کورنگی میں ایک گھنٹے کے دوران اندھی گولیاں لگنے سے 2 شہری جاں بحق
اشاعت کی تاریخ: 14th, February 2026 GMT
شہر قائد کے ڈسٹرکٹ کورنگی میں لاقانونیت کی انتہا، نامعلوم سمت سے آنے والی گولیاں لگنے سے بزرگ خاتون اور نوجوان جاں بحق ہوگیا۔
تفصیلات کے مطابق کورنگی بلال کالونی میں فائرنگ کے واقعے میں بزرگ خاتون جاں بحق ہوگئیں، مقتولہ کی لاش ضابطے کی کارروائی کے لیے ایدھی کے رضا کاروں نے جناح اسپتال منتقل کی گئی۔
ریسکیو حکام کے مطابق مقتولہ کی شناخت 60 سالہ سائرہ کے نام سے کی گئی جبکہ ایس ایچ او کورنگی صنعتی ایریا ناصر محمود نے بتایا کہ ابتدائی معلومات کے مطابق واقعہ نامعلوم سمت سے آنے والی گولی لگنے کا پتہ چلا ہے۔
سائرہ خاتون کا ایک معذور بیٹا ہے جو کہ بھیک مانگتا ہے اور خاتون روز صبح اسے کسی مقام پر چھوڑ کر آتی ہے اور رات کو واپس لیکر آتی ہے اور جس وقت خاتون کو نامعلوم سمت سے آنے والی گولی لگی وہ بیٹے کو لیکر آئی تھی اور گولی اسے گھر کے قریب ہی لگی تھی جس سے وہ زخمی ہوگئی جسے قریبی نجی اسپتال لیجایا گیا جہاں وہ دم توڑ گئی ۔
مزید پڑھیںکراچی؛ مختلف علاقوں میں مبینہ پولیس مقابلے، 4 ملزمان زخمی حالت میں گرفتار
کراچی؛ اورنگی ٹاؤن میں مسلح افراد کی گھر میں گھس کر فائرنگ، نابینا شخص جاں بحق
کراچی جناح اسپتال کے شعبہ حادثات میں آگ لگ گئی
تاہم پولیس اس حوالے سے مزید چھان بین کر رہی ہے۔
دوسری جانب کورنگی کے علاقے 3 نمبر سیکٹر 50 اے میں فائرنگ سے نوعمر لڑکا جاں بحق ہوگیا جس کی لاش چھیپا ایمبولینس کے ذریعے جناح اسپتال منتقل کی گئی۔
ریسکیو حکام کا کہنا ہے کہ مقتول کی شناخت 14 سالہ اسد کے نام سے کی گئی جسے سینے پر گولی لگی تھی۔
اس حوالے سے ایس ایچ او زمان ٹاؤن ایاز خان نے بتایا کہ ابتدائی معلومات کے مطابق واقعہ نامعلوم سمت سے آنے والی گولی گھر کے اندر لگنے سے پیش آنے کا بتایا گیا ہے جس کی پولیس اہلخانہ سے مزید معلومات حاصل کرتے ہوئے تحقیقات کر رہی ہے۔
.
ذریعہ
ذریعہ: Express News
کلیدی لفظ: نامعلوم سمت سے ا نے والی گولی کے مطابق کی گئی
پڑھیں:
پنکی کے بعد کراچی سے ایک اور منشیات فروش خاتون گرفتار
کراچی کے علاقے گلستان جوہر سے مطلوب منشیات فروش خاتون شیریں شرینہ کو بیٹوں سمیت گرفتار کرلیا گیا۔پولیس کے مطابق شیریں شرینہ ملزمہ کو دونوں بیٹوں کے ساتھ کامران چورنگی سے گرفتار کیا گیا، ملزمہ ہیروئن، چرس اور دیگر منشیات فروخت کرتی تھی۔پولیس حکام کا کہنا ہے کہ ملزمہ چند سال قبل گرفتار ہوکر جیل گئی تھی اور دو سال پہلے واپس آئی تھی، ملزمہ شیریں عرف شیرینہ کے خلاف 35 کے قریب مقدمات درج ہیں، ایک کیس میں ملزمہ کے قبضے سےدستی بم بھی برآمد ہوا تھا۔پولیس حکام کا بتانا ہے کہ ملزمہ اپنے فلیٹ کی کھڑکی سے ڈائریکٹ ہیروئن سپلائی کرتی تھی، گرفتار ملزمہ اور ملزمان سے مذید تفتیش کی جارہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ