افغان طالبان رجیم میں معاشی بحران عروج پر، سرمایہ کار خوفزدہ، اقوام متحدہ کی رپورٹ جاری
اشاعت کی تاریخ: 7th, February 2026 GMT
کابل(نیوز ڈیسک) افغانستان میں طالبان رجیم کے تحت معاشی بحران شدت اختیار کر گیا ہے جبکہ سرمایہ کار شدید خوف اور غیر یقینی صورتحال کا شکار ہو چکے ہیں۔ اقوام متحدہ کے ترقیاتی پروگرام (یو این ڈی پی) کی تازہ رپورٹ نے طالبان حکومت کے معاشی استحکام اور سرمایہ کاری سے متعلق دعوؤں کی حقیقت آشکار کر دی ہے۔ رپورٹ کے مطابق طالبان رجیم کی انتہا پسند اور غیر شفاف پالیسیوں کے باعث ملکی معیشت تباہی کے دہانے پر پہنچ چکی ہے اور سرمایہ کاری میں نمایاں کمی ریکارڈ کی گئی ہے۔
یو این ڈی پی کی رپورٹ میں انکشاف کیا گیا ہے کہ افغانستان میں سخت گیر حکومتی اقدامات اور غیر یقینی سیاسی ماحول کے باعث سرمایہ کاروں کا اعتماد بری طرح مجروح ہو چکا ہے۔ رپورٹ کے مطابق سالانہ تقریباً 5 ارب ڈالر غیر قانونی ہوالہ ہنڈی کے ذریعے ملک سے باہر منتقل ہو رہے ہیں جو اس بات کا ثبوت ہے کہ مالیاتی نظام میں شفافیت ختم ہو چکی ہے۔ اس کے علاوہ افغانستان میں بینکاری سہولیات نہ ہونے کے برابر ہیں اور صرف 6 فیصد آبادی کے پاس بینک اکاؤنٹس موجود ہیں، جس کے باعث معاشی سرگرمیاں شدید متاثر ہو رہی ہیں۔
رپورٹ میں مزید بتایا گیا ہے کہ طالبان حکومت کی ناکام معاشی پالیسیوں اور سیاسی عدم استحکام کے نتیجے میں اب تک 16 لاکھ سے زائد افغان شہری ملک چھوڑ چکے ہیں، جس سے برین ڈرین خطرناک حد تک بڑھ گیا ہے۔ تعلیم یافتہ اور ہنر مند افراد کی بڑے پیمانے پر ہجرت نے معیشت کو مزید کمزور کر دیا ہے اور پیداواری صلاحیت میں نمایاں کمی واقع ہوئی ہے۔
اقوام متحدہ کی رپورٹ کے مطابق طالبان رجیم کی جانب سے خواتین پر تعلیم اور ملازمت پر عائد پابندیوں نے بھی معاشی بحران کو مزید سنگین بنا دیا ہے۔ خواتین کی افرادی قوت سے محرومی کے باعث نہ صرف گھریلو آمدن میں کمی آئی ہے بلکہ مجموعی قومی پیداوار پر بھی منفی اثرات مرتب ہوئے ہیں۔
بین الاقوامی ماہرین کا کہنا ہے کہ دہشتگرد گروہوں کی حمایت اور سرپرستی کے ساتھ کوئی معیشت دیرپا بنیادوں پر قائم نہیں رہ سکتی۔ ماہرین کے مطابق طالبان حکومت کو فوری طور پر شدت پسند پالیسیوں سے دستبردار ہو کر معاشی اصلاحات، شفاف مالیاتی نظام اور سرمایہ کاروں کے تحفظ کو یقینی بنانا ہوگا، بصورت دیگر افغانستان کا معاشی مستقبل مزید تاریک ہو جائے گا۔
.
ذریعہ
ذریعہ: Daily Mumtaz
کلیدی لفظ: طالبان رجیم کے مطابق کے باعث گیا ہے
پڑھیں:
ملک کے مختلف علاقوں میں بارشوں کا سلسلہ جاری، پنجاب، خیبرپختونخوا اور کشمیر میں مزید بارش کی پیشگوئی
ملک بھر میں مون سون کا سلسلہ برقرار ہے، جبکہ محکمہ موسمیات نے آج جمعہ کے روز پنجاب، اسلام آباد، خیبرپختونخوا، شمال مشرقی بلوچستان، آزاد کشمیر اور گلگت بلتستان کے مختلف علاقوں میں گرج چمک کے ساتھ بارش اور چند مقامات پر موسلادھار بارش کی پیش گوئی کی ہے۔
محکمہ موسمیات کے مطابق بحیرہ عرب اور خلیج بنگال سے آنے والی مون سون ہوائیں ملک کے بالائی علاقوں پر اثرانداز ہیں، جبکہ مغربی ہواؤں کا ایک سلسلہ بھی موسم کو متاثر کر رہا ہے۔ اس کے باعث بالائی اور وسطی علاقوں میں بارشوں کا امکان برقرار رہے گا۔
پیش گوئی کے مطابق اسلام آباد، راولپنڈی، لاہور، گوجرانوالہ، سیالکوٹ، نارووال، شیخوپورہ، فیصل آباد، سرگودھا، مری، گلیات، جہلم، اٹک اور چکوال سمیت پنجاب کے مختلف اضلاع میں وقفے وقفے سے بارش متوقع ہے۔ خیبرپختونخوا کے پشاور، مردان، صوابی، نوشہرہ، ایبٹ آباد، مانسہرہ، سوات، دیر، چترال، کوہستان اور دیگر بالائی علاقوں میں بھی گرج چمک کے ساتھ بارش کا امکان ظاہر کیا گیا ہے۔
Hours of torrential rain have triggered severe flooding in Lahore, submerging thousands of homes and affecting millions in Pakistan’s second-largest city. The extreme monsoon weather has caused widespread damage, according to emergency services. Residents say it is the worst… pic.twitter.com/IYCbDSEg9Y
— Al Arabiya English (@AlArabiya_Eng) July 22, 2026
آزاد کشمیر اور گلگت بلتستان میں بھی بارش کا سلسلہ جاری رہنے کی توقع ہے، جبکہ شمال مشرقی بلوچستان کے کوئٹہ، زیارت، ژوب، موسیٰ خیل، بارکھان اور ملحقہ علاقوں میں کہیں کہیں بارش ہو سکتی ہے۔ سندھ کے بالائی اور جنوب مشرقی علاقوں میں چند مقامات پر بارش کا امکان ہے، تاہم صوبے کے بیشتر علاقوں میں موسم گرم اور مرطوب رہے گا۔
محکمہ موسمیات نے خبردار کیا ہے کہ بعض علاقوں میں شدید بارش کے باعث شہری علاقوں میں اربن فلڈنگ، برساتی ندی نالوں میں طغیانی اور پہاڑی علاقوں میں لینڈ سلائیڈنگ کا خطرہ موجود ہے۔ متعلقہ اداروں کو پیشگی اقدامات کرنے جبکہ شہریوں، بالخصوص سیاحوں اور پہاڑی علاقوں کا سفر کرنے والوں کو احتیاط برتنے کی ہدایت کی گئی ہے۔
یہ بھی پڑھیں:خیبر میں سیلابی ریلوں سے 6 افراد جاں بحق، ریسکیو 1122 کا بڑا آپریشن مکمل
ادھر قومی و صوبائی ڈیزاسٹر مینجمنٹ اداروں نے بھی مقامی انتظامیہ کو الرٹ رہنے کی ہدایت کی ہے تاکہ کسی بھی ہنگامی صورتحال سے بروقت نمٹا جا سکے۔ شہریوں سے کہا گیا ہے کہ تیز بارش، آندھی یا گرج چمک کے دوران غیر ضروری سفر سے گریز کریں اور موسم سے متعلق سرکاری ہدایات پر عمل کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این ڈی ایم اے بارش پاکستان سیلاب محکمہ موسمیات
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار