محکمہ ورکس میں تین سال قبل بھرتی ہونے والے ملازمین تنخواہوں سے محروم
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
حیدرآباد(اسٹاف رپورٹر)محکمہ ورکس اینڈ سروسز سندھ میں تین سال قبل بھرتی کیے گئے ملازمین نے عدالتی احکامات کے باوجود تنخواہیں ادا نہ کیے جانے کے خلاف حیدرآباد پریس کلب کے سامنے احتجاجی مظاہرہ کیا اور شدید نعرے بازی کی۔مظاہرے سے قبل ملازمین شہباز علی، سجاد علی اور وکیل میروسیم نے پریس کانفرنس کرتے ہوئے بتایا کہ ورکس اینڈ سروسز ڈیپارٹمنٹ میں کابینہ کی منظوری سے 250ملازمین بھرتی کیے گئے تھے، محکمے کی جانب سے تمام قانونی دستاویزات مکمل ہونے کے بعد تقرری کے احکامات بھی جاری کیے گئے، تاہم بعد ازاں سیکریٹری ورکس اینڈ سروسز نے ان بھرتیوں کو غیرقانونی قرار دیتے ہوئے تنخواہیں روک دیں۔انہوں نے کہا کہ اس اقدام کے خلاف سندھ ہائی کورٹ میں درخواست دائر کی گئی، جس پر عدالت نے 24دسمبر 2025کو ان کے حق میں فیصلہ سنایا، لیکن اس کے باوجود سیکریٹری ورکس اینڈ سروسز سندھ نے عدالتی فیصلے کی پاسداری کرتے ہوئے تنخواہیں جاری نہیں کیں۔ملازمین کا کہنا تھا کہ سیکریٹری ورکس اینڈ سروسز محمد نواز سوہو مسلسل ناانصافی کر رہے ہیں اور عدالتی فیصلے اور کابینہ کی منظوری کی توہین کے مرتکب ہو رہے ہیں۔ انہوں نے کہا کہ گریڈ 1سے 4تک کے ملازمین کی قانونی بھرتیوں کے باوجود تنخواہیں نہ دینا غریب اور کم آمدنی والے ملازمین کا معاشی قتل ہے، جس کے باعث ان کے اہلِ خانہ شدید مشکلات کا شکار ہیں۔
ذریعہ
ذریعہ: Jasarat News
کلیدی لفظ: ورکس اینڈ سروسز
پڑھیں:
کوڑا ٹیکس کی وصولی کی تیاریاں، محکمہ ایکسائز متحرک
علی ساہی:حکومت کی جانب سے گرین سگنل ملنے کے بعد محکمہ ایکسائز نے شہری علاقوں میں کوڑا ٹیکس کی وصولی کے لیے عملی تیاریاں شروع کر دی ہیں۔
ذرائع کے مطابق ابتدائی مرحلے میں صوبے کے شہری علاقوں میں 33 لاکھ سے زائد گھروں سے ٹیکس وصولی کا آغاز کیا جائے گا۔
محکمہ ایکسائز حکام کا کہنا ہے کہ مزید رہائشی اور کمرشل یونٹس کو نظام میں شامل کرنے کے لیے متعلقہ اداروں سے ڈیٹا اکٹھا کیا جا رہا ہے، جبکہ وصولیوں کے مؤثر نظام کے لیے درکار انتظامی اور تکنیکی ضروریات پر بھی کام جاری ہے۔ اس حوالے سے جلد ایک جامع سمری منظوری کے لیے حکومت کو ارسال کی جائے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
ذرائع کے مطابق ٹیکس وصولی کے نظام کو مؤثر بنانے کے لیے ابتدائی طور پر 70 گاڑیوں اور ساڑھے چھ سو ای بائیکس کی فراہمی کی درخواست کی جائے گی، تاکہ بلوں کی بروقت تقسیم اور وصولیوں کا عمل یقینی بنایا جا سکے۔
محکمہ ایکسائز نے بل تقسیم کرنے والے عملے کو سہولیات فراہم کرنے کے لیے ایک سے دو فیصد سروس چارجز کی بھی تجویز دی ہے، جبکہ بلوں کی پرنٹنگ اور دیگر انتظامی امور سے متعلق ورکنگ آخری مراحل میں ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ایکسائز حکام کے مطابق محکمہ ایکسائز اور متعلقہ ادارے کے درمیان بلوں کی تقسیم اور وصولی کے طریقہ کار پر متعدد اجلاس منعقد ہو چکے ہیں، جبکہ آئندہ ماہ کے پہلے ہفتے دونوں اداروں کے درمیان باقاعدہ مفاہمتی یادداشت (ایم او یو) پر دستخط کیے جانے کا امکان ہے، جس کے بعد کوڑا ٹیکس کی وصولی کے عمل کو باضابطہ طور پر شروع کیا جائے گا۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم