سعودیہ اور ایئر انڈیا کے درمیان کوڈ شیئر معاہدہ
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
جدہ (کامرس ڈیسک) سعودیہ، جو مملکت سعودی عرب کی قومی فضائی کمپنی ہے، اور ایئر انڈیا، بھارت کی صفِ اول کی عالمی ایئرلائن، دونوں ایک کوڈ شیئر معاہدے پر دستخط کرچکے ہیں، جو فروری 2026 سے شروع ہوگا۔ اس معاہدے کے تحت دونوں ایئرلائنز کے مسافروں کو بہتر فضائی رابطہ، سفر کے وسیع مواقع، آسان بکنگ، بہتر سفری تجربہ اور سیاحت اور کاروباری سفر سمیت مختلف شعبوں میں بڑھتی ہوئی طلب کو پورا کرنے میں مدد ملے گی۔اس شراکت داری کے ذریعے مسافر ایک ہی ٹکٹ اور سفری منصوبے کے تحت آسان بکنگ، بہتر کنیکشنز اور سامان کی براہِ راست ترسیل اپنی آخری منزل تک باآسانی حاصل کر سکیں گے اس کوڈ شیئر معاہدے کے تحت سعودیہ کے مسافروں کو ممبئی اور دہلی کے ذریعے بھارت کے بڑے شہروں تک رسائی حاصل ہوگی، جن میں احمد آباد، بنگلورو، کولکتہ، کوچی، حیدرآباد، چنئی، لکھنؤ، جے پور اور 15 سے زائد دیگر مقامات شامل ہیں۔اسی طرح، ایئر انڈیا کے مسافر جو جدہ یا ریاض پہنچیں گے، وہ سعودیہ کی پروازوں کے ذریعے دمام، ابہا، قصیم، جیزان، مدینہ اور طائف کے لیے باآسانی آگے کا سفر کر سکیں گے۔ جدہ، ریاض روٹ پر کوڈ شیئر پروازوں کے اضافے سے مسافروں کو ایک شہر میں آمد اور دوسرے شہر سے روانگی کی مزید سہولت میسر آئے گی۔ مزید بین الاقوامی مقامات کو بھی رواں سال کے دوران شامل کیا جائے گا۔مسٹر، انجینئر ابراہیم العمر، ڈائریکٹر جنرل، سعودیہ گروپ نے کہا’’ایئر انڈیا کے ساتھ کوڈ شیئر معاہدہ ایک اہم اسٹرتیجک قدم ہے، جو دونوں ایئرلائنز کی طویل تاریخ اور اپنے اپنے ممالک کے درمیان فضائی روابط کو مضبوط بنانے کے مشترکہ عزم کی عکاسی کرتا ہے۔ اس شراکت سے مسافروں کو زیادہ مقامات تک آسان رسائی حاصل ہوگی اور سفر کا مجموعی تجربہ مزید بہتر ہوگا‘‘۔
ذریعہ
ذریعہ: Jasarat News
کلیدی لفظ: ایئر انڈیا مسافروں کو کوڈ شیئر
پڑھیں:
واشنگٹن میں لبنان اور اسرائیل کے درمیان مذاکرات شروع
اسرائیل کی جانب سے لبنان پر خون ریز حملوں کے بعد دونوں ممالک کے درمیان واشنگٹن میں مذاکرات شروع ہوگئے ہیں۔
الجزیرہ کی رپورٹ کے مطابق لبنان اور اسرائیل کے درمیان واشنگٹن میں شروع ہونے والے مذاکرات جنگ بندی مذاکرات کا تسلسل اور چوتھا دور ہے۔
لبنان کی سرکاری خبرایجنسی نے بتایا کہ لبنان اور اسرائیل کے درمیان مذاکرات کا چوتھا دور واشنگٹن میں امریکی اسٹیٹ ڈپارٹمنٹ کے ہیڈکوارٹرز میں شروع ہوگئے ہیں۔
رپورٹ میں بتایا گیا کہ مذاکرات کے لیے دونوں فریق کے نمائندے واشنگٹن پہنچے، جس کے بعد مذاکرات شروع ہوئے ہیں۔
قبل ازیں امریکی صدر ڈونلڈ ٹرمپ نے اسرائیلی وزیراعظم کو لبنان پر حملوں کے حوالے سے ٹیلی فون پر سخت الفاظ کا استعمال کیا تھا۔
رپورٹ میں دعویٰ کیا گیا تھا کہ ٹرمپ نے نیتن یاہو کو پاگل قرار دیا اور کہا کہ ہر کوئی تم سے نفرت کرتا ہے، اسی وجہ سے لوگ اسرائیل سے بھی نفرت کرتے ہیں۔
دوسری جانب لبنان پر اسرائیل کے حملے جاری ہیں جہاں جنوبی لبنان کے بڑے شہروں میں سے ایک نباطیہ پر شدید بم باری کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ