ملک یاسین کی سزائے موت فوری کالعدم کی جائے‘ سنی تحریک
اشاعت کی تاریخ: 7th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (اسٹاف رپورٹر) نائب سربراہ پاکستان سنی تحریک محمد شاہد غوری نے کہا ہے کہ بھارت خطے کے امن کیلیے خطرہ ہے۔ اقوام متحدہ بھارت کو دہشتگرد ملک قرار دے اور اس پر پابندیاں عائد کرے۔ فیٹیف بھارت کی مقبوضہ کشمیر اور بھارت میں مسلم نسل کشی انتشار‘ ظلم اور مذہبی جنونیت کا نوٹس لے۔ پاکستان میں دہشتگردی کے پیچھے بھارت کا ہاتھ شامل ہے‘ اس کے شواہد حکومت پاکستان نے پوری دنیا کے سامنے بے نقاب کردیے ہیں۔ کشمیر پاکستان کی شہ رگ ہے‘ کشمیریوں کو ان کا حق خود ارادیت دلانے کیلیے کشمیریوں کی حمایت جاری رکھیں گے۔ دنیا کی کوئی طاقت کشمیریوں کو منزل کے حصول سے نہیں روک سکتی۔ پاکستان کے عوام کے دل کشمیریوں کے ساتھ دھڑکتے ہیں۔ حریت رہنما ملک یاسین پر بھارتی جھوٹے مقدمات اور جنونی ہندؤں کے سامنے بے بس بھارتی عدلیہ انصاف کا قتل کررہی ہے۔ ملک یاسین کو سزائے موت کی سزا فوری کالعدم کی جائے۔ مودی حکومت اور جنونی ہندو بطور ہتھیار ملک یاسین کو پھانسی دینے کی سازش کررہے ہیں۔ بھارتی جیلوں میں گرفتار مظلوم کشمیریوں پر انسانیت سوز مظالم کیے جارہے ہیں۔ اقوام متحدہ مقبوضہ کشمیر کے حریت رہنما ملک یاسین کی فوری رہائی کیلیے کردار ادا کرے۔ ان کا کہنا تھا کہ پاکستان میں پے درپے دہشت گردی کے واقعات کے پیچھے بھارت کا ہاتھ ہے۔
ذریعہ
ذریعہ: Jasarat News
کلیدی لفظ: ملک یاسین
پڑھیں:
پی ٹی آئی کے علاوہ سب کو انتخابی مہم کی اجازت ہے، شفیع جان
تحریک انصاف کے رہنما شفیع جان نے کہا ہے کہ گلگت بلتستان میں پی ٹی آئی کے علاوہ باقی تمام جماعتوں کو انتخابی مہم چلانے کی اجازت ہے، نواز شریف اور بلاول بھٹو زرداری بھی کیمپین کر رہے ہیں۔
ایک بیان میں انہوں نے کہا کہ اگر تحریک انصاف کا کوئی وزیر وہاں ہوتا تو الیکشن کمیشن حرکت میں آچکا ہوتا۔ الیکشن کمیشن کی یہ خاموشی ہمیں سمجھ نہیں آرہی۔
شفیع جان کا کہنا تھا کہ پی ٹی آئی نے گلگت بلتستان ڈیموکریٹک موومنٹ سے الحاق کیا تو اُس کو بھی کینسل کر دیا گیا اور ہمارے اُمیدواروں کو آزاد ڈیکلیئر کر دیا گیا ۔
انہوں نے کہا کہ گلگت بلتستان کے عوام فیصلہ کر چکے ہیں، 7 جون کو تحریک انصاف کامیاب ہو گی۔ ہم اپنے ووٹ کو محفوظ بنانے کے مکینزم پر کام کر رہے ہیں۔
پی ٹی آئی رہنما کا کہنا تھا کہ فارم 47 کی ایک اور واردات کی تیاری کی جارہی ہے وہ ہم کرنے نہیں دیں گے۔ اس کے خلاف ہمیں اگر گلگت بلتستا ن بند کرنا پڑا تو یہ بھی کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ