بھارتی جارحیت: قومی سلامتی کمیٹی نے پاک فوج کو جوابی کارروائی کا مکمل اختیار دیدیا
اشاعت کی تاریخ: 7th, May 2025 GMT
بھارتی جارحیت پر قومی سلامتی کمیٹی نے پاک فوج کو جوابی کارروائی کا مکمل اختیار دیدیا۔ وزیراعظم شہباز شریف کے زیر صدارت قومی سلامتی کمیٹی کا اجلاس ہوا جس میں گزشتہ رات کی بھارتی جارحیت اور پاک فوج کے دندان شکن جواب اور آئندہ کے لائحہ عمل پر غور کیا گیا، وفاقی وزراء، تینوں مسلح افواج کے سربراہان اجلاس میں شریک تھے، اجلاس میں پاک بھارت کشیدگی اور موجودہ حالات کے حوالے سے کمیٹی کو بریف کیا گیا۔ بعدازاں اجلاس کا اعلامیہ جاری کر دیا گیا جس میں کہا گیا کہ اجلاس میں بھارتی جارحیت کے دوران شہید ہونے والوں کیلئے فاتحہ خوانی کی گئی اور شرکاء نے زخمیوں کی جلد صحت یابی کیلئے بھی دعا کی۔ اعلامیہ میں بھارتی اقدام کو پاکستان کی خودمختاری اور علاقائی سالمیت کی کھلی خلاف ورزی قرار دیا گیا اور کہا گیا ہے کہ بھارت نے جھوٹے دہشتگرد کیمپس کے بہانے معصوم بچوں اور خواتین کو نشانہ بنایا۔ اعلامیہ میں کہا گیا کہ کمیٹی نے بھارت کی جانب سے بزدلانہ حملے سے پیدا ہونیوالی صورتحال پر تشویش کا اظہار کیا جبکہ اجلاس میں بھارت کی بزدلانہ کارروائی پر غور بھی کیا گیا۔ قومی سلامتی کمیٹی کے اجلاس کے اعلامیہ کے مطابق بھارتی افواج نے سیالکوٹ، شکر گڑھ، مریدکے، بہاولپور، کوٹلی اور مظفرآباد میں حملے کئے، بلااشتعال حملوں میں خیالی دہشتگردی کمیپوں کے بہانے شہری علاقوں کو نشانہ بنایا گیا، حملوں میں معصوم مرد، خواتین اور بچے شہید، عمارتوں اور مساجد کو نقصان پہنچا۔ اعلامیہ میں یہ بھی کہا گیا ہے کہ بھارتی جارحیت پر قومی سلامتی کمیٹی نے پاک فوج کو ہر ضروری جوابی اقدام کی منظوری دیدی ہے، بھارت کے اقدام بین الاقوامی قانون کے تحت واضح طور پر جنگی اقدامات کے زمرے میں آتے ہیں۔
.ذریعہ: Nawaiwaqt
کلیدی لفظ: قومی سلامتی کمیٹی بھارتی جارحیت اجلاس میں کمیٹی نے پاک فوج کہا گیا
پڑھیں:
مرزا اختیار بیگ کا رینٹل انکم پر 4 فیصد ٹیکس میں کمی کا مطالبہ
پیپلز پارٹی کے رکن قومی اسمبلی مرزا اختیار بیگ نے رینٹل انکم پر 4 فیصد ٹیکس میں کمی کا مطالبہ کردیا۔
قومی اسمبلی کی قائمہ کمیٹی برائے خزانہ نے کمرشل پراپرٹی پر 4 فیصد رینٹل مقرر کرنے کی تجویز مسترد کردی۔
کمیٹی اجلاس میں کمرشل پراپرٹی کی سالانہ رینٹل انکم پر 4 فیصد ٹیکس لگانے کی تجویز پر غور کیا گیا۔
اس دوران مرزا اختیار بیگ نے کہا کہ رینٹل انکم پر 4 فیصد ٹیکس کو کم کیا جائے جبکہ نوید قمر نے کہا کہ اس قانون پر نظرثانی کی گنجائش بھی رکھی جائے۔
چیئرمین ایف بی آر نے جواب دیا کہ اس کو کم نہیں کیا جا سکتا، پہلے ٹیکس افسران کے پاس رینٹل مقرر کرنےکا اختیار تھا، اگر کمیٹی اختیار نہیں دینا چاہتی تو ہم اپنی تجویز واپس لے لیتے ہیں۔
اجلاس میں اسامہ میلہ نے کہا کہ شہروں میں تو رینٹل 4 فیصد ہوسکتا ہے مگر دیہات کےلیے مشکل ہے۔
اس پر چیئرمین ایف بی آر نے کہا کہ اس کو ایک دفعہ چلنے تو دیں، اگر اچھا نہ ہوا تو آئندہ مالی سال ترامیم کردیں گے، ایف بی آر کے پراپرٹی ریٹس ڈی سی ریٹس سے بہت بہتر ہیں۔
اسرائیل نے خطے کی سلامتی کو خطرے میں ڈال دیا ،ترک صدرکاامیرکویت ٹیلی فون