مزدوروں کی طاقت سے ہی تبدیلی ممکن ہے‘ سیف الدین
اشاعت کی تاریخ: 2nd, February 2026 GMT
data-id="863a0a8" data-element_type="widget" data-widget_type="theme-post-content.default">
مزدور ایک بہت بڑی طاقت اور قوت ہیں۔ مزدوروں کی قوت کے ذریعے دنیا میں بڑے بڑے انقلاب آئے ہیں ۔پاکستان میں بھی مزدوروں کی قوت کے ذریعے تبدیلی لائی جاسکتی ہے۔فرسودہ نظام کی تبدیلی کے بغیر محنت کشوں کے مسائل حل نہیں ہوسکتے۔نیشنل لیبر فیڈریشن ایک نظریاتی تحریک ہے اوراس کا شاندار ماضی ہے۔ سوشل میڈیا کے استعمال کے ذریعے جدوجہد کو اور تیز کر کے سرمایہ دارانہ نظام کا مقابلہ کیا جائے ۔یہ بات جماعت اسلامی کراچی کے نائب امیر اور شعبہ محنت کے نگراں سیف الدین ایڈووکیٹ نے نیشنل لیبر فیڈریشن کراچی کی مجلس عاملہ کے اجلاس سے اپنے خطاب میں کہی ۔اس موقع پر نیشنل لیبر فیڈریشن کراچی کے صدر خالد خان ،سینئر نائب صدر امیرروان ،جنرل سیکرٹری محمدقاسم جمال نے بھی خطاب کیا۔اس موقع پر سیف الدین ایڈووکیٹ نے این ایل ایف کی ملحقہ یونینز کے عہدیداران کو الیکشن میں کامیابی پر پھولوں کے ہار بھی پہنائے اور انہیں ریفرنڈم میں کامیابی پر مبارک باد بھی پیش کی ۔مجلس عاملہ کے اجلاس میں نیشنل لیبر فیڈریشن بلوچستان کے جنرل سیکرٹری عمرحیات اور کوئٹہ زون کے صدر خدائی داد خان نے بھی خصوصی دعوت پر شرکت کی۔ سیف الدین ایڈووکیٹ نے کہا کہ ماضی میں طلبہ تحریک اور مزدور تحریک کا پاکستان کی سیاست میں اہم کردار رہا ہے لیکن جان بوجھ کر طلبہ تحریک اور مزدور تحریک کو کمزور کیا گیا جس کے نتیجے میں پاکستان کمزور ہوا اور یہاں پر کرپٹ عناصر اور مافیاز کا قبضہ ہوا ہے۔ پوری پوری سیاسی جماعتوں کو مافیاز نے خریدا ہوا ہے اور ظلم کا نظام ہم پر مسلط ہے۔ ملک میں مہنگائی غربت کا راج ہے امیر آدمی امیر تر اور غریب غریب تر ہوتا جا رہا ہے ۔نیشنل لیبر فیڈریشن ایک نظریاتی تحریک ہے اور ہم پاکستان کے مزدور کی قسمت کو تبدیل کرنا چاہتے ہیں اس سلسلے میں محنت کشوں کو بھرپور جدوجہد کرنا ہوگی اور دیانت دار قیادت کا ساتھ دینا ہوگا۔جماعت اسلامی کے امیرحافظ نعیم الرحمان نظام کی تبدیلی کی جو جدوجہد کررہے ہیں ہمیں ان کا ساتھ دینا ہے اور کارخانوں فیکٹریوں میں بہتر ماحول پیدا کرکے پاکستان کی ترقی اور خوشحالی میں اپنا کردار ادا کرنا ہے۔ کراچی پاکستان کا سب سے بڑا صنعتی شہر ہے اور یہاں ہزاروں کی تعداد میں فیکٹریاں اور کارخانے موجود ہیں۔ این ایل ایف کو کراچی کے تمام صنعتی زون میں متحرک ہونا ہوگا اور ہر محنت کش کے پاس پہنچ کر اس کی داد رسی کرنا ہوگی۔ نیشنل لیبر فیڈریشن کراچی کے صدر خالد خان نے کہا کہ نیشنل لیبر فیڈریشن پاکستان کی سب سے بڑی مزدور فیڈریشن ہے ہم محنت کشوں کے مسائل کے حل کے لیے بھرپور طریقے سے جدوجہد کررہے ہیں۔ محنت کشوں کے ادارے کرپشن کا گڑھ بن چکے ہیں اورٹریڈ یونینز کو ختم کرنے کے لیے سندھ لیبر کوڈ کو نافذ کرنے کی کوشش کی جارہی ہیں جو ہم محنت کشوں کی طاقت کے ذریعے ناکام بنا دیں گے۔
ذریعہ
ذریعہ: Jasarat News
کلیدی لفظ: نیشنل لیبر فیڈریشن سیف الدین کے ذریعے کراچی کے ہے اور
پڑھیں:
غیر ضروری وزارتیں ختم کرکے سالانہ 5 ہزار ارب روپے کی بچت ممکن ہے، سینیٹ کمیٹی
اسلام آباد:سینیٹ کمیٹی کے اجلاس میں ارکان نے کہا ہے کہ غیر ضروری وزارتوں کو ختم کرکے سالانہ 5 ہزار ارب روپے تک کی بچت کرنا ممکن ہے۔
سینیٹر ضمیر حسین کی زیر صدارت سینیٹ کی فنکشنل کمیٹی برائے ڈیولوشن کا اجلاس منعقد ہوا جس میں اٹھارہویں آئینی ترمیم کے بعد اختیارات کی منتقلی اور اس پر عملدرآمد کا تفصیلی جائزہ لیا گیا۔
اجلاس کے دوران وفاقی حکومت کی تنظیمِ نو، وزارتوں کی تعداد کم کرنے اور آئینی تقاضوں کے مطابق وفاقی حکومت کے دائرۂ کار کو محدود رکھنے سے متعلق مختلف تجاویز پر بھی تفصیلی بحث کی گئی۔
کمیٹی ارکان نے کہا کہ غیر ضروری وزارتیں ختم کر کے سالانہ 4 سے 5 ہزار ارب روپے کی بچت ممکن ہے ۔ وفاقی حکومت کو آئین کے مطابق محدود دائرۂ کار میں کام کرنا چاہیے۔ کمیٹی نے مشترکہ مفادات کونسل کے آئینی کردار اور اختیارات پر مکمل عملدرآمد یقینی بنانے کا مطالبہ بھی کیا۔
اجلاس کے دوران سینیٹر جان محمد بلیدی نے کہا کہ مشترکہ مفادات کونسل کے اجلاس نہ ہونے سے آئینی تقاضے متاثر ہو رہے ہیں۔ انہوں نے کہا کہ ملک کو مالی بحران سے نکالنے کے لیے حکومتی اخراجات میں نمایاں کمی ضروری ہے، آئی ایم ایف پر انحصار کم کرنے کے لیے وفاقی اخراجات اور وزارتوں کا ازسرِنو جائزہ لیا جائے، جبکہ این ایف سی اور مشترکہ مفادات کونسل سمیت آئینی اداروں کو فعال بنایا جائے۔
کمیٹی میں اس بات پر اتفاق رائے پایا گیا کہ آئینی ادارے فعال ہوں گے تو وفاق اور صوبوں کے کئی مسائل حل ہو سکیں گے۔
سینیٹر ضمیر حسین نے کہا کہ سندھ سے روزانہ 3 ارب 70 کروڑ روپے کا تیل نکلتا ہے لیکن صوبے کو کچھ نہیں دیا جاتا، جبکہ خیبرپختونخوا سے 42 فیصد تیل نکلتا ہے۔ انہوں نے کہا کہ جن صوبوں سے تیل اور گیس نکل رہی ہے انہیں 16 سال سے ایک ٹکہ بھی نہیں دیا گیا، کمپنیاں اور کارپوریشنز منافع کما رہی ہیں جبکہ عوام بھوک سے مر رہے ہیں۔
انہوں نے سوال اٹھایا کہ وفاقی حکومت صوبوں کو تیل اور گیس کے پیسے کیوں نہیں دے رہی۔ صوبوں کو ان کا حصہ نہ دینا بری حکمرانی ہے۔ حکومت نہ اٹھارہویں آئینی ترمیم پر عملدرآمد کر رہی ہے اور نہ ہی صوبوں کو سپورٹ کر رہی ہے۔
اجلاس میں آئین کے آرٹیکل 38(جی) پر عملدرآمد سے متعلق تقرریوں کے طریقہ کار پر کمیٹی کو رپورٹ پیش کی گئی جبکہ وزارتِ پیٹرولیم نے آئین کے آرٹیکل 172(3) پر عملدرآمد کے حوالے سے بریفنگ دی۔ کنویئر کمیٹی نے زور دیا کہ ہر ادارہ اپنی آئینی ذمہ داری ادا کرے اور آئین پر مکمل عملدرآمد یقینی بنایا جائے۔
کنویئر کمیٹی نے کہا کہ تیل و گیس پیدا کرنے والے صوبوں کو ان کا آئینی حق نہ دینا سنگین خلاف ورزی ہے ۔ خیبرپختونخوا و سندھ کو تیل و گیس سے حاصل ہونے والے فوائد سے محروم رکھا جا رہا ہے۔
بعد ازاں کمیٹی نے تیل و گیس پیدا کرنے والے علاقوں کی متعلقہ اداروں میں نمائندگی نہ ہونے پر تشویش کا اظہار کرتے ہوئے تیل و گیس سے حاصل آمدن کی مکمل تفصیلات کمیٹی کو فراہم کرنے کی ہدایت کی۔
کمیٹی نے اس بات پر بھی زور دیا کہ صوبوں کے آئینی حقوق کے تحفظ کے بغیر وفاق مضبوط نہیں ہو سکتا، آئین پر عمل نہ ہونے سے سیاسی اور انتظامی مسائل جنم لیتے ہیں۔ سرکاری اداروں میں غیر ضروری اخراجات کم کر کے قومی وسائل بچائے جا سکتے ہیں، اس لیے ڈپلیکیٹ محکموں اور غیر ضروری اخراجات کا بھی جامع جائزہ لیا جانا چاہیے۔
بھارت سے جنگ اور افغانستان میں کارروائی خارج ازامکان نہیں، وزیردفاع