ڈی آئی جی ٹریفک کراچی کا تبادلہ، کیا وجہ سانحہ گل پلازہ ہے؟
اشاعت کی تاریخ: 30th, January 2026 GMT
حکومتِ سندھ نے ڈی آئی جی ٹریفک کراچی پیر گل محمد شاہ کا تبادلہ کرتے ہوئے گریڈ 20 کے افسر مظہر نواز شیخ کو نیا ڈی آئی جی ٹریفک کراچی تعینات کر دیا ہے جس کا باضابطہ نوٹیفیکشن بھی جاری کر دیا گیا ہے۔
یہ بھی پڑھیں: گل پلازہ سانحے کے پیچھے قبضہ مافیا ہوسکتی ہے، فیصل ایدھی نے خدشات کا اظہار کردیا
کراچی جیسے بڑے شہر میں ٹریفک کی خراب صورتحال کے باعث ڈی آئی جی ٹریفک کی تبدیلی کوئی غیر معمولی بات نہیں سمجھی جاتی۔
ماضی میں بھی ٹریفک کی روانی بہتر بنانے، تجاوزات کے خاتمے اور وی آئی پی کلچر پر قابو پانے کے لیے ڈی آئی جی ٹریفک کو بارہا تبدیل کیا جاتا رہا ہے۔
حالیہ دنوں میں سندھ حکومت کی جانب سے پولیس محکمے میں بڑے پیمانے پر اکھاڑ پچھاڑ بھی کی گئی ہے۔
تاہم ڈی آئی جی ٹریفک پیر گل محمد شاہ کا تبادلہ اس وقت خاص اہمیت اختیار کر گیا جب اس کا تعلق سانحہ گل پلازہ سے جوڑا جانے لگا۔ اگرچہ سرکاری نوٹیفیکشن میں یہ تبادلہ ایک معمول کی انتظامی کارروائی کے طور پر ظاہر کیا گیا ہے مگر پس منظر میں چلنے والی باتیں اس واقعے کی طرف اشارہ کر رہی ہیں۔
مزید پڑھیے: سانحہ گل پلازہ کی تحقیقات کے مطابق آگ کا آغاز دکان نمبر 193، گراؤنڈ فلور میں ماچس سے ہوا، تفصیلی رپورٹ جاری
ذرائع کے مطابق فائر بریگیڈ کی ابتدائی رپورٹ میں یہ الزام سامنے آیا تھا کہ شدید ٹریفک جام کے باعث امدادی کارروائیوں میں مشکلات پیش آئیں جس کی وجہ سے فائر بریگیڈ کو بروقت آپریشن میں رکاوٹ کا سامنا کرنا پڑا۔
اسی تناظر میں ڈی آئی جی ٹریفک کے تبادلے کو سانحہ گل پلازہ سے جوڑا جا رہا ہے۔
اگرچہ ان اندرونی وجوہات کی باضابطہ تصدیق تاحال نہیں ہو سکی، تاہم ماضی میں بھی ایسے واقعات سامنے آ چکے ہیں۔
یاد رہے کہ اس سے قبل میونسپل کمشنر کو بھی ہٹایا گیا تھا اور ان کے نوٹیفیکشن میں بھی کسی غیر معمولی وجہ کا ذکر نہیں تھا۔
ذرائع کا کہنا ہے کہ نوٹیفیکشنز عموماً روٹین کے مطابق جاری کیے جاتے ہیں لیکن اصل وجوہات پس پردہ ہی رہتی ہیں۔
مزید پڑھیں: گل پلازہ آتشزدگی، عمارت کے ملبے سے 70 تولہ سونا برآمد، مالک کے حوالے کردیا گیا
حالیہ تبادلے کی کڑیاں بھی کہیں نہ کہیں سانحہ گل پلازہ سے ملتی دکھائی دیتی ہیں جس پر سرکاری سطح پر خاموشی اختیار کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈی آئی جی ٹریفک کراچی ڈی آئی جی ٹریفک کراچی کا تبادلہ سانحہ گل پلازہ.
ذریعہ
ذریعہ: WE News
کلیدی لفظ: ڈی ا ئی جی ٹریفک کراچی سانحہ گل پلازہ ڈی آئی جی ٹریفک جی ٹریفک کراچی سانحہ گل پلازہ کا تبادلہ
پڑھیں:
نیشنل اسپیشل گیمز: کراچی میں فٹبال ٹورنامنٹ کے بعد اختتامی تقریب کا انعقاد
اسپیشل اولمپکس پاکستان کے تحت نیشنل اسپیشل گیمز 2026کے دوسرے اور آخری مرحلہ میں کراچی میں فٹبال ٹورنامنٹ کے بعد میڈلز تقسیم اور اختتامی تقریب کاانعقاد ہوا۔
اسپیشل اولمپکس پاکستان کی روح رواں رونق لاکھانی نے استقبالی کلمات ادا کیے، ان کا کہنا تھاکہ گیمز میں ملک بھر سے ایک پلیٹ فارم پر جمع ہونے والے خصوصی کھلاڑیوں نے شاندار کارکردگی کا مظاہرہ کر کے ثابت کیا کہ وہ کسی سے کم نہیں۔
رونق لاکھانی نے گیمز کو کامیاب بنانے میں اسپانسرز اور ڈونرز بشمول میکڈونلڈ، پاکستان او ایم آئی اور فیصل بینک کا خصوصی شکریہ ادا کیا،انہوں نے کہا کہ خصوصی افراد کی سرپرستی کرتے ہوئے ان کو بھرپور اعتماد دینا چاہیے تاکہ وہ معاشرے کا مضبوط انگ بن سکیں۔
مہمان خصوصی راحل اعجاز کا کہنا تھا کہ سماجی ذمہ داری کے تحت ہم مثبت سرگرمیوں کو فروغ دے رہے ہیں، اسپیشل اولمپکس پاکستان کی خصوصی کھلاڑیوں کے لیے کاوشیں قابل قدر ہیں۔
فٹبال ٹورنامنٹ کے لیے خصوصی طور پر کینیڈا سے آنے والی فیفا فٹبال کوچ کرن غوری نے کہا کہ ایونٹ میں شریک بوائز اور گرلز کھلاڑیوں نے شاندار کارکردگی کا مظاہرہ کرتے ہوئے دل جیت لیے اور ثابت کیا کہ ان کی صلاحیتیں کسی سے ہرگز کم نہیں، جیسمین نے خصوصی کھلاڑیوں کی نمائندگی کرتے ہوئے بہترین سہولیات کی فراہمی پر اسپیشل اولمپکس پاکستان کا شکریہ ادا کیا۔
فٹبال چیمپئن شپ کے بوائز ایونٹ کی ایک کیٹگری میں فیڈرل ایریاز نے پہلی خیبر پختونخواہ نے دوسری اور سندھ نے تیسری پوزیشن حاصل کی،بی کیٹگری میں گلگت بلتستان فاتح رہا اور گولڈ میڈل اپنے نام کیا جبکہ بلوچستان نے دوسری پوزیشن کے ساتھ سلور اور سندھ نے سوئم رہ کر برانز میڈل حاصل کیا۔
قبل ازیں گیمز میں شریک ٹیموں نے مارچ پاسٹ کیا اور سلامی دی،آخر میں کامیاب ٹیموں اور ان کے کھلاڑیوں میں میڈلز تقسیم کیے گئے،اگلے گیمز پنجاب میں ہوں گے، گیمز کا مقصد ذہنی معذوری والے کھلاڑیوں کو صلاحیتوں اور کھیل میں مہارت کا مظاہرہ کرنے کے لیے ایک بہترین پلیٹ فارم فراہم کرنا تھا، گیمز کے ذریعہ چلی کے شہر چسینٹیاگو میں ہونے والے ورلڈ سمر اسپیشل گیمز تیاریوں کا اہم حصہ ہے۔
نیشنل گیمز کے بعد کھلاڑی سلیکشن کیمپوں میں شرکت کریں گے، جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔، خیبر پختونخوا اور گلگت بلتستان سے تعلق رکھنے ذہنی معذوری کا شکار 82 کھلاڑیوں نے شرکت کی۔
نیشنل گیمز کے بعد کھلاڑی سلیکشن کیمپوں میں شرکت کریں گے جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار