بانی پی ٹی آئی کی دائیں آنکھ کے معائنے اور علاج کی تفصیلات سامنے آگئیں
اشاعت کی تاریخ: 31st, January 2026 GMT
پمز اسپتال اسلام آباد کے ایگزیکٹو ڈائریکٹر رانا عمران سکندر نے بانی پاکستان تحریک انصاف (پی ٹی آئی) کے علاج سے متعلق معلومات فراہم کی ہیں۔
ڈاکٹر عمران سکندر کے مطابق بانی پی ٹی آئی کی دائیں آنکھ کی رگوں میں دباؤ کی وجہ سے بینائی متاثر ہوئی تھی۔ سینئر ڈاکٹرز کی ٹیم نے ان کا معائنہ کرنے کے بعد انہیں ڈسچارج کر دیا۔
انہوں نے بتایا کہ چند روز قبل بانی پی ٹی آئی نے دائیں آنکھ میں بینائی میں کمی کی شکایت کی، جس پر سینئر ڈاکٹر نے ادیالہ جیل میں فوری معائنہ کیا۔ اس دوران ضروری ٹیسٹ کیے گئے، جن میں فنڈو اسکوپی، آنکھ کے اندر دباؤ کی پیمائش اور ریٹینا کی او سی ٹی شامل ہیں۔ معائنے کے دوران سینٹرل ریٹینل وین اوکلوژن کی تشخیص بھی ہوئی۔
ڈاکٹر سکندر نے کہا کہ مزید علاج کے لیے بانی پی ٹی آئی کو اسپتال بھیجنے کی سفارش کی گئی، جس کے بعد انہیں پمز منتقل کیا گیا۔ علاج کے دوران مرض اور طریقہ علاج کی مکمل وضاحت فراہم کی گئی اور تحریری رضامندی بھی حاصل کی گئی۔
انہیں تقریباً 20 منٹ کے اندر آپریشن تھیٹر میں جراثیم سے پاک ماحول اور مکمل نگرانی کے ساتھ کامیابی سے علاج فراہم کیا گیا اور سب کچھ بخیر و خوبی مکمل ہوا۔
ذریعہ
ذریعہ: Daily Mumtaz
کلیدی لفظ: بانی پی ٹی ا ئی
پڑھیں:
مئی ، 3161 نئی کمپنیاں رجسٹرڈ، مجموعی تعداد 297,239 ہو گئی، ایس ای سی پی
اسلام آباد، گزشتہ مہینے پاکستان میں 3ہزار 161نئی کمپنیاں رجسٹرڈ(companies registerd) ہوئیں جس کے بعد رجسٹرڈ کمپنیوں کی مجموعی تعداد 2لاکھ 97 ہزار 239 تک پہنچ گئی۔ ڈیجیٹلائزیشن کے باعث 99.9 فیصد کمپنیاں آن لائن رجسٹر کی گئیں۔
ایس ای سی پی کے مطابق صوبائی اور علاقائی لحاظ سے مئی کے دوران سب سے زیادہ ایک ہزار 643 کمپنیاں پنجاب میں رجسٹر ہوئیں، جبکہ وفاقی دارالحکومت اسلام آباد میں 596 اور سندھ میں 479 کمپنیاں رجسٹر کی گئیں۔
خیبر پختونخوا میں 260، گلگت بلتستان میں 112 اور بلوچستان میں 71 کمپنیاں رجسٹر کی گئیں۔ انفارمیشن ٹیکنالوجی اور ای کامرس کا سیکٹر سرفہرست رہا، جہاں آئی ٹی میں سب سے زیادہ 598 نئی کمپنیاں رجسٹر ہوئیں۔
اس کے بعد ٹریڈنگ میں 503 ، سروسز سیکٹر میں 404 ، رئیل اسٹیٹ اور کنسٹرکشن میں 303 جبکہ سیاحت اور ٹرانسپورٹ کے شعبے میں 206 نئی کمپنیوں نے رجسٹریشن کرائی۔ مئی میں 17 ممالک کے سرمایہ کاروں نے پاکستان میں سرمایہ کاری کی۔
مزید پڑھیں:بجٹ 2026-27، پائیڈ کی کم از کم ماہانہ تنخواہ 45 ہزار روپے مقرر کرنے کی تجویز
چین سرفہرست رہا جہاں کے نواسی شیئر ہولڈرز نے کمپنیوں میں ڈائریکٹر شپ حاصل کی۔ تمام غیر ملکی کمپنیوں کا مجموعی ادا شدہ سرمایہ تیرہ کروڑ چورانوے لاکھ روپے ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ