کراچی: جاپانی شہنشاہ ناروہیتو کی 66 ویں سالگرہ کی شاندار تقریب
اشاعت کی تاریخ: 4th, February 2026 GMT
— تصویر بشکریہ رپورٹر
جاپانی شہنشاہ نارو ہیتو کی 66 ویں سالگرہ کے موقع پر کراچی میں پروقار اور شاندار تقریب منعقد کی گئی۔
اس موقع پر قونصل جنرل جاپان کراچی ہاتوری ماسارو نے کہا کہ جاپان پاکستان کے ساتھ تعلقات کو مزید مضبوط بنانے اور وفاقی و صوبائی حکومتوں کے ساتھ مل کر باہمی ترقی اور خوشحالی کے فروغ کے لیے تعاون جاری رکھے گا۔
استقبالیہ تقریب کے مہمانِ خصوصی گورنر سندھ محمد کامران خان ٹیسوری اور صوبائی وزیر سعید غنی تھے، مختلف شعبوں کی نمایاں شخصیات بھی تقریب میں شریک تھیں۔
استقبالیہ خطاب میں قونصل جنرل ہاتوری نے کراچی میں تیسری قومی دن کی تقریب کی مسلسل میزبانی پر بے حد خوشی کا اظہار کیا۔
انہوں نے جاپان اور پاکستان کے دیرینہ اور خوشگوار تعلقات پر روشنی ڈالی اور حالیہ کوششوں کو اجاگر کیا جو دو طرفہ تعاون کو مزید فروغ دینے کے لیے کی گئی ہیں۔
قونصل جنرل ہاتوری نے جاپان کی جانب سے پاکستان کی سماجی و اقتصادی ترقی میں نمایاں خدمات پر بھی روشی ڈالی اور کہا کہ خصوصاً شعبۂ تعلیم، صحتِ عامہ اور آفات سے بچاؤ میں تعاون قابلِ ذکر ہے۔
گورنر سندھ نے اپنی گفتگو میں جاپانی حکومت اور عوام کو اُن کے قومی دن پر دلی مبارکباد پیش کی۔
انہوں نے جاپان کے اُس کردار کو سراہا جو پاکستانی کارکنوں اور طلبہ کی ضروریات کو پورا کرنے میں ادا کیا جا رہا ہے اور جاپان کے اُس کردار کو بھی تسلیم کیا جو پائیدار ترقی اور باہمی تعاون کو فروغ دینے کا باعث ہے۔
تقریب میں خوبصورت اکیبانہ اور بونسائی کے نمائش بھی شامل تھی، جس میں مہمانوں کو جاپان کی لازوال جمالیاتی روایتوں کو پیش کیا گیا۔
تقریب کا اختتام کیک کاٹنے کی روایت اور جاپانی و پاکستانی پکوانوں پر مشتمل عشائیے کے ساتھ ہوا جو دونوں ممالک کے درمیان دیرینہ دوستی کی علامت تھا۔
.
ذریعہ
ذریعہ: Jang News
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ