پاکستان میں بڑھتا ہوا معاشی استحکام، عالمی سرمایہ کاروں کے اعتماد میں نمایاں اضافہ
اشاعت کی تاریخ: 1st, February 2026 GMT
پاکستان میں معاشی استحکام اور اصلاحاتی اقدامات کے نتیجے میں عالمی سرمایہ کاروں کا اعتماد مزید مضبوط ہو رہا ہے۔
وزیرِ خزانہ کے مشیر خرم شہزاد کے مطابق پاکستان کی مضبوط ہوتی ہوئی مالی پوزیشن ملک کے عالمی معاشی تشخص کو بہتر بنانے میں اہم کردار ادا کر رہی ہے۔
انہوں نے ایک بیان میں کہا کہ وزیرِ خزانہ محمد اورنگزیب کی قیادت میں اسٹینڈرڈ چارٹرڈ بینک کے زیرِ اہتمام منعقد ہونے والے ورچوئل انویسٹر روڈ شو میں بڑی تعداد میں عالمی اداروں اور سرمایہ کاروں کی شرکت، پاکستان کے معاشی استحکام اور اصلاحاتی ایجنڈے پر بڑھتے ہوئے عالمی اعتماد کا واضح ثبوت ہے۔
خرم شہزاد نے بتایا کہ اس روڈ شو میں شمالی امریکا، یورپ، مشرقِ وسطیٰ اور دیگر خطوں سے تعلق رکھنے والے 225 عالمی سرمایہ کاروں نے شرکت کی، جو مجموعی طور پر تین ٹریلین ڈالر سے زائد کے اثاثوں کی نمائندگی کرتے ہیں۔
انہوں نے کہا کہ روڈ شو کے دوران پاکستان کی میکرو اکنامک صورتحال، معاشی استحکام، اصلاحات اور سرمایہ کاری کے مواقع کو مؤثر انداز میں اجاگر کیا گیا۔
وزیرِ خزانہ کے مشیر کے مطابق اسپیشل انویسٹمنٹ فیسلیٹیشن کونسل (SIFC) کی جانب سے ون ونڈو پلیٹ فارم کے طور پر جاری کوششیں سرمایہ کاری کے فروغ اور پاکستان پر عالمی سرمایہ کاروں کے اعتماد کو مزید مستحکم کرنے میں کلیدی کردار ادا کر رہی ہیں۔
اشتہار
ذریعہ
ذریعہ: Al Qamar Online
کلیدی لفظ: پاکستان کھیل عالمی سرمایہ کاروں معاشی استحکام
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
پاکستان نے ورلڈ کپ 2028 کیلیے براہ راست کوالیفائی کر لیا