سانحہ بھاٹی گیٹ تفتیش، نجی کمپنی و سرکاری افسران زد میں آگئے
اشاعت کی تاریخ: 1st, February 2026 GMT
لاہور: (نیوزڈیسک)پنجاب میں دل دہلا دینے والے واقعات پر مبینہ طور پر “مٹی پاؤ” کلچر کے خاتمے کی جانب اہم پیش رفت سامنے آئی ہے، جہاں سانحہ بھاٹی گیٹ پر وزیر اعلیٰ مریم نواز شریف کی شدید برہمی کے بعد بڑے اقدامات کیے گئے ہیں۔
حکام کے مطابق بھاٹی گیٹ پر کام کرنے والی ایس ایم ایس ڈیزائن اینڈ انجینئرنگ سسٹم کمپنی کو فوری طور پر کام سے روک دیا گیا ہے جبکہ واقعے کی تفتیش کا دائرہ کار بھی وسیع کر دیا گیا ہے۔ ابتدائی تحقیقات کے بعد معاملہ صرف نجی کمپنی تک محدود نہیں رہا بلکہ مبینہ طور پر غفلت برتنے والے سرکاری افسران کو بھی شاملِ تفتیش کیا جا رہا ہے۔
ذرائع کا کہنا ہے کہ کمپنی کی مجرمانہ غفلت اور بنیادی حفاظتی ایس او پیز سے انحراف اس المناک حادثے کی بڑی وجوہات میں شامل قرار دی جا رہی ہیں۔ پولیس نے کارروائی کرتے ہوئے کمپنی کے سیفٹی آفیسرز سمیت پانچ ملزمان کو گرفتار کر کے عدالت میں پیش کیا، جہاں ان کا چار روزہ ریمانڈ منظور کر لیا گیا۔ گرفتار افراد میں سیفٹی آفیسر محمد حنزلہ، اصغر علی، احمد نواز جبکہ کمپنی مالکان سلمان یاسین اور عثمان یاسین شامل ہیں، جن سے تفتیش جاری ہے۔
تحقیقاتی حکام کے مطابق دو سے تین فروری کے دوران متوقع پوسٹ مارٹم رپورٹ کیس کی پیش رفت میں مزید اہم کردار ادا کرے گی۔ ادھر وزیراعلیٰ کے نوٹس کے بعد بھاٹی گیٹ کی سائٹ کو “ڈیتھ ٹریپ” سے محفوظ زون میں تبدیل کرنے کے اقدامات کیے گئے ہیں، اور حفاظتی انتظامات کے بغیر کام کرنے پر مکمل پابندی عائد کر دی گئی ہے۔ سائٹ کو جدید سیفٹی پروٹوکولز کے تحت لایا جا رہا ہے۔
وزیر اعلیٰ مریم نواز شریف نے کہا ہے کہ مٹی پاؤ کا دور ختم ہو چکا ہے اور پنجاب کی بیٹیوں کے خون کا حساب لیا جائے گا۔ انہوں نے کہا کہ ہنستے بستے گھرانے اجاڑنے والوں کو کیفر کردار تک پہنچانا ان کا مشن ہے۔ وزیر اعلیٰ کے مطابق معصوم سعدیہ اور اس کی ننھی بچی کے زخم دیکھ کر دل خون کے آنسو رویا اور یہ زخم پورے پنجاب کے ماتھے پر لگے ہیں۔
.
ذریعہ
ذریعہ: Daily Mumtaz
کلیدی لفظ: بھاٹی گیٹ
پڑھیں:
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال WhatsAppFacebookX 0 23 July, 2026 سب نیوز
اسلام آباد(آئی پی ایس ) وزیراعظم محمد شہباز شریف سے چین کی معروف کمپنی فیمسن کے چیف ایگزیکٹو افسر جیک چین کی قیادت میں وفد نے ملاقات کی، جس میں پاکستان میں غذائی تحفظ، جدید زرعی ٹیکنالوجی اور فوڈ اسٹوریج کے منصوبوں پر تبادلہ خیال کیا گیا۔
وزیراعظم نے چینی وفد کو پاکستان آمد پر خوش آمدید کہتے ہوئے کہا کہ پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔ انہوں نے کہا کہ دونوں ممالک کے درمیان بزنس ٹو بزنس تعاون سے یہ دوستی مزید مستحکم ہوگی۔شہباز شریف نے فیمسن کی جانب سے پاکستان میں اجناس کے اسٹوریج مراکز کو جدید اسٹیٹ آف دی آرٹ مراکز میں تبدیل کرنے کے منصوبے کا خیرمقدم کرتے ہوئے کہا کہ اس سے زرعی شعبے میں جدید ٹیکنالوجی متعارف ہوگی، غذائی تحفظ میں بہتری آئے گی اور تجارتی سرگرمیوں کو فروغ ملے گا۔
وزیراعظم نے ہدایت کی کہ ان منصوبوں میں پاکستان کی افرادی قوت کی ہنرمندی اور پیشہ ورانہ تربیت کو بھی شامل کیا جائے تاکہ مقامی افرادی قوت جدید زرعی ٹیکنالوجی سے مستفید ہو سکے۔فیمسن کے چیف ایگزیکٹو جیک چین نے پرتپاک میزبانی پر وزیراعظم اور حکومت پاکستان کا شکریہ ادا کرتے ہوئے بتایا کہ وزیراعظم کے حالیہ دور چین کے دوران ہونے والی ملاقات کے نتیجے میں وہ پاکستان آئے ہیں تاکہ غذائی تحفظ سے متعلق قابلِ عمل منصوبوں کو آگے بڑھایا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرپراسیکیوٹر جنرل کی تعیناتی اسلام آباد بار سے ہو گی:اعظم نذیر تارڑ اگلی خبرلاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی