پی ایس ایل 11 میں نظر انداز کھلاڑیوں کو موقع ملنا چاہیے تھا، شاہد آفریدی
اشاعت کی تاریخ: 13th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی:سابق قومی کپتان شاہد آفریدی نے پاکستان سپر لیگ سیزن 11 کی ڈرافٹنگ میں احمد شہزاد اور عمر اکمل کو نظر انداز کیے جانے پر کھل کر حمایت کرتے ہوئے کہا ہے کہ ٹیم مینجمنٹ کو بعض اوقات تجربہ کار کھلاڑیوں کو بھی موقع دینا چاہیے۔
شاہد آفریدی نے کہا کہ پلیئر ڈرافٹ میں لیگ کی تمام آٹھ فرنچائزز نے ملکی و غیر ملکی کرکٹرز کو اپنے اسکواڈ میں شامل کیا، احمد شہزاد اور عمر اکمل کسی بھی ٹیم کا حصہ نہ بن سکے، بعض کھلاڑیوں کو غیر ضروری طور پر زیادہ نظر انداز کر دیا جاتا ہے حالانکہ وہ فٹ بھی ہوتے ہیں، کھیل بھی رہے ہوتے ہیں اور محنت بھی جاری رکھتے ہیں۔
انہوں نے کہا کہ نئی ٹیموں کے شامل ہونے کے بعد انہیں امید تھی کہ دونوں بیٹرز کو موقع ملے گا، ٹیم مینجمنٹ کی ذمہ داری ہوتی ہے کہ وہ ہر کھلاڑی کو ساتھ لے کر چلے کیونکہ گھر میں ہر بچہ ایک جیسا نہیں ہوتا، اسی طرح ٹیم میں بھی ہر کھلاڑی کا کردار مختلف ہوتا ہے، اگر وہ کسی فرنچائز کا حصہ ہوتے تو ان دونوں کرکٹرز کو ضرور منتخب کرتے۔
دوسری جانب احمد شہزاد نے لیگ میں منتخب نہ ہونے پر اپنے جذبات کا اظہار کرتے ہوئے ایک ٹی وی پروگرام میں آبدیدہ ہو گئے، انہوں نے کہا کہ ساتھی کھلاڑیوں کو کھیلتے دیکھ کر خوشی بھی ہوتی ہے مگر اپنے لیے افسوس ہوتا ہے، ان کے 9 سالہ بیٹے کی خواہش ہے کہ وہ انہیں میدان میں کھیلتے دیکھے، جو ان کے لیے سب سے زیادہ تکلیف دہ پہلو ہے۔
پروگرام میں میزبان تابش ہاشمی اور مہمان کرکٹر محمد عامر بھی موجود تھے۔ احمد شہزاد نے گفتگو کے دوران کہا کہ ان کا بیٹا انہیں تسلی دیتا ہے اور کہتا ہے کہ اسے یاد ہے کہ وہ پہلے کھیلتے تھے، مگر اب وہ انہیں بہتر انداز میں یاد رکھ سکے گا۔
ذریعہ
ذریعہ: Jasarat News
کلیدی لفظ: کھلاڑیوں کو کہا کہ
پڑھیں:
ہمیں پتہ ہے یہ ڈرے ہوئے ہیں، ہمارا فوکس بانی پی ٹی آئی کی رہائی ہے، علیمہ خان
علیمہ خان (فائل فوٹو)۔بانی پی ٹی آئی کی ہمشیرہ علیمہ خان نے نے کہا کہ حکمراں اتنے خوفزدہ ہیں کہ بشریٰ بی بی کی فیملی کو بتایا ہوا ہے باہر جا کر بات نہیں کرنا۔
راولپنڈی میں گورکھپور فیکٹری ناکے پر میڈیا سے گفتگو کرتے ہوئے علیمہ خان نے کہا کہ ہمیں پتہ ہے یہ ڈرے ہوئے اور خوفزدہ ہیں، ہمارا فوکس بانی پی ٹی آئی کی رہائی ہے۔
وزیر اعلیٰ خیبر پختونخوا سہیل آفریدی گورکھ پور ناکے پر پہنچ گئے، سہیل آفریدی سرکاری پروٹوکول میں گورکھ پور ناکے پر پہنچے۔
انھوں نے کہا کہ آج اڈیالہ جیل کے اطراف کرفیو لگایا گیا ہے، بازار بھی بند کیا گیا ہے، ہمارا آئینی حق ہے کہ ہم اپنے بھائی سے ملیں، بانی پی ٹی آئی کو قید تنہائی میں رکھ کر ٹارچر کیا جا رہا ہے۔
علیمہ خان نے کہا کہ میرے خلاف بھی کیس چل رہا ہے مجھے بھی جیل میں ڈال دیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ