ٹی20 ورلڈ کپ میں پاکستان کی شرکت کا فیصلہ نہ ہو سکا، پلیئرز کٹ کی رونمائی مؤخر
اشاعت کی تاریخ: 31st, January 2026 GMT
ٹی20 ورلڈکپ 2026 کے لیے قومی کرکٹ ٹیم کی کٹ کی رونمائی مؤخر کردی گئی ہے۔
مزید پڑھیں: ٹی 20 ورلڈ کپ کھیلنا چاہیے یا نہیں؟ ارکانِ پارلیمنٹ کی رائے سامنے آگئی
میڈیا رپورٹس کے مطابق کٹ کی رونمائی آج آسٹریلیا کے خلاف دوسرے ٹی20 میچ کے ٹاس کے بعد متوقع تھی، تاہم ناگزیر وجوہات کے باعث اس تقریب کو ملتوی کرنے کا فیصلہ کیا گیا۔
ورلڈکپ میں پاکستان کی شرکت سے متعلق حتمی فیصلہ پیر کو سامنے آنے کا امکان ہے۔
واضح رہے کہ انٹرنیشنل کرکٹ کونسل (آئی سی سی) کی جانب سے بنگلہ دیش کو ورلڈکپ سے باہر کیے جانے کے فیصلے پر پاکستان کرکٹ بورڈ نے شدید ردعمل دیتے ہوئے اسے دہرا معیار قرار دیا تھا۔
اس سے قبل چیئرمین پی سی بی محسن نقوی نے وزیراعظم شہباز شریف سے ملاقات کے بعد اعلان کیا تھا کہ ورلڈکپ میں شرکت کے حوالے سے حتمی فیصلہ جمعہ یا پیر کو کیا جائے گا۔
مزید پڑھیں: ٹی 20 ورلڈ کپ: کیا پاکستانی ٹیم ٹائٹل جیت سکے گی؟ راشد لطیف کا تبصرہ
ٹی20 ورلڈکپ کا آغاز 7 فروری سے ہوگا، جبکہ پاکستان ٹیم اپنا پہلا میچ اسی روز نیدرلینڈز کے خلاف کھیلے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹی20 ورلڈ کپ رونمائی مؤخر قومی کرکٹ ٹیم وی نیوز.
ذریعہ
ذریعہ: WE News
کلیدی لفظ: ٹی20 ورلڈ کپ قومی کرکٹ ٹیم وی نیوز ٹی20 ورلڈ ورلڈ کپ
پڑھیں:
ایس سی او وزرائے خارجہ اجلاس کا آغاز، اسحاق ڈار کی شرکت
نائب وزیراعظم اور وزیر خارجہ سینیٹر محمد اسحاق ڈار نے کرغزستان کے شہر ’چولپون آتا‘ میں شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کی۔
دفتر خارجہ کے مطابق اجلاس کے باقاعدہ آغاز سے قبل سینیٹر اسحاق ڈار نے شنگھائی تعاون تنظیم کے رکن ممالک کے وزرائے خارجہ کے ہمراہ روایتی گروپ فوٹو میں شرکت کی۔
Deputy Prime Minister/Foreign Minister Senator Mohammad Ishaq Dar @MIshaqDar50 is participating in the SCO Council of Foreign Ministers Meeting in Cholpon-Ata, Kyrgyzstan, today. He joined fellow Foreign Ministers of the SCO Member States for the traditional family photograph… pic.twitter.com/l0EDKploEP
— Ministry of Foreign Affairs – Pakistan (@ForeignOfficePk) July 24, 2026
ایس سی او وزرائے خارجہ کونسل کے اجلاس میں علاقائی امن و استحکام، سیکیورٹی، دہشتگردی کے خلاف تعاون، اقتصادی روابط، تجارت، علاقائی رابطہ کاری اور باہمی دلچسپی کے دیگر اہم امور پر تبادلہ خیال کیا جائے گا۔ اجلاس میں تنظیم کے آئندہ سربراہ اجلاس کی تیاریوں کا بھی جائزہ لیا جائے گا۔
دفتر خارجہ کا کہنا ہے کہ وزیر خارجہ اسحاق ڈار اجلاس کے دوران رکن ممالک کے اپنے ہم منصبوں سے ملاقاتیں بھی کریں گے، جن میں دوطرفہ تعلقات، علاقائی صورتحال اور مختلف شعبوں میں تعاون کے فروغ پر بات چیت متوقع ہے۔
یہ بھی پڑھیں:مسئلہ کشمیر کا منصفانہ حل جنوبی ایشیا میں پائیدار امن کی بنیاد ہے، اسحاق ڈار کا آسیان فورم سے خطاب
پاکستان کا مؤقف ہے کہ شنگھائی تعاون تنظیم علاقائی تعاون، امن، اقتصادی ترقی اور رابطوں کے فروغ کے لیے ایک اہم پلیٹ فارم ہے، اور پاکستان تنظیم کے رکن ممالک کے ساتھ اپنے تعلقات کو مزید مضبوط بنانے کے لیے پرعزم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار شنگھائی تعاون تنظیم کرغزستان
بھارت سے جنگ اور افغانستان میں کارروائی خارج ازامکان نہیں، وزیردفاع