نواز شریف بسنت کی تقریبات میں شریک ہوں گے، اندرونِ لاہور میں خصوصی پروگرام کا اعلان
اشاعت کی تاریخ: 6th, February 2026 GMT
پاکستان مسلم لیگ ن کے قائد نواز شریف بھی لاہور میں جاری بسنت کی بعض تقریبات میں شرکت کریں گے۔ ذرائع کے مطابق نواز شریف نے ایک روز اندرونِ شہر بسنت منانے کا خصوصی پروگرام ترتیب دیا ہے، جس میں انہوں نے اپنے پرانے دوستوں کو بھی مدعو کیا ہے۔ اس موقع پر وہ ماضی کی یادیں تازہ کریں گے اور لاہوری ثقافت سے جڑی روایات کو دوبارہ محسوس کریں گے۔ نواز شریف کو لاہوری کلچر سے گہری وابستگی ہے اور بسنت کی بحالی کے لیے انہوں نے اہم کردار ادا کیا، گزشتہ کئی ماہ سے وہ اس بات پر کام کرتے رہے کہ بسنت کو محفوظ انداز میں کیسے منایا جا سکتا ہے، جس کے لیے انہوں نے ثقافت سے وابستہ افراد سے متعدد ملاقاتیں بھی کیں۔ نواز شریف کا مؤقف ہے کہ بسنت پنجاب کا روایتی اور موسمی تہوار ہے، جس سے نہ صرف ثقافت کو فروغ ملتا ہے بلکہ معاشی سرگرمیوں میں بھی اضافہ ہوتا ہے۔ واضح رہے کہ لاہور میں 6 سے 8 فروری تک بسنت کا تہوار منایا جا رہا ہے، جس کے لیے صوبائی حکومت، انتظامیہ اور عوام کی جانب سے بھرپور انتظامات کیے گئے ہیں۔
.
ذریعہ
ذریعہ: Nawaiwaqt
کلیدی لفظ: نواز شریف
پڑھیں:
سابق گورنر چودھری سرور کے بیٹے انس برطانیہ کے وزیر تجارت نامزد
لندن، لاہور (نمائندہ خصوصی، خصوصی نامہ نگار) سابق گورنر پنجاب چودھری محمد سرور کے بیٹے انس سرور برطانیہ کے نئے وزیر تجارت مقرر ہوگئے۔ برطانوی وزیر اعظم اینڈی برنہم نے انس سرور کو وزیر تجارت مقرر کر دیا ہے۔ وہ اپنی نئی تقرری کے بعد ہاؤس آف لارڈ کے ممبر بھی بن جائیں گے۔ انس سرور کو برطانیہ کے تینوں ہاؤسز کا ممبر بننے کا منفرد اعزاز بھی حاصل ہو گیا ہے، وہ اس سے پہلے برطانوی سیاست میں مختلف اہم ذمہ داریاں انجام دے چکے ہیں۔ برطانیہ بھر میں پاکستانیوں نے خوشی کا اظہار کیا ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی