پنجاب میں رمضان کے لیے آٹا ریلیف، فلورملز ایسوسی ایشن کی حکومت سے کامیاب بات چیت
اشاعت کی تاریخ: 13th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
لاہور:پاکستان فلورملز ایسوسی ایشن نے حکومت پنجاب کے ساتھ مذاکرات کامیاب ہونے کے بعد رمضان المبارک میں عوام کو ریلیف دینے کا اعلان کیا ہے۔
ایسوسی ایشن کے مطابق پنجاب بھر کے 64 سہولت اور رمضان سہولت بازاروں میں آٹا کم نرخوں پر دستیاب ہوگا، آٹے کی سپلائی معمول کے مطابق جاری رہے گی اور رمضان کے دوران دس کلوگرام آٹے کا تھیلا 850 روپے میں فروخت کیا جائے گا۔ مزید 1550 آٹا سیل پوائنٹس بھی قائم کیے جائیں گے جہاں دس کلو آٹے کا تھیلا 905 روپے اور بیس کلو کا تھیلا 1810 روپے میں دستیاب ہوگا۔
ایسوسی ایشن کا کہنا ہے کہ یہ اقدام عوام کو رمضان میں ریلیف فراہم کرنے اور روزانہ کی ضروریات کی قیمتوں کو معتدل رکھنے کے لیے اٹھایا گیا ہے۔ پنجاب بھر میں قائم ہونے والے یہ سیل پوائنٹس شہریوں کو آسان اور کم قیمت آٹے تک رسائی فراہم کریں گے۔
خیال رہےکہ ملک بھر میں دکانداروں نے رمضان کی آمد سے قبل ہی چیزوں کا اسٹاک کرنا شروع کردیا ہے اور تمام اشیا کی قیمتیں دُگنی کردی گئیں ہیں، جس پر شہریوں کا کہنا ہےکہ حکومت دعوے کرنے کے بجائے عملی اقدامات کرے اور تمام روزمرہ کی اشیاوں کی قیمتوں میں کمی لائے۔
ذریعہ
ذریعہ: Jasarat News
کلیدی لفظ: ایسوسی ایشن
پڑھیں:
پنجاب حکومت کا سرکاری ملازمین اور پنشنرز کو جولائی کی ادائیگیاں قبل از وقت کرنے کا فیصلہ
پنجاب حکومت (Punjab Government)نے یکم اور 2 اگست کو ہفتہ اور اتوار کی سرکاری تعطیلات کے پیش نظر صوبے کے سرکاری ملازمین اور پنشنرز کو جولائی کی تنخواہیں، الاؤنسز اور پنشن مقررہ تاریخ سے قبل ادا کرنے کا فیصلہ کر لیا ہے۔
محکمہ خزانہ پنجاب کے مطابق تمام سرکاری ملازمین کو جولائی کی تنخواہیں اور واجب الاؤنسز 31 جولائی کو ادا کیے جائیں گے، جبکہ صوبے کے تمام پنشنرز کو بھی اسی روز جولائی کی پنشن جاری کر دی جائے گی۔
محکمہ خزانہ نے بتایا کہ اس سلسلے میں گورنر پنجاب (Governor of Punjab) نے 31 جولائی کو تنخواہوں، الاؤنسز اور پنشن کی قبل از وقت ادائیگی کی منظوری دے دی ہے تاکہ تعطیلات کے باعث ادائیگی میں کسی قسم کی تاخیر نہ ہو۔
مزیدپڑھیں:دفتری نظم و ضبط کی پابندی کی ہدایت ،نیاسرکلرجاری
فیصلے پر عملدرآمد کے لیے محکمہ خزانہ نے اکاؤنٹنٹ جنرل پنجاب (Accountant General Punjab)، تمام ضلعی ٹریژری دفاتر اور ڈسٹرکٹ اکاؤنٹس افسران کو باضابطہ ہدایات جاری کر دی ہیں۔ اس کے ساتھ متعلقہ بینکوں کو بھی ہدایت کی گئی ہے کہ وہ 31 جولائی کو سرکاری ملازمین کی تنخواہوں اور پنشنرز کی پنشن کی بروقت ادائیگی کے لیے تمام ضروری انتظامات مکمل کریں۔
حکام کے مطابق یکم اور 2 اگست کو ہفتہ اور اتوار کی تعطیلات کے باعث یہ فیصلہ کیا گیا ہے تاکہ سرکاری ملازمین اور پنشنرز کو بروقت ادائیگی یقینی بنائی جا سکے اور انہیں مالی معاملات میں کسی قسم کی دشواری کا سامنا نہ کرنا پڑے۔
بھارت سے جنگ اور افغانستان میں کارروائی خارج ازامکان نہیں، وزیردفاع