ایم کیو ایم کا کراچی کو وفاق کے حوالے کرنے کا مطالبہ غیر آئینی نہیں، خالد مقبول صدیقی
اشاعت کی تاریخ: 29th, January 2026 GMT
جامعہ این ای ڈی میں تقریب کے بعد صحافیوں سے گفتگو کرتے ہوئے چیئرمین ایم کیو ایم نے کہا کہ ہائیر ایجوکیشن کمیشن کے چیئرمین کے عہدے کے لیے میرٹ پر تین نام وزیر اعظم کو بھیج دیے ہیں، کہا جاتا ایچ ای سی کی تاریخ میں اتنے شفاف طریقے سے امیدواروں کا کبھی انتخاب نہیں ہوا ہے۔ چیئرمین متحدہ قومی موومنٹ (ایم کیو ایم) پاکستان اور وفاقی وزیر تعلیم ڈاکٹر خالد مقبول صدیقی نے کہا کہ ایم کیو ایم کا کراچی کو وفاق کے حوالے کرنے کا مطالبہ غیر آئینی نہیں، اگر یہ غداری ہے تو آئین سے اس شق کو نکال دیں، وہ اس مطالبے پر وزیر اعظم سے بات کریں گے۔ وہ جامعہ این ای ڈی میں لیپ ٹاپ کی تقسیم کی تقریب کے بعد صحافیوں سے گفتگو کررہے تھے۔ خالد مقبول صدیقی نے کہا کہ سانحہ گل پلازہ کی رپورٹ پر ہم کیا سندھ حکومت خود مطمئن نہیں ہے۔ ہائیر ایجوکیشن کمیشن کے چیئرمین کے عدم تقرر کے سوال پر ڈاکٹر خالد مقبول نے کہا کہ چیئرمین کے عہدے کے لیے میرٹ پر تین نام وزیر اعظم کو بھیج دیے ہیں، کہا جاتا ایچ ای سی کی تاریخ میں اتنے شفاف طریقے سے امیدواروں کا کبھی انتخاب نہیں ہوا ہے۔
انہوں نے کہا کہ وزیر اعظم کے منتظر ہیں، سمری میں تاخیر ہوئی ہے، چیئرمین ایچ سی سی کا منصب بہت اہم ہے اس میں تاخیر نہیں ہونی چاہیئے تھی، وزیر اعظم غیر ملکی دورے سے آچکے ہیں ہم ان سے استسفار کریں گے کہ اس منصب پر فوری تقرری کردیں اور جب تک نہیں ہوتی اس دوران قائم مقام کا فیصلہ اسلام آباد جا کر کروں گا۔ اردو یونیورسٹی میں بے قاعدگیوں سے متعلق سوال پر خالد مقبول صدیقی نے کہا کہ اردو یونیورسٹی کی تحقیقاتی رپورٹ آچکی ہے اس پر ایکشن بھی ہونا ہے مگر وہاں سفارش بھی آجاتی ہے۔
ذریعہ
ذریعہ: Islam Times
کلیدی لفظ: خالد مقبول صدیقی ایم کیو ایم نے کہا کہ
پڑھیں:
جسٹس ریٹائرڈ مقبول باقر سندھ انسانی حقوق کمیشن کے چیئرپرسن مقرر
سٹی 42: سندھ حکومت نے جسٹس ریٹائرڈ مقبول باقر کو سندھ انسانی حقوق کمیشن کا چیئرپرسن مقرر کر دیا ہے، ان کی تعیناتی سندھ کابینہ کی منظوری کے بعد عمل میں لائی گئی۔
محکمہ انسانی حقوق کی جانب سے جاری نوٹیفکیشن کے مطابق جسٹس (ر) مقبول باقر کو پانچ سال کی مدت کے لیے کمیشن کا چیئرپرسن مقرر کیا گیا ہے۔
واضح رہے کہ سابق چیئرپرسن اقبال احمد ڈیتھو کو عہدے سے فارغ کیے جانے کے بعد سندھ انسانی حقوق کمیشن کے چیئرپرسن کا منصب خالی تھا۔ حکومتی ذرائع کے مطابق نئی تقرری سے کمیشن کی سرگرمیوں کو مزید مؤثر بنانے اور انسانی حقوق کے تحفظ کے لیے ادارہ جاتی اقدامات کو تقویت ملنے کی توقع ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
جسٹس ریٹائرڈ مقبول باقر سابق نگران وزیر اعلی سندھ بھی رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ