بیرونِ ملک سفر سے قبل میننجائٹس ویکسینیشن لازمی قرار
اشاعت کی تاریخ: 10th, February 2026 GMT
پشاور(نیوزڈیسک)بین الاقوامی سفر کے لیے گردن توڑ بخار ویکسین لازمی قرار دیدی گئی۔
محکمہ صحت خیبرپختونخوا نے تمام اضلاع کے ہیلتھ افسران کو مراسلہ جاری کردیا، مراسلے کے مطابق بین الاقوامی سفر کے لیے انٹرنیشنل ہیلتھ ریگولیشن 2005 کے تحت مخصوص ممالک کے مسافروں پر میننجائٹس ویکسین لگانا لازم ہے۔
حکام کے مطابق بیرونِ ملک سفر سے قبل میننجائٹس ویکسین نہ لگوانے پر اجازت نہیں ملے گی، متعلقہ حکام کو بین الاقوامی مسافروں کو فوری طور پر ویکسین سرٹیفکیٹ جاری کرنے کا حکم دیدیا گیا۔
ویکسین سرٹیفکیٹ میں کمپنی، بیچ نمبر اور ایکسپائری درج کرنا لازمی ہوگی، ویکسین کا بندوبست مسافر کی ذاتی ذمہ داری ہوگی۔
.
ذریعہ
ذریعہ: Daily Mumtaz
پڑھیں:
ولیکا اسپتال میں ایچ آئی وی کا ایک اور کیس رپورٹ، 18 ماہ کے بچے میں بیماری کی تصدیق
فائل فوٹو۔ولیکا اسپتال کراچی میں ایچ آئی وی کا ایک اور نیا کیس رپورٹ ہوا ہے۔ اسپتال حکام کے مطابق 18 ماہ کے بچے میں ایچ آئی وی کی تصدیق ہوئی ہے۔
اسپتال حکام کے مطابق ایچ آئی وی کے تصدیق شدہ کیسز کی تعداد 95 ہوگئی ہے۔
بچے کے والد کے مطابق 18 ماہ کا عبد الصمد دسمبر 2025 میں ولیکا اسپتال میں زیر علاج تھا، مسلسل طبیعت خراب رہنے پر بچے کا ایچ آئی وی کا ٹیسٹ کروایا۔
والد کا کہنا ہے کہ ٹیسٹ کروانے پر بچے میں ایچ آئی وی کی تصدیق ہوئی۔ میرے 5 بچے ہیں، باقی بچوں کے بھی ٹیسٹ کروائیں گے۔
اسپتال حکام کے مطابق ایچ آئی وی سے اب تک 9 بچے جاں بحق ہوچکے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی