ملتان، مجلس وحدت مسلمین اور آئی ایس او کے زیرِاہتمام نماز جمعہ کے بعد احتجاجی ریلی
اشاعت کی تاریخ: 30th, January 2026 GMT
احتجاجی ریلی سے خطاب کرتے ہوئے رہنماوں نے کہا کہ امریکہ کی جانب سے جو بورڈ بنایا گیا ہے وہ بورڈ آف پیس نہیں بلکہ جنگیں شروع کرنے کا نیا بورڈ ہے، امریکہ اور اسرائیل مشرق وسطی کے بعد پوری دنیا کو جنگ میں جھونکنا چاہتا ہے، امریکہ سن لے ایران نہ وینزویلا ہے نہ عراق و افغانستان، اگر ایران پر حملہ ہوا تو پھر امریکہ و اسرائیل کہیں بھی محفوظ نہیں ہونگے۔ اسلام ٹائمز ۔ مجلس وحدت مسلمین ضلع ملتان اور امامیہ اسٹوڈنٹس آرگنائزیشن ضلع ملتان کے زیراہتمام حکومت پاکستان کی جانب سے بورڈ آف پیس میں شمولیت کے خلاف نماز جمعہ کے بعد امام بارگاہ ابو الفضل العباس سے چوک کمہاراں والا تک احتجاجی ریلی نکالی گئی، ریلی کی قیادت مجلس وحدت مسلمین کے صوبائی رہنما انجینئر سخاوت علی سیال، ضلعی صدر عون رضا انجم ایڈووکیٹ، امامیہ اسٹوڈنٹس آرگنائزیشن پاکستان کے مرکزی جنرل سیکرٹری سروش زیدی، ریجنل صدر علی مصدق، مولانا مجاہد جعفری، مولانا غلام جعفر انصاری نے کی۔ ریلی میں شہریوں کی بڑی تعداد نے شرکت کی۔ شرکائے ریلی نے امریکہ و اسرائیل کے خلاف اور فلسطینیوں کیساتھ اظہار یکجہتی کے نعرے لگائے، احتجاجی ریلی سے خطاب کرتے ہوئے رہنماوں نے کہا کہ امریکہ کی جانب سے جو بورڈ بنایا گیا ہے وہ بورڈ آف پیس نہیں بلکہ جنگیں شروع کرنے کا نیا بورڈ ہے، امریکہ اور اسرائیل مشرق وسطی کے بعد پوری دنیا کو جنگ میں جھونکنا چاہتا ہے، امریکہ سن لے ایران نہ وینزویلا ہے نہ عراق و افغانستان، اگر ایران پر حملہ ہوا تو پھر امریکہ و اسرائیل کہیں بھی محفوظ نہیں ہونگے۔
رہنماوں نے کہا کہ بورڈ آف پیس میں جانا نظریہ پاکستان کی توہین اور سنگین خلاف ورزی ہے، بابائے قوم نے پہلے ہی انٹرویو میں کہا تھا کہ اسرائیل ناجائز ریاست ہے اسے کسی صورت تسلیم نہیں کیا جائے گا، بورڈ آف پیس میں شمولیت اور اسرائیل کیساتھ ایک میز پر بیٹھنا پاکستان سے خیانت ہے، اگر حکمران سچے ہیں تو پھر بورڈ آف پیس پر ریفرنڈم کرائیں دودھ کا دودھ اور پانی کا پانی ہو جائے گا، ایران غزہ و فلسطین سمیت مظلوموں کی توانا آواز اور ان کیساتھ کھڑا ہے اسی وجہ سے قیمت ادا کر رہا ہے، پاکستان کی عوام خطے میں کسی قسم کی بیرونی مداخلت کو قبول نہیں کرئے گی۔ احتجاجی ریلی میں مرکزی صدر ایمپلائزونگ سلیم عباس صدیقی، صوبائی رہنما ایمپلائز ونگ غلام حسنین انصاری، عاطف حسین سرانی، ضلعی صدر آئی ایس او ملتان مطہر عباس، اظہر جوئیہ، وحدت یوتھ کے رہنما حسنین عباس و دیگر شریک تھے۔
ذریعہ
ذریعہ: Islam Times
کلیدی لفظ: احتجاجی ریلی بورڈ آف پیس کے بعد
پڑھیں:
سلامتی کونسل میں پاکستان نے بھارت کو لاجواب کر دیا
قونصلر صائمہ سلیم— فائل فوٹواقوامِ متحدہ میں پاکستانی مشن کی قونصلر صائمہ سلیم نے سلامتی کونسل میں بھارت کو لاجواب کر دیا۔
اپنے بیان میں صائمہ سلیم نے کہا ہے کہ بھارت کا امن کا درس دینا مضحکہ خیز ہے، جو خود بین الاقوامی قانون اور سلامتی کونسل کی قراردادوں کی خلاف ورزی، ہمسایوں کے خلاف جارحیت اور خطے میں ریاستی سرپرستی میں دہشت گردی کا مرتکب ہے۔
انہوں نے کہا کہ آزاد جموں و کشمیر اور بھارت کے غیر قانونی زیرِ قبضہ جموں و کشمیر کے حالات میں واضح فرق ہے۔
صائمہ سلیم نے کہا کہ ایک طرف سیاسی آزادی ہے اور دوسری طرف جبر، گرفتاریوں اور انسانی حقوق کی پامالیوں کا سلسلہ جاری ہے، حقوق کا استعمال اور حقوق سے محرومی ایک جیسی چیزیں نہیں ہو سکتیں۔
اقوامِ متحدہ میں پاکستانی کونسلر صائمہ سلیم نے کہا کہ افغان سرزمین سے حملوں کی منصوبہ بندی اور سہولت کاری ہوئی۔
انہوں نے کہا کہ کشمیری عوام کے ناقابلِ تنسیخ حقِ خودارادیت سے انکار نہیں کیا جا سکتا، جموں و کشمیر نہ بھارت کا اٹوٹ انگ ہے اور نہ داخلی معاملہ، بھارت کا انکار اس تنازع کی بین الاقوامی حیثیت تبدیل نہیں کر سکتا۔
قونصلر صائمہ سلیم نے کہا کہ بھارت خود مسئلہ کشمیر سلامتی کونسل میں لایا اور آج قراردادوں سے انحراف کر رہا ہے، مقبوضہ کشمیر میں جبر اور انسانی حقوق کی پامالیاں جاری ہیں۔
انہوں نے مزید کہا کہ سندھ طاس معاہدے کی معطلی کا بھارتی فیصلہ بین الاقوامی قانون کی خلاف ورزی ہے، دریائے سندھ کا پانی زندگی کا ذریعہ ہے، جنگ کا ہتھیار نہیں۔
صائمہ سلیم نے یہ بھی کہا کہ بھارت سے منسلک دہشت گردی کے نیٹ ورک عالمی سطح تک پھیل چکے ہیں، بھارت میں ہندوتوا نظریات نے اسلاموفوبیا کو ریاستی پالیسی بنا دیا ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی