سعودی ایئر نیویگیشن سروسز عالمی سطح پر بہترین ادارہ قرار
اشاعت کی تاریخ: 28th, January 2026 GMT
سعودی ایئر نیویگیشن سروسز کو بہترین کام کی جگہوں میں شامل کرتے ہوئے قومی سطح پر چوتھا اور عالمی سطح پر 1,000 سے زائد ملازمین رکھنے والی بڑی کمپنیوں میں 13واں نمبر دیا گیا ہے۔
یہ بھی پڑھیں: سعودی عرب کے الباحہ ریجن میں ونٹر کیمپس کی دھوم، سماجی تقریبات کے لیے مقبول مقام بن گئے
ایس پی اے کے مطابق یہ اعزاز ادارے کے مثالی کام کے ماحول اور تنظیمی پختگی کے اعلیٰ معیار کی عکاسی کرتا ہے۔
اس کے علاوہ سعودی ایئر نیویگیشن سروسز نے وزارتِ انسانی وسائل و سماجی ترقی کی جانب سے دیا جانے والا سنہ 2025 کا سعودائزیشن ایوارڈ بھی حاصل کیا جو حساس اور خصوصی شعبوں میں اعلیٰ مہارت رکھنے والے سعودی قومی پیشہ ور افراد کو بااختیار بنانے میں ادارے کی نمایاں قیادت کا اعتراف ہے۔
یہ اعزازات مملکت کی قیادت کی مسلسل اور غیر متزلزل سرپرستی میں سعودی اداروں کی مسلسل ترقی کی عکاسی کرتے ہیں۔
مزید پڑھیے: ’ایران کے خلاف سعودی سرزمین استعمال نہیں ہونے دی جائے گی‘، سعودی عرب کا واضح مؤقف
ان کامیابیوں سے یہ بھی ظاہر ہوتا ہے کہ سعودی ایئر نیویگیشن سروسز علاقائی اور مقامی سطح پر مسابقت کے لیے پرعزم ہے اور نوجوان سعودی صلاحیتوں مرد و خواتین دونوں کی قیادت میں بین الاقوامی معیار کے مطابق ایک پرکشش اور مثالی کام کا ماحول فروغ دے رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی ایئر نیویگیشن سروسز سعودی ایئر نیویگیشن سروسز بہترین ادارہ.
ذریعہ
ذریعہ: WE News
کلیدی لفظ: سعودی ایئر نیویگیشن سروسز
پڑھیں:
رائل کمیشن کی مکہ کے تاریخی ورثے کے تحفظ اور فروغ کے لیے اہم پیشرفت
مکہ مکرمہ اور مشاعر مقدسہ کے لیے قائم رائل کمیشن نے شہر کے تاریخی اور ثقافتی ورثے کو اجاگر کرنے کے لیے ایک نئی آگاہی مہم کا آغاز کیا ہے۔
مذکورہ مہم کا مقصد زائرین اور سیاحوں کو مکہ کے تاریخی مقامات، ان کی مذہبی، تہذیبی اور تمدنی اہمیت سے روشناس کرانا اور انہیں شہر کے عظیم ورثے سے مزید قریب لانا ہے۔
سعودی پریس ایجنسی کے مطابق، یہ تمام اقدامات سعودی وژن 2030 کے اہداف سے ہم آہنگ ہیں۔
یہ بھی پڑھیں: سعودی ایپ ’ہُدہُد‘ عمرہ زائرین کے لیے جدید رہنما بن گئی، مکہ کے مذہبی و تاریخی مقامات تک رسائی آسان
’یہ مہم رائل کمیشن کی اس حکمت عملی کا حصہ ہے جس کا مقصد تاریخی ورثے کا تحفظ، ثقافتی اقدار کو فروغ دینا اور تاریخی مقامات کو پائیدار تعلیمی اور ثقافتی مراکز میں تبدیل کرنا ہے۔‘
رائل کمیشن کے مطابق اس حکمت عملی کے تحت درجنوں تاریخی مقامات کی بحالی اور ترقی کا کام مکمل کیا جا چکا ہے، جبکہ مکہ کے 60 اہم تاریخی مقامات کی دستاویز بندی بھی کی گئی ہے۔
مزید پڑھیں: مکہ میں ام القریٰ یونیورسٹی کا انقلابی ڈیجیٹل کلچرل منصوبہ، حجاج اور عمرہ زائرین کا سفر اب مزید یادگار
اس کے علاوہ 27 تاریخی مقامات عوام اور زائرین کے لیے کھولے جا چکے ہیں اور سات وزیٹر سینٹرز بھی قائم کیے گئے ہیں۔
اعداد و شمار کے مطابق اب تک ایک کروڑ 75 لاکھ سے زائد افراد ان تاریخی مقامات کا دورہ کر چکے ہیں، جبکہ زائرین کی اطمینان کی شرح 97.5 فیصد ریکارڈ کی گئی ہے۔
مذکورہ اعدادوشمار فراہم کی جانے والی سہولیات اور تاریخی ورثے کے تحفظ و ترقی کے اقدامات کی کامیابی کی عکاسی کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تاریخی مقامات تاریخی ورثے رائل کمیشن زائرین سعودی پریس ایجنسی سعودی عرب سعودی وژن سیاح مکہ مکرمہ
پاکستان نے ورلڈ کپ 2028 کیلیے براہ راست کوالیفائی کر لیا