مون سون کی بارشیں جاری، اربن فلڈنگ کا خدشہ کہاں کہاں ہے؟
اشاعت کی تاریخ: 29th, June 2025 GMT
قومی آفات سے نمٹنے والے ادارے نیشنل ڈیزاسٹر مینجمنٹ اتھارٹی نے آئندہ 24 سے 48 گھنٹوں کے دوران پاکستان کے مختلف علاقوں میں ممکنہ شدید بارشوں اور سیلاب کے خطرے کے پیش نظر ہائی الرٹ جاری کر دیا ہے، اور عوام و مقامی انتظامیہ کو فوری حفاظتی اقدامات کرنے کی ہدایت کی ہے۔
ایمرجنسی انتباہنیشنل ایمرجنسیز آپریشن سینٹر کے مطابق اگلے 48 گھنٹوں میں سندھ کے جنوبی علاقوں سجاول، ٹھٹہ، بدین، کراچی، حیدرآباد، میرپورخاص اور پوٹھوہار سمیت شمال مشرقی پنجاب، راولپنڈی، اسلام آباد، گوجرانوالہ، گجرات، سیالکوٹ، لاہور کے نشیبی علاقوں میں اربن فلڈنگ خطرہ ہے۔
ایمرجنسی انتباہ:
نیشنل ایمرجنسیز آپریشن سینٹر کے مطابق اگلے 48 گھنٹوں میں سندھ کے جنوبی علاقوں سجاول، ٹھٹہ، بدین، کراچی، حیدرآباد، میرپورخاص اور پوٹھوہار/شمال مشرقی پنجاب راولپنڈی، اسلام آباد، گوجرانوالہ، گجرات، سیالکوٹ، لاہور کے نشیبی علاقوں میں اربن فلڈنگ خطرہ۔ pic.
— NDMA PAKISTAN (@ndmapk) June 28, 2025
محکمہ موسمیات کے مطابق اتوار کے روز اسلام آباد اور گردونواح میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش جبکہ چند مقامات پر تیز یا موسلادھار بارش کی توقع ہے۔
اسی طرح بلوچستان کے کیرتھر رینج کے جنوبی نالوں میں بہاؤ بڑھنے کا امکان ہے، سوات، پنجگورہ دریا اور معاون ندیوں میں آئندہ 48 گھنٹوں میں بہاؤ بڑھنے کا امکان ہے، دوسری جانب اگلے 48 گھنٹوں میں دریائے کابل میں پانی کی سطح نچلے درجے کے سیلاب تک پہنچ سکتی ہے۔
این ڈی ایم اے کے مطابق پنجاب میں نارووال، سیالکوٹ، گجرات کے ندی نالوں میں بہاؤ میں اضافہ، نچلے درجے کے سیلاب تک بڑھ سکتا ہے۔ ’احتیاطی تدابیر اختیار کرتے ہوئے نشیبی علاقوں سے بچیں، ندی نالوں سے دور رہیں، خطرے سے دو چار علاقوں میں سفر سے گریز کریں۔‘
اربن فلڈنگ کا خدشہ کہاں کہاں؟این ڈی ایم اے کے ترجمان کے مطابق، گلیشیئرز کے پگھلنے اور شدید بارشوں کے امتزاج سے گلگت بلتستان، چترال، اپر دیر، سوات اور کمراٹ ویلی میں سیلابی صورتحال پیدا ہو سکتی ہے۔
گلگت بلتستان میں خاص طور پر بدسوات، ہنرچی، ترسات، ہندور اور درکوٹ کے علاقے خطرے کا شکار ہیں، جہاں گلیشیائی جھیلوں کے پھٹنے کے باعث پانی کی سطح میں تیزی سے اضافہ متوقع ہے۔
ادارے نے آزاد جموں و کشمیر کے کئی شہروں جیسے وادی نیلم، مظفرآباد، راولا کوٹ، باغ اور کوٹلی سمیت اسلام آباد، راولپنڈی، لاہور، گوجرانوالہ، فیصل آباد، سرگودھا، قصور اور منڈی بہاؤالدین جیسے گنجان آباد شہروں میں بھی اربن فلڈنگ کا خطرہ ظاہر کیا ہے۔
سیلابی ریلے بھی متوقعخیبر پختونخوا کے شہروں پشاور، مردان، سوات، دیر، کوہستان، بنوں، کرک اور وزیرستان میں شدید بارشوں کے ساتھ آندھی طوفان کی پیشگوئی کی گئی ہے، جبکہ نشیبی علاقے اچانک سیلابی ریلے کی زد میں آسکتے ہیں۔
سندھ کے جنوبی علاقے، خاص طور پر کراچی، حیدرآباد، سکھر، لاڑکانہ، میرپور خاص، تھرپارکر، بدین، عمرکوٹ اور جیکب آباد،کو بھی اربن فلڈنگ کے لیے انتہائی حساس قرار دیا گیا ہے۔ نیشنل ایمرجنسی آپریشنز سینٹر نے خبردار کیا ہے کہ ان علاقوں میں بجلی کا نظام متاثر ہو سکتا ہے، جبکہ سندھ اور پنجاب کے میدانی علاقوں میں بارش کا پانی جمع ہونے کا خدشہ ہے۔
عوامی انتباہ اور ہوٹلوں کے لیے ہدایتاین ڈی ایم اے نے شہریوں کو ہدایت کی ہے کہ وہ بارش اور آندھی طوفان کے دوران کمزور عمارتوں، کچی دیواروں، بجلی کے کھمبوں اور بل بورڈز سے دور رہیں تاکہ کسی جانی نقصان سے بچا جا سکے۔
حال ہی میں سوات میں پیش آنے والے سانحے کے تناظر میں، خیبر پختونخوا ٹورازم سروسز وِنگ نے سیاحتی مقامات پر قائم تمام ہوٹلوں اور ریسٹورنٹس کے لیے جاری کردہ ایک ہدایت نامے میں کہا گیا ہے کہ دریا کے کنارے واقع ہوٹل فوری طور پر نشست گاہیں ہٹا دیں اور کوئی بھی عارضی رکاوٹ قائم نہ کریں۔
مون سون سے ہلکان کراچیدوسری جانب کراچی میں مون سون کی پہلی جھڑی نے شہر کا کمزور انفراسٹرکچر بے نقاب کر دیا ہے، جس کے باعث بجلی کی فراہمی، نکاسی آب اور ٹریفک کا نظام درہم برہم ہو کر رہ گیا ہے۔
شدید بارشوں کے کئی دن گزرنے کے باوجود شہر کے بیشتر علاقے اب بھی بجلی کی بندش، پانی میں ڈوبی سڑکوں اور گھنٹوں طویل ٹریفک جام کی لپیٹ میں ہیں۔
بارش شروع ہونے کے تیسرے روز بھی کراچی الیکٹرک کے 350 سے زائد فیڈرز غیر فعال ہیں، جس کی وجہ سے متعدد علاقوں میں بجلی کی فراہمی معطل ہے۔ بارش کے پہلے دن تقریباً 600 فیڈرز ٹرپ کر گئے تھے، جبکہ دوسرے دن 240 فیڈرز بند ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اربن فلڈنگ این ڈی ایم اے بارش بجلی ٹریفک سیلابی ریلے کراچی محکمہ موسمیات مون سون نکاسی آب نیشنل ڈیزاسٹر منیجمنٹ اتھارٹیذریعہ: WE News
کلیدی لفظ: اربن فلڈنگ این ڈی ایم اے بجلی ٹریفک سیلابی ریلے کراچی محکمہ موسمیات نکاسی آب نیشنل ڈیزاسٹر منیجمنٹ اتھارٹی ڈی ایم اے علاقوں میں اسلام آباد اربن فلڈنگ گھنٹوں میں کے مطابق کے جنوبی کے لیے
پڑھیں:
آئندہ دنوں ملک کے مختلف علاقوں بارش کا امکان، این ڈی ایم اے کا الرٹ جاری
نیشنل ڈیزاسٹر مینجمنٹ اتھارٹی (این ڈی ایم اے) نے ملک کے مختلف حصوں میں آئندہ دنوں میں ہونے والی بارشوں کے پیش نظر ممکنہ سیلابی صورتحال سے متعلق الرٹ جاری کردیا۔
ادارے کے مطابق دریائے سندھ، چناب، راوی اور ستلج میں پانی کی سطح میں نمایاں اضافہ ہوسکتا ہے، جب کہ تونسہ بیراج، گڈو بیراج، مرالہ، خانکی اور قادرآباد پر نچلے سے درمیانے درجے کے سیلاب کا خطرہ موجود ہے۔
یہ بھی پڑھیں: چترال سے لاہور تک طغیانی اور لینڈ سلائیڈنگ کا خدشہ، این ڈی ایم اے کا ہنگامی الرٹ جاری
این ڈی ایم اے کا کہنا ہے کہ حالیہ مون سون بارشوں کے نتیجے میں تربیلا ڈیم 96 فیصد اور منگلا ڈیم 64 فیصد تک بھر چکے ہیں۔
ادارے نے پیش گوئی کی ہے کہ اسلام آباد، راولپنڈی، گوجرانوالہ، لاہور اور سیالکوٹ سمیت سرگودھا، فیصل آباد، ملتان اور خانیوال میں 13 سے 15 اگست کے دوران وقفے وقفے سے بارشیں ہوں گی۔
مزید بتایا گیا ہے کہ ساہیوال، لودھراں، مظفرگڑھ، تونسہ، ڈیرہ غازی خان اور راجن پور میں بھی انہی تاریخوں کے دوران بارشوں کا امکان ہے، جبکہ بہاولپور اور رحیم یار خان میں درمیانی سے تیز بارشوں کی پیش گوئی کی گئی ہے۔ ان بارشوں کے نتیجے میں پنجاب کے بڑے شہروں میں شہری و دیہی سیلاب کے خدشات موجود ہیں۔
این ڈی ایم اے نے خبردار کیا ہے کہ ڈیرہ غازی خان اور راجن پور میں پہاڑی ندی نالوں میں طغیانی آسکتی ہے، جبکہ پیر پنجال کے ندی نالوں میں بھی بہاؤ میں اضافہ متوقع ہے۔
نیشنل ڈیزاسٹر مینجمنٹ اتھارٹی کے مطابق خیبرپختونخوا میں بھی چترال، دیر، سوات، کالام، کوہستان، مالاکنڈ اور بونیر کے علاوہ مانسہرہ، بٹگرام، ایبٹ آباد، ہری پور، صوابی، مردان، پشاور، چارسدہ اور ہنگو میں 13 سے 15 اگست کے دوران بارشیں اور آندھیاں متوقع ہیں۔ دریائے کابل اور دریائے سوات کے ساتھ ساتھ ان سے ملحقہ ندی نالے پنجکوڑا، بارہ اور کلپانی میں پانی کی سطح بڑھنے کا امکان ہے، جس سے پہاڑی علاقوں میں لینڈ سلائیڈنگ اور سیلاب کے خطرات پیدا ہوسکتے ہیں۔
مزید برآں گلگت بلتستان کے علاقوں ہنزہ، شگر اور گانچھے میں بھی ممکنہ بارشوں کے باعث سیلابی کیفیت پیدا ہوسکتی ہے۔ دریائے ہنزہ، خنجراب، شمشال، برالدو، ہوشے اور سالتورو سمیت دیگر مقامی ندی نالوں میں پانی کے بہاؤ میں اضافہ متوقع ہے۔
دوسری جانب پی ڈی ایم اے خیبرپختونخوا نے بھی آئند ہفتے صوبے کے بشتر اضلاع میں وقفے وقفے سے تیز بارشوں کا امکان ظاہر کیا ہے۔
پی ڈی ایم اے نے چترال اپر اور لوئر، دیر، سوات اور کوہستان اپر کے عوام کو ممکنہ گلیشیئرز کے پھٹنے سے متعلق خبردار رہنے سے متعلق الرٹ جاری کردیا ہے۔
یہ بھی پڑھیں: ہنزہ میں سیلابی ریلے نے تباہی مچا دی، فصلیں تباہ، رہائشی مکان متاثر
ادارے کی جانب سے کہا گیا ہے کہ اس دوران متعلقہ اضلاع میں بارشوں کے باعث لینڈ سلائیڈنگ اور مقامی ندی نالوں میں طغیانی کا خدشہ ہے، ضلعی انتظامیہ کو حساس مقامات کی نگرانی، بروقت وارننگ اور انخلا کی مشقیں یقینی بنانے کی ہدایت کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام اباد الرٹ جاری این ڈی ایم اے بارش پی ڈی ایم اے سیلاب گلگت بلتستان لینڈ سلائیڈنگ وی نیوز
بی وائی سی کا زائرین کے کراچی سے ریمدان لانگ مارچ کی حمایت کا اعلان