شاہینوں نے ٹی 20 سیریز میں آسٹریلیا کو وائٹ واش کردیا
اشاعت کی تاریخ: 1st, February 2026 GMT
لاہور: (نیوزڈیسک) تیسرے ٹی 20 میچ میں پاکستان نے آسٹریلیا کو 111 رنز سے شکست دیکر سیریز میں وائٹ واش کردیا۔
لاہور کے قذافی سٹیڈیم میں کھیلے گئے میچ میں پاکستان ٹیم کے کپتان سلمان علی آغا نے ٹاس جیت کر پہلے بیٹنگ کا فیصلہ کیا، پاکستان ٹیم نے پہلے کھیلتے ہوئے آسٹریلیا کو جیت کے لیے 208 رنز کا ہدف دیا۔
ہدف کے تعاقب میں آسٹریلیا کی ٹیم مقررہ اوورز بھی پورے نہ کھیل سکی اور محض 16.
مہمان ٹیم کی بیٹنگ لائن اننگز کے آغاز میں ہی لڑکھڑا گئی، آسٹریلیا کے مارکوس سٹونیئس 23، کیمرون گرین 22 اور جوش فلپ 14 رنز بنا پائے جبکہ دیگر کوئی کھلاڑی ڈبل فگر میں بھی داخل نہ ہو سکا۔
آسٹریلیا کے مچل اوون 8، میتھیوکیومین 5، میتھیو شارٹ 2، کپتان مچل مارش اور میٹ رینشا ایک، ایک رن بنا کر پویلین لوٹے جبکہ کوپر کونولی کھاتہ کھولے بغیر ہی چلتے بنے، بین ڈورشیئس 7 رنز کے ساتھ ناٹ آؤٹ رہے جبکہ ایڈم زمپا بیٹنگ کے لیے نہ آئے۔
پاکستان کی جانب سے محمد نواز نے تباہ کن باؤلنگ کا مظاہرہ کرتے ہوئے 5 کینگروز کا شکار کیا جبکہ شاہین آفریدی نے 2 ، ابرار احمد اور نسیم شاہ نے ایک، ایک کھلاڑی کو آؤٹ کیا۔
اس طرح پاکستان نے آسٹریلیا کو تیسرے ٹی ٹوئنٹی میچ میں 111 رنز کے بڑے مارجن سے شکست دے کر سیریز 0-3 سے اپنے نام کرتے ہوئے مہمان ٹیم کو وائٹ واش کر دیا۔
قبل ازیں پاکستان ٹیم نے پہلے کھیلتے ہوئے مقررہ 20 اوورز میں 6 وکٹوں کے نقصان پر 207 رنز بنائے۔
پاکستان کی جانب سے صائم ایوب نے 56 ، بابر اعظم نے 50 اور شاداب خان نے 46 رنز کی ناقابل شکست اننگ کھیلی، خواجہ نافع 21، فخر زمان 10 ، کپتان سلمان آغا اور محمد نواز 5،5 رنز بنا کر آؤٹ ہوئے جبکہ فہیم اشرف 10 رنز کے ساتھ ناٹ آؤٹ رہے۔
آسٹریلیا کے لیے بین دوارشوئس نے 2 وکٹیں حاصل کیں جبکہ میتھیو کیومن، میتھیو شارٹ، کوپر کونولی اور کیمرون گرین نے ایک، ایک کھلاڑی کو آؤٹ کیا۔
صدر مملکت آصف علی زرداری ، وزیراعظم محمد شہباز شریف اور چیئرمین پاکستان کرکٹ بورڈ محسن نقوی نے آسٹریلیا کو کلین سویپ کرنے پر قومی ٹیم کو مبارکباد دی ہے۔
ذریعہ
ذریعہ: Daily Mumtaz
پڑھیں:
پیٹرولیم مصنوعات کی قیمتوں میں اضافہ ، شہری پھٹ پڑے
سٹی 42: حکومت نے پیٹرولیم مصنوعات کی قیمتوں میں مزید اضافہ کر دیا،
پیٹرول کی قیمت میں 4 روپے 40 پیسے کا اضافہ شہریوں نے قیمتوں میں اضافہ مسترد کردیا۔ حکومت سے پیٹرولیم مصنوعات کی قیمتوں میں کمی کا مطالبہ کردیا۔
شہری کا کہنا تھا کہ کس قانون کے تحت حکومت روزانہ پیٹرول کی قیمت بڑھا رہی ہے۔کمی پیسوں میں کی جاتی ہے جبکہ اضافہ بھاری کیا جاتا ہے۔پیٹرول کی اضافی قیمت کی وجہ روز مرہ زندگی بری طرح متاثر ہوکررہ گئی ہے، ہیجانی سی کیفیت ہوتی ہے کہ آج حکومت پیٹرول کتنا مہنگا کرے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں کا کہنا ہے کہ پیٹرولیم مصنوعات کی قیمتوں کی روزانہ کی بنیاد پر اضافے نے نفسیاتی اور ذہنی اذیت میں مبتلا کردیا ہے ۔ غریب شہریوں کو تنخواہ ماہانہ ملتی ہے جبکہ پیٹرولیم مصنوعات کی روزانہ کی بنیاد پر تبدیلی سارے بجٹ کو ہلا دیتی ہے ۔ اشیائے خوردونوش کی قیمتوں اور دیگر اخراجات میں بھی اضافہ ہوجاتاہے ۔ حکومت کو اپنے فیصلے پر غور کرنا چاہیے ۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی