انجنیئر محمد علی مرزا کیخلاف گستاخی سے متعلق کیس، اسلام آباد ہائیکورٹ نے اٹارنی جنرل کو طلب کر لیا
اشاعت کی تاریخ: 28th, January 2026 GMT
اسلام آباد ہائی کورٹ نے انجنیئر محمد علی مرزا کو گستاخی کا مرتکب قرار دینے سے متعلق اسلامی نظریاتی کونسل کی رائے معطل رکھنے کے حکم میں 7 اپریل تک توسیع کرتے ہوئے آئندہ سماعت پر اٹارنی جنرل آف پاکستان سے معاونت طلب کر لی ہے۔
یہ سماعت اسلام آباد ہائی کورٹ کے جسٹس محسن اختر کیانی نے اسلامی نظریاتی کونسل کی رائے کے خلاف درخواست گزار اسلم خاکی کی درخواست پر کی۔ عدالتی حکم کے باوجود دورانِ سماعت اٹارنی جنرل آف پاکستان عدالت میں پیش نہ ہو سکے۔
اس موقع پر اسسٹنٹ اٹارنی جنرل عثمان گھمن نے عدالت کو بتایا کہ اٹارنی جنرل دیگر مصروفیات کے باعث حاضر نہیں ہو سکتے، تاہم اگر عدالت اجازت دے تو ایڈیشنل اٹارنی جنرل پیش ہو سکتے ہیں۔ جس پر جسٹس محسن اختر کیانی نے واضح ریمارکس دیتے ہوئے کہا کہ عدالت نے پہلے بھی ہدایت دی تھی کہ اس کیس میں اٹارنی جنرل ہی پیش ہوں گے اور عدالتی معاونت فراہم کریں گے۔
اسسٹنٹ اٹارنی جنرل نے عدالت سے استدعا کی کہ ایک تاریخ دے دی جائے تاکہ آئندہ سماعت پر اٹارنی جنرل خود پیش ہو سکیں۔ عدالت نے یہ درخواست منظور کرتے ہوئے کیس کی سماعت 7 اپریل تک ملتوی کر دی۔
سماعت کے دوران درخواست گزار اسلم خاکی، اسلامی نظریاتی کونسل کے وکیل اور متعلقہ عدالتی حکام پیش ہوئے۔ درخواست گزار نے انجنیئر محمد علی مرزا کو گستاخی کا مرتکب قرار دینے سے متعلق اسلامی نظریاتی کونسل کی رائے کو عدالت میں چیلنج کر رکھا ہے۔
ذریعہ
ذریعہ: Daily Mumtaz
کلیدی لفظ: اسلامی نظریاتی کونسل اٹارنی جنرل پیش ہو
پڑھیں:
فلک جاوید اور صنم جاوید کےخلاف ٹویٹ کیس کی سماعت ملتوی
(شاہین عتیق) فلک جاوید اور صنم جاوید کےخلاف ریاست کے خلاف ٹویٹ کیس کی سماعت دس ستمبر تک ملتوی ہوگئی۔
ایڈیشنل سیشن جج نصرت صدیقی نے فلک جاوید اور صنم جاوید کے کیس کی سماعت کی،عدالت میں اس بار بھی صنم جاوید کو جیل سے لاکر پیش نہیں کیا گیا جبکہ فلک جاوید کو عدالت میں پیش کیا گیا۔
عدالت میں نیشنل کرائم ایجنسی ایف آئی اے نے درخواست دی کہ دونوں کے کیس کی سماعت جیل میں کی جاے،عدالت نے درخواست کو خارج کر تے ہوے قرار دیا کہ یہ کام ہوم ڈیپارٹمنٹ کا ہے ان سے رابطہ کریں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
عدالت میں ایف آئی اے نے صنم جاوید اور فلک جاوید کے خلاف چالان پیش کر رکھا ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم