کراچی ایئر پورٹ کے امیگریشن ڈپارچر کے تمام 20 کاؤنٹرز فعال ہیں، شہزاد اکبر
اشاعت کی تاریخ: 13th, February 2026 GMT
کراچی ایئر پورٹ۔فوٹو: فائل
ڈپٹی ڈائریکٹر امیگریشن شہزاد اکبر نے کہا ہے کہ کراچی ایئر پورٹ کے امیگریشن ڈپارچر کے تمام 20 کاؤنٹرز فعال ہیں۔
شہزاد اکبر نے جیو نیوز سے گفتگو کرتے ہوئے بتایا کہ کراچی پورٹ اور بن قاسم پورٹ سے امیگریشن ملازمین کا کراچی ایئر پورٹ پر تبادلہ کیا گیا ہے۔
ڈپٹی ڈائریکٹر امیگریشن کے مطابق مصروف اوقات میں ڈپارچر کے تمام 20 کاؤنٹرز پر عملہ تعینات کر دیا گیا ہے۔
انھوں نے کہا کہ اے ایس ایف اور ایئر پورٹ اتھارٹی کی جانب سے بھی اقدامات کیے گئے ہیں، مسافروں کے عزیز و اقارب کو ڈپارچر کے باہر تک محدود کر دیا گیا ہے۔
ڈپٹی ڈائریکٹر امیگریشن کے مطابق ایئر لائنز کو بورڈنگ کے لیے کافی جگہ فراہم کی جا رہی ہے، پری ڈپارچر کاؤنٹرز بھی فعال ہیں۔
ڈپٹی ڈائریکٹر امیگریشن شہزاد اکبر کے مطابق شہری روانگی سے کچھ دن پہلے کلیئرنس کرا سکتے ہیں۔
انھوں نے کہا کہ کراچی ایئر پورٹ پر بہت جلد ای گیٹ بھی نصب ہوں گے۔
.
ذریعہ
ذریعہ: Jang News
کلیدی لفظ: ڈپٹی ڈائریکٹر امیگریشن کراچی ایئر پورٹ شہزاد اکبر ڈپارچر کے
پڑھیں:
سپریم کورٹ نے نیب ترمیم کے بعد عدالتی دائرہ اختیار سے متعلق کیس کا فیصلہ سنا دیا
اسلام آباد(ڈیلی پاکستان آن لائن)سپریم کورٹ آف پاکستان نے نیب ترمیم کے بعد عدالتی دائرہ اختیار سے متعلق کیس کا فیصلہ سنا دیا۔
نجی ٹی وی چینل دنیا نیوز کے مطابق سپریم کورٹ نے کہا ہے کہ نیب سے متعلق تمام مقدمات آئینی عدالت سنے گی،نیب قانون میں ترمیم کے بعد سپریم کورٹ نیب مقدمات نہیں سن سکتی،نیب کے تمام مقدمات آئینی عدالت منتقل ہو گئے ہیں،جسٹس محمد علی مظہر نے مختصر فیصلہ سنایا۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع