سندھ کو لوٹنے والوں کیخلاف جدوجہد جاری رہے گی‘ نصراللہ چنا
اشاعت کی تاریخ: 23rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260223-08-11
کراچی/بدین (نمائندہ جسارت) جماعت اسلامی سندھ کے نائب امیر حافظ نصر اللہ چنا نے کہا ہے کہ جماعت اسلامی کے ایم پی اے محمد فاروق فرحان نے سندھ کی وحدت کے حق میں ووٹ دے کر سندھ کی وحدت پر حملہ کرنے والوں کو یہ پیغام دیا ہے کہ سندھ ایک تھا، ایک ہے اورایک رہے گا۔باقی سندھ کی لوٹ ماراورعوام کے حقوق غصب کرنے والوں کے خلاف جماعت اسلامی کی جدوجہد جاری رہے گی۔ رمضان شریف کا مہینہ اپنی تربیت کے ساتھ ساتھ ظلم و ناانصافی کے خلاف جدوجہد کا پیغام دیتا ہے۔ ان خیالات کا اظہار انہوں نے مدرسہ جامعہ اسلامیہ بدین میں دعوت افطار کے اجتماع سے خطاب کرتے ہوئے کیا۔ اس موقع پرمدیر جامعہ فتح خان کھوسو اور دیگر مقامی قائدین نے بھی خطاب کیا۔انہوں نے مزیدکہاکہ حکمراں اپنی ناکامیوں کو چھپانے کے لیے نئے نئے شوشے چھوڑ کرعوام کی توجہ اصل مسائل سے ہٹانا چاہتے ہیں۔انہوں نے کہاکہ کراچی تاکشمور عوام کے مسائل کا حل بااختیار وباوسائل بلدیاتی نظام ہے ۔
ذریعہ
ذریعہ: Jasarat News
پڑھیں:
ایچ آئی وی کے خلاف حکومت سندھ موثر اقدامات کر رہی ہے، وزیر صحت
کراچی:صوبائی وزیر صحت ڈاکٹر عذرا افضل پیچوہو نے کہا ہے کہ ایچ آئی وی کے خلاف حکومت سندھ موثر اقدامات کر رہی ہے۔
جناح اسپتال کراچی میں چوتھی انٹرنیشنل فیملی پلاننگ سمٹ کے موقع پر میڈیا سے گفتگو کرتے ہوئے انہوں نے کہا کہ ایچ آئی وی کی بروقت تشخیص کیلئےاسکریننگ کا عمل مزید تیز کردیا گیا ہے، زیادہ سے زیادہ اسکریننگ سے ایچ آئی وی پر جلد قابو پانے میں مدد مل سکتی ہے۔
انہوں نے کہا کہ اسپتالوں میں سہولیات کی بہتری کے لیے حکومت سندھ بھرپور کوششیں کر رہی ہے، ہمیں معلوم ہے مریضوں کو مشکلات کا سامنا ہے، صحت کے شعبے میں حال ہی میں نئی بھرتیاں کی گئی ہیں، مزید بھرتیوں کی طرف بھی بڑھ رہے ہیں، اسپتالوں میں سہولیات کی بہتری کے لیے مزید بھرتیوں سے مدد ملے گی۔
صوبائی وزیر صحت نے کہا کہ اسپتالوں میں میڈیا کی موجودگی کی اجازت نہیں ہوتی، میڈیا سے بات کرنے کے خواہشمند ڈاکٹر اور دیگر افراد اسپتال سے باہر آکر موقف دیں، تمام ڈاکٹرز کو میڈیا سے بات کرنے اور اپنا مؤقف دینے کی اجازت ہے۔
انہوں نے کہا کہ میڈیا اسپتال میں موجود خامیوں کی نشاندہی کرے، میڈیا کی نشاندہی سے ہی ہمیں مدد ملتی ہے، جناح اسپتال میں ڈاکٹر خالد شیر کو کہہ دیا ہے اب سے وہ میڈیا کو موقف دیں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع