سانحہ بھاٹی گیٹ: متوفیہ کے خاوند کا غفلت کے مرتکب افسران کے خلاف کارروائی کا فیصلہ
اشاعت کی تاریخ: 31st, January 2026 GMT
ویب ڈیسک: سانحہ بھاٹی گیٹ میں متوفیہ کے خاوند پر پولیس تشدد کی تصدیق ہو گئی ہے جبکہ واقعے میں غفلت کے مرتکب پولیس افسران کے خلاف کارروائی کا حتمی فیصلہ انسپکٹر جنرل (آئی جی) پنجاب کریں گے۔
ذرائع کے مطابق ایڈیشنل چیف سیکریٹری کی سربراہی میں قائم اعلیٰ سطح کمیٹی نے تحقیقات مکمل کر کے اپنی رپورٹ اور سفارشات آئی جی پنجاب کو ارسال کر دی ہیں۔ رپورٹ میں واقعے کے مختلف پہلوؤں کا جائزہ لیا گیا ہے، جن میں یہ بھی شامل ہے کہ سانحہ سے متعلق متضاد معلومات میڈیا تک کیسے پہنچیں۔
بجلی کی فی یونٹ قیمت میں اضافے کا امکان
اعلیٰ سطح کمیٹی پولیس، ریسکیو 1122، سول ڈیفنس، واسا، ضلعی انتظامیہ اور ٹیپا کے حکام سے پوچھ گچھ کرے گی، جبکہ متعلقہ محکموں کو ہدایت کی گئی ہے کہ جائے حادثہ پر موجود افسران اور اہلکاروں کو کمیٹی کے سامنے پیش کیا جائے۔
کیس میں گرفتار پروجیکٹ منیجر سمیت پانچ ملزمان کو چار روزہ جسمانی ریمانڈ پر پولیس کے حوالے کر دیا گیا ہے، جبکہ تفتیشی عمل جاری ہے۔
دوسری جانب وزیر اعلیٰ پنجاب مریم نواز کی جانب سے سانحے کے متاثرین کے لیے کیے گئے امدادی اعلان پر تاحال عملدرآمد نہیں ہو سکا۔ متاثرہ خاوند کا کہنا ہے کہ وہ وزیر اعلیٰ کے اقدامات سے مطمئن ہیں، تاہم امدادی رقم کے لیے اب تک انہیں کوئی کال موصول نہیں ہوئی اور وہ تاحال امداد کے منتظر ہیں۔
کوئٹہ: سریاب کے علاقے میں سی ٹی ڈی کی کارروائی، 4 مبینہ دہشتگرد ہلاک
.
ذریعہ
ذریعہ: City 42
پڑھیں:
سرکاری دفاتر میں حاضری اور وقت کی پابندی سے متعلق نئی ہدایات جاری
بابر شہزاد ترک :اسٹیبلشمنٹ ڈویژن نے دفتری نظم و ضبط سے متعلق نیا سرکلر جاری کرتے ہوئے تمام افسران اور اہلکاروں کو مقررہ دفتری اوقات کی سختی سے پابندی کرنے کی ہدایت کر دی ۔
سرکلر کے مطابق صبح 8 بجے سے شام 4 بجے تک کے اوقاتِ کار پر عمل درآمد لازم ہوگا۔
سرکلرکے مطابق اسٹیبلشمنٹ ڈویژن نےبائیومیٹرک حاضری یقینی بنانے کی بھی ہدایت کی ہے جبکہ افسران و اہلکاروں کو لاؤنج سوٹ یا شلوار قمیض کے ساتھ ویسٹ کوٹ پہننے کی ہدایت کی گئی ہے۔
سرکلرکے مطابق دفتری راہداریوں میں شور اور بلند آواز میں گفتگو سے گریز کی بھی ہدایت کی گئی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اسٹیبلشمنٹ ڈویژن نے احکامات پر عملدرآمد کیلئے باضابطہ سرکلر جاری کر دیاہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی