجیٹل کریئٹر فرح یوسف اور ان کے شوہر اقرار الحسن کے تعلقات بھی افواہوں کی زد میں رہے۔ ان قیاس آرائیوں پر فرح یوسف نے خاموشی توڑتے ہوئے واضح مؤقف پیش کیا ہے۔
مزید پڑھیں: اقرار الحسن ماہانہ کتنے لاکھ روپے خرچ دیتے ہیں، فرح اقرار نے بتا دیا
ایک پوڈ کاسٹ میں گفتگو کے دوران فرح یوسف نے نہ صرف اپنی ازدواجی زندگی سے متعلق پھیلنے والی خبروں کو مسترد کیا بلکہ یہ بھی بتایا کہ کس طرح یوٹیوب اور دیگر پلیٹ فارمز پر غیر ذمہ دارانہ سرخیوں کے ذریعے ذاتی رشتوں کو سنسنی خیز بنایا جاتا ہے۔
ان کے مطابق کئی وی لاگز میں ایسی زبان استعمال کی جاتی ہے جو نہ صرف گمراہ کن بلکہ توہین آمیز بھی ہوتی ہے۔
فرح یوسف کا کہنا تھا کہ ڈیجیٹل پلیٹ فارمز پر ویوز کی دوڑ نے سچ اور جھوٹ کی لکیر مٹا دی ہے، جس کا سامنا صرف وہی نہیں بلکہ دیگر معروف شخصیات بھی کر چکی ہیں۔
انہوں نے مثال دیتے ہوئے بتایا کہ بعض اوقات شادی یا کسی تقریب کے بعد بلاجواز دوسری شادی یا علیحدگی کی خبریں گھڑ لی جاتی ہیں، حتیٰ کہ سینیئر افراد کی وفات تک کی جھوٹی اطلاعات پھیلائی جاتی ہیں۔
اپنی ذاتی زندگی کے حوالے سے گفتگو کرتے ہوئے انہوں نے بتایا کہ ان کا اور اقرار الحسن کا رشتہ وقت کے ساتھ مضبوط ہوا ہے۔ ابتدا میں پیشہ ورانہ فاصلے اور سینیئر جونیئر تعلق کے باعث جھجھک ضرور رہی، تاہم رفتہ رفتہ یہ رشتہ دوستی اور باہمی اعتماد میں بدل گیا۔
فرح یوسف کے مطابق وہ فطری طور پر شرمیلی ہیں اور ہر بات سب کے ساتھ شیئر کرنا ان کی عادت نہیں، اسی لیے خاموشی کو اکثر غلط معنی پہنائے جاتے ہیں۔
مزید پڑھیں: کوئی شخص بے وفائی کرے تو انسان کیا کرے؟ فرح اقرار الحسن کی نصیحت
ان کا کہنا تھا کہ حقیقت اس کے برعکس ہے اور ان کی ازدواجی زندگی احترام، دوستی اور باہمی سمجھ بوجھ پر قائم ہے۔
واضح رہے کہ فرح یوسف نے اپنے صحافتی کیریئر کا آغاز 2007 میں بطور نیوز اینکر کیا تھا اور وہ مختلف قومی چینلز سے وابستہ رہیں۔ اس وقت وہ ڈیجیٹل میڈیا کے ذریعے سماجی اور صحافتی موضوعات پر بات کررہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اقرارالحسن خاموشی توڑ دی علیحدگی کی خبریں فرح یوسف وی نیوز.
ذریعہ
ذریعہ: WE News
کلیدی لفظ: اقرارالحسن خاموشی توڑ دی علیحدگی کی خبریں فرح یوسف وی نیوز اقرار الحسن فرح یوسف نے
پڑھیں:
لاہور میں موسلا دھار بارش، سڑکیں زیر آب، معمولات زندگی متاثر
لاہور میں مون سون کی شدید بارشوں نے معمولات زندگی متاثر کر دیے، کئی علاقوں میں سڑکیں، چوراہے اور انڈر پاسز پانی میں ڈوب گئے جبکہ ٹریفک کی روانی شدید متاثر ہوئی۔ محکمہ موسمیات کے مطابق گزشتہ 48 گھنٹوں کے دوران شہر میں 343 ملی میٹر بارش ریکارڈ کی گئی، جس کے باعث متعدد نشیبی علاقوں میں پانی جمع ہوگیا۔
لاہور کے مختلف علاقوں میں بارش کا پانی جمع ہونے سے شہریوں کو آمدورفت میں مشکلات کا سامنا کرنا پڑا۔ بعض سڑکوں اور گلیوں میں 3 سے 4 فٹ تک پانی کھڑا رہا، جبکہ کئی مقامات پر گاڑیوں کی لمبی قطاریں لگ گئیں۔
یہ بھی پڑھیں: لاہور میں بارش کے بعد کئی علاقے زیر آب، ’اب آفس جانےکے لیے کشتی کی ضرورت ہوگی‘
ڈیفنس کے فیز ون سے فیز فائیو تک مختلف مقامات پر پانی جمع ہونے سے ٹریفک متاثر ہوئی، جبکہ غازی انڈر پاس اور مسجد چوک انڈر پاس کو پانی بھرنے کے باعث بند کرنا پڑا اور ٹریفک کو متبادل راستوں پر منتقل کیا گیا۔
حربنس پورہ، مال روڈ، کوپر روڈ، لکشمی چوک اور چوبرجی چوک سمیت متعدد علاقوں میں بھی پانی جمع ہونے کی اطلاعات ملیں، جہاں واسا کی ٹیمیں نکاسی آب میں مصروف رہیں۔
شدید بارش کے باعث شہر کی کئی سڑکوں پر گڑھے بھی پڑ گئے۔ کینال روڈ، جوہر ٹاؤن مین بلیوارڈ اور بھیکے والا موڑ سمیت مختلف مقامات پر سڑکیں متاثر ہوئیں، جس کے بعد ٹریفک پولیس نے متاثرہ علاقوں کو بند کرکے متبادل راستے فراہم کیے۔
یہ بھی پڑھیں: مون سون سیزن: لاہور سے ایک گھنٹے میں بارش کا پانی نکالنا ہدف ہے، ڈی ایم ڈی واسا
صوبائی ڈیزاسٹر مینجمنٹ اتھارٹی کے مطابق پنجاب میں حالیہ مون سون بارشوں کے دوران مختلف حادثات میں اب تک 21 افراد جاں بحق اور 154 زخمی ہو چکے ہیں۔ جاں بحق ہونے والوں میں 15 افراد مکانات گرنے، 2 آسمانی بجلی گرنے، 3 کرنٹ لگنے جبکہ ایک شخص ڈوبنے سے جاں بحق ہوا۔
واسا لاہور کے مطابق شہر میں ہنگامی بنیادوں پر نکاسی آب کا عمل جاری ہے، تمام ڈسپوزل اسٹیشن مکمل استعداد کے ساتھ کام کر رہے ہیں جبکہ متاثرہ مقامات پر اضافی مشینری اور عملہ تعینات کیا گیا ہے۔
ضلعی انتظامیہ اور واسا نے شہریوں کو غیر ضروری سفر سے گریز کرنے، نشیبی علاقوں اور بجلی کے کھمبوں سے دور رہنے کی ہدایت کی ہے۔ شہریوں نے تاہم ہر سال بارشوں کے دوران پانی جمع ہونے کے مسئلے پر تشویش کا اظہار کرتے ہوئے نکاسی آب کے نظام کو بہتر بنانے کا مطالبہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بارش پانی زیر آب لاہور
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی