عالم اسلام کشمیر اور فلسطین کے مسلمانوں کی سرپرستی کرے‘ اسامہ رضی
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
لاہور(نمائندہ جسارت)نائب امیر جماعت اسلامی پاکستان ڈاکٹر اسامہ رضی نے کہا ہے کہ اس وقت عالمی حالات انتہائی نازک صورتحال اختیار کرچکے ہیں اور امت مسلمہ شدید آزمائش سے گزر رہی ہے۔ٹرمپ آئے روز ایران کو دھمکیاں دے رہا ہے۔فلسطین اور کشمیر میں امریکا کی سرپرستی میں اسرائیل اور بھارت قتل عام کررہے ہیں مگر اقوام متحدہ عضو معطل بن کررہ گئی ہے۔ عالم اسلام کشمیر اور فلسطین کے مسلمانوں کی سرپرستی کرے ،امریکا اور اس کے اتحادی نہ صرف مسلم ممالک بلکہ دیگرممالک و اقوام کی جمہوریتوں کو بھی نقصان پہنچا رہے ہیں۔ سیاسی قائدین کو قید اور معیشتوں پر پابندیاں عاید کی جا رہی ہیں۔ انہوں نے امید ظاہر کی کہ ٹرمپ کا غرور اور تکبر امریکا کو لے ڈوبے گا اورنام نہاد سپر پاور اپنے ہی بنائے ہوئے جال میں پھنس کر بالآخر زوال اور شکست سے دوچار ہوگی۔ ان خیالات کا اظہار انہوں نے مرکزی تربیت گاہ کے شرکا سے خطاب کرتے ہوئے کیا۔اس موقع پر ناظم تربیت حافظ سیف الرحمن اور ڈاکٹر عنایت الرحمن بھی موجود تھے۔ ڈاکٹر اسامہ رضی نے کہا کہ جماعت اسلامی ’’بدل دو نظام‘‘ کی تحریک سے ملک میں ہمہ جہت سیاسی، آئینی اور فکری تبدیلی کی جدوجہد کر رہی ہے۔ جماعت اسلامی نہ صرف ملک کو آئین کے مطابق چلانے کے لیے کوشاں ہے بلکہ عوام کو درپیش اجتماعی مسائل کے حل کے لیے عملی کوششیں کر رہی ہے۔جماعت اسلامی دین اور سیاست کے حسین امتزاج کے ذریعے غلبہ اسلام کی جدوجہد کرنے والی ایک منظم، نظریاتی اور عوامی تحریک ہے۔ ہمیں یقین ہے کہ حقیقی تبدیلی اور انقلاب کے بغیر ملک و ملت کے مسائل حل نہیں ہو سکتے۔ اس عظیم مقصد کے حصول کے لیے دعوت و تربیت اورتحریک،تینوں میدانوں میں بیک وقت اور منظم جدوجہد ناگزیر ہے۔ڈاکٹر اسامہ رضی نے کہا کہ نوجوان ملک کی کل آبادی کا 63فیصد ہیں اور یہی ملک کی قسمت سنوارنے کی صلاحیت رکھتے ہیں۔ نوجوان ہماری امیدوں کا مرکزو محور اور تحریک اسلامی کے لیے دست و بازو کی حیثیت رکھتے ہیں۔لاکھوں کی تعداد میں نوجوان جماعت اسلامی کا سرمایہ اور تحریک کا ہراول دستہ ہیں۔ ڈاکٹر اسامہ رضی نے کہا کہ عالمی سطح پر مسلمان ایک بار پھر ایک زندہ، بیدار اور منظم امت کے طور پر ابھر ر ہے ہیں۔امید ہے کہ عالم اسلام مستقبل میں قیادت اور حکمرانی کا اہل ثابت ہوگا۔ انہوں نے کہا کہ عوام تمام سیاسی، دینی اور مذہبی جماعتوں کو آزما چکے ہیں، اب وقت آ گیا ہے کہ جماعت اسلامی کو موقع دیا جائے، کیونکہ یہی جماعت اس ملک کی حقیقی خیر خواہ، اصولی اور نظریاتی سیاسی و دینی جماعت ہے۔
لاہور: نائب امیر جماعت اسلامی ڈاکٹر اسامہ رضی منصورہ میں مرکزی تربیت گاہ کے شرکا سے خطاب کررہے ہیں
ذریعہ
ذریعہ: Jasarat News
کلیدی لفظ: ڈاکٹر اسامہ رضی نے کہا جماعت اسلامی نے کہا کہ ہے ہیں کے لیے
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
پاکستان نے ورلڈ کپ 2028 کیلیے براہ راست کوالیفائی کر لیا