صدر ڈونلڈ ٹرمپ کا عالمی ٹیرف 15 فیصد کرنے کا اعلان
اشاعت کی تاریخ: 21st, February 2026 GMT
امریکی صدر ڈونلڈ ٹرمپ نے عالمی سطح پر عائد ٹیرف میں مزید اضافہ کرتے ہوئے اسے 10 فیصد سے بڑھا کر 15 فیصد کرنے کا اعلان کردیا ہے۔ اس فیصلے کا اعلان انہوں نے سوشل میڈیا پر جاری ایک بیان میں کیا۔
اپنے پیغام میں صدر ٹرمپ کا کہنا تھا کہ بطور صدر وہ دنیا بھر کے ممالک پر عائد 10 فیصد عالمی ٹیرف میں مزید 5 فیصد اضافہ کر رہے ہیں۔ ان کے مطابق کئی ممالک گزشتہ دہائیوں سے امریکا کے ساتھ تجارتی معاملات میں غیر منصفانہ رویہ اختیار کرتے رہے ہیں، جس کے باعث یہ اقدام ناگزیر ہو گیا۔
صدر ٹرمپ نے یہ بھی عندیہ دیا کہ آنے والے مہینوں میں امریکی حکومت قانونی تقاضے پورے کرتے ہوئے نئے اور قابلِ اطلاق ٹیرف کی حتمی شرح طے کرے گی۔
اس سے قبل وہ تمام ممالک پر فوری طور پر 10 فیصد ٹیرف عائد کرنے کے ایگزیکٹو آرڈر پر دستخط کرچکے ہیں۔ وائٹ ہاؤس کے مطابق یہ عارضی ڈیوٹی 150 دن کے لیے امریکا درآمد ہونے والی اشیا پر لاگو ہوگی، تاہم بعض اشیا کو اس سے مستثنیٰ قرار دیا گیا ہے۔
مستثنیٰ اشیا میں معدنیات، کھاد، مختلف دھاتیں، توانائی سے متعلق آلات، زرعی مصنوعات، ادویات اور ادویات کا خام مال شامل ہیں۔ اس کے علاوہ یہ نئی ڈیوٹی امریکا، میکسیکو اور کینیڈا کے مابین تجارتی معاہدے پر لاگو نہیں ہوگی۔
یاد رہے کہ اس سے قبل امریکی سپریم کورٹ صدر ٹرمپ کی جانب سے دیگر ممالک پر عائد اضافی ٹیرف کو غیر قانونی قرار دے چکی ہے، جس کے بعد اس معاملے پر قانونی اور سیاسی بحث بھی جاری ہے۔
ذریعہ
ذریعہ: Daily Mumtaz
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے