وزیراعلیٰ نے سیاسی مجبوریوں سے بے نیاز ہوکر تہوار بحال کیا
اشاعت کی تاریخ: 6th, February 2026 GMT
لاہور:
صوبائی دارالحکومت آج سخت حفاظتی انتظامات میں 3 روزہ ہائی رسک بسنت کیلیے تیار ہے۔ پنجاب اور دنیا بھر سے پتنگ باز پاکستانی شائقین لاہور پہنچے ہیں۔
2007 میں بسنت پر پابندی عائد کی گئی تاہم یکے بعد دیگرے حکومتیںاور حکام خونی ڈور کے باعث بڑھتے ہوئی ہلاکتو ں پر تہوار بحال کرنے کے فیصلے سے ہٹ گئے۔
یوں لاہوریوں کیلیے پتنگ بازی کی ایک عمدہ روایت سے کھلواڑ ہوتا رہا تاہم وزیر اعلی مریم نواز نے سیاسی مجبوریوں سے بے نیاز ہو کر بسنت کا تہوار بحال کیا۔
محکمہ داخلہ اور ضلعی انتظامیہ کی جانب سے جاری کردہ آرڈیننس سے لے کر احکامات کی حد تک انسانی جانوں کو لاحق خطرات کم کرنے کے لیے بہت سے اقدامات کیے گئے ہیں، پتنگ بازی کے سامان کی قیمتیں بھی بڑھ چکی ہیں۔
تاہم اس کے باوجود تہوار کے لیے جوش و خروش کم نہیں ہوا لیکن متوسط طبقہ قیمتیں بڑھنے سے متاثر ہوا ہے۔قیمتوں میں دوگنا سے بھی زیادہ اضافہ ہونے کے باوجود لوگ اپنی پسند کی پتنگیں اور ڈور خریدنے کے لیے رجسٹرڈ ڈیلرز کے باہر قطار میں کھڑے رہے۔
مزید پڑھیںلاہور کی فضا میں بہار، ہر چھت پر جشن، بسنت فیسٹیول کا دھوم دار آغاز
لاہور میں بسنت فیسٹیول کا آغاز، آئی جی پنجاب کا لاہور پولیس کو الرٹ رہنے کا حکم
لاہور؛ بسنت کے دوران پروازوں کو محفوظ رکھنے کیلئے اہم حکم نامہ جاری
ایونٹ کے لیے لاہور جانے والے مسافروں کی بڑی تعداد کی وجہ سے ہوائی کرایوں میں بھی اضافہ ہوا ہے۔ بہت سے منتظمین باربی کیو شیفز کو تلاش کرنے کے لیے مارے مارے پھر رہے تھے۔
میلے کا مرکزی مرکز والڈ سٹی ہے، جہاں تقریباً 73 بڑی تقریبات کی منظوری دی گئی ہے۔والڈ سٹی کے باہر بھی آسمان پر پتنگیں اڑنے کی توقع ہے۔انہوں نے اسے لاہور اور پنجاب بھر کیلئے حقیقی عوامی پذیرائی کا عکاس قرار دیا۔
بسنت کو محفوظ بنانے کیلئے وزراء خود انتظامات کی نگرانی کر رہے ہیں اورمسائل حل کر رہے ہیں۔صوبائی وزیر بلال یٰسین مٹیریل کی قلت اور قیمتوں میں اضافے کے خدشات کو دور کرنے کے لیے سرگرم رہے۔
سینئر صوبائی وزیر مریم اورنگزیب نے رات گئے دیر گئے والڈ سٹی کا تفصیلی دورہ کیا تاکہ بسنت کے انتظامات کا جائزہ لیا جا سکے۔
.
ذریعہ
ذریعہ: Express News
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار