کراچی: مختلف علاقوں میں پولیس مقابلے، 3 ڈاکو زخمی حالت میں گرفتار
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی کے مختلف علاقوں میں پولیس کی کارروائیوں کے دوران مبینہ پولیس مقابلوں کے سلسلے میں تین ڈاکو زخمی حالت میں گرفتار کر لیے گئے جبکہ ایک ملزم موقع سے فرار ہونے میں کامیاب ہوگیا۔
نجی ٹی وی کی رپورٹ کے مطابق گلبرگ تھانے کی حدود میں فیڈرل بی ایریا بلاک 4، طارق گراؤنڈ کے قریب مشتبہ افراد کی موجودگی کی اطلاع پر کارروائی کی گئی، جہاں پولیس اور ڈاکوؤں کے درمیان شدید فائرنگ کا تبادلہ ہوا۔
رپورٹ کے مطابق پولیس نے بتایا کہ فائرنگ کے تبادلے کے بعد ایک ڈاکو زخمی حالت میں گرفتار کر لیا گیا، زخمی ملزم کو فوری طور پر چھیپا ایمبولینس کے ذریعے عباسی شہید اسپتال منتقل کیا گیا۔
پولیس کا کہنا ہے کہ گرفتار ملزم کی شناخت اسامہ کے نام سے ہوئی ہے جبکہ اس کا ساتھی پرویز ولد نامعلوم اندھیرے کا فائدہ اٹھاتے ہوئے فرار ہوگیا۔ کارروائی کے دوران گرفتار ملزم کے قبضے سے اسلحہ، موبائل فون، موٹرسائیکل اور نقد رقم برآمد کر لی گئی۔
دوسرا مقابلہ عزیز بھٹی تھانے کی حدود میں گلشن اقبال بلاک 10، ڈالمیا سیمنٹ فیکٹری کے قریب پولیس اور ڈاکوؤں کے درمیان ہوا، جس کے نتیجے میں دو ڈاکو زخمی حالت میں پولیس کی گرفت میں آگئے۔
پولیسنے بتایا کہ زخمی ملزمان کو طبی امداد کے لیے چھیپا کے ذریعے جناح اسپتال منتقل کیا گیا، جہاں ان کی شناخت نثار اور سجاد کے ناموں سے کی گئی۔
پولیس کا مزید کہنا ہے کہ گرفتار دونوں ملزمان کے قبضے سے دو پستول، موبائل فونز، نقدی اور موٹرسائیکل برآمد ہوئی ہیں، جبکہ ملزمان کے سابقہ جرائم سے متعلق ریکارڈ بھی کھنگالا جا رہا ہے۔
ذریعہ
ذریعہ: Jasarat News
کلیدی لفظ: ڈاکو زخمی حالت میں
پڑھیں:
خیبرپختونخوا میں تیز ہواؤں کے ساتھ بارش، مختلف واقعات میں 20 سے زیادہ افراد زخمی
خیبرپختونخوا کے مختلف اضلاع میں تیز ہواؤں کے ساتھ ہلکی بارش کا سلسلہ جاری ہے، جبکہ ریسکیو 1122 نے صوبے بھر میں اپنی تمام ضلعی ٹیموں کو ہائی الرٹ کردیا ہے۔
ترجمان ریسکیو 1122 بلال احمد فیضی کے مطابق خراب موسمی صورتحال کے باعث ضلع بنوں کے مختلف علاقوں میں اب تک 20 سے زیادہ افراد زخمی ہو چکے ہیں۔
زخمیوں کو فوری طبی امداد فراہم کرتے ہوئے مختلف اسپتالوں میں منتقل کر دیا گیا ہے، جہاں ان کی حالت خطرے سے باہر بتائی جاتی ہے۔
ترجمان نے بتایا کہ مردان، پشاور اور دیگر اضلاع میں بھی آندھی اور تیز ہواؤں کے باعث متعدد ایمرجنسی واقعات رپورٹ ہوئے ہیں۔
پشاور کے مختلف مقامات پر درخت گرنے کی اطلاعات موصول ہوئی ہیں، جس کے بعد ریسکیو 1122 کی امدادی ٹیمیں رکاوٹیں ہٹانے اور شہریوں کے تحفظ کو یقینی بنانے کے لیے سرگرم عمل ہیں۔
بلال احمد فیضی نے کہا کہ ریسکیو 1122 کی تمام ضلعی ٹیمیں کسی بھی ہنگامی صورتحال سے نمٹنے کے لیے تیار ہیں۔
انہوں نے شہریوں سے اپیل کی کہ کسی بھی ایمرجنسی کی صورت میں فوری طور پر ریسکیو 1122 سے رابطہ کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بارش تیز ہوائیں خیبرپختونخوا زخمی وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ