نائب وزیراعظم اسحاق ڈار سے ترک وزیرخارجہ کی ملاقات، باہمی دلچسپی کے امور پر تبادلہ خیال
اشاعت کی تاریخ: 9th, July 2025 GMT
نائب وزیراعظم و وزیر خارجہ اسحاق ڈار سے ترکیے کے وزیر خارجہ حاقان فیدان نے ملاقات کی ہے، جس میں دوطرفہ تعلقات، دفاعی تعاون، اور علاقائی سیکیورٹی کے امور پر تفصیلی تبادلہ خیال کیا گیا۔ پاکستان نے ترکیے کے دفاعی تجربات سے فائدہ اٹھانے میں دلچسپی کا اظہار کیا ہے۔
یہ بھی پڑھیں: نائب وزیراعظم اسحاق ڈار اور افغان وزیرخارجہ امیرخان متقی کے درمیان ٹیلیفونک رابطہ
ملاقات کے بعد مشترکہ پریس کانفرنس میں نائب وزیراعظم اسحاق ڈار نے کہا کہ پاکستان اور ترکیے کے درمیان تعلقات وقت کے ساتھ مزید مضبوط ہورہے ہیں، اور دونوں ممالک متعدد علاقائی اور عالمی معاملات پر یکساں مؤقف رکھتے ہیں۔ انہوں نے بتایا کہ سیکیورٹی، دفاع اور انٹیلی جنس پر مشتمل نئی کمیٹی کا اجلاس 24 جولائی کو ہوگا، جب کہ دفاعی صنعت سے متعلق اجلاس ستمبر میں منعقد کیا جائے گا۔
اسحاق ڈار نے کہا کہ ترکیے کی جانب سے آزاد کشمیر میں اسکول قائم کرنے کے معاملے پر بھی بات ہوئی ہے، اور مختلف شعبوں میں تعاون کے نئے امکانات پر غور جاری ہے۔ ان کا کہنا تھا کہ ترکیے کے وزیر خارجہ اور وزیر دفاع کا دورہ پاکستان دونوں ممالک کے قریبی اور دوستانہ تعلقات کی عکاسی کرتا ہے۔
’پاکستان ترکیے کے مختلف شعبوں میں تجربات سے استفادہ کررہا ہے‘انہوں نے بتایا کہ پاکستان ترکیے کے مختلف شعبوں میں تجربات سے استفادہ کر رہا ہے اور مشترکہ کمیٹیوں کے ذریعے باہمی تعاون کو فروغ دیا جا رہا ہے۔ ان کے مطابق ستمبر میں پاک-ترک دفاعی کمیٹیوں کا اجلاس متوقع ہے، جس میں مزید پیش رفت کا جائزہ لیا جائے گا۔
پاکستان اور ترکیے کی باہمی تجارت کو 5 ارب ڈالر تک لے جانے کا ہدف مقرردوسری جانب، ترکیے کے وزیر خارجہ حاقان فیدان نے اسحاق ڈار کی میزبانی کا شکریہ ادا کرتے ہوئے کہا کہ پاکستان اور ترکیے کے تعلقات منفرد نوعیت کے ہیں، جنہیں ادارہ جاتی شراکت داری میں ڈھالا جا رہا ہے۔ ان کا کہنا تھا کہ دونوں ممالک نے اقتصادی، ثقافتی اور دفاعی میدانوں میں تعاون کو فروغ دیا ہے، اور اب تیل و گیس کے شعبے میں بھی شراکت کو وسعت دی جا رہی ہے۔
یہ بھی پڑھیں: نائب وزیراعظم اور وزیر خارجہ سینیٹر محمد اسحاق ڈار کی ہانگ کانگ کے چیف ایگزیکٹیو جان لی سے ملاقات
انہوں نے بتایا کہ پاکستان اور ترکیے کی باہمی تجارت کو 5 ارب ڈالر تک لے جانے کا ہدف مقرر کیا گیا ہے، جب کہ وزیراعظم شہباز شریف سے ان کی اہم ملاقات بھی شیڈول ہے۔
پریس کانفرنس کے اختتام پر دونوں وزرائے خارجہ نے اس عزم کا اعادہ کیا کہ پاکستان اور ترکیے کے درمیان تعلقات کو مزید مستحکم کیا جائے گا اور تمام شعبوں میں ادارہ جاتی تعاون کو وسعت دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسحاق ڈار ترکیے حاقان فیدان نائب وزیراعظم وزیرخارجہ.
ذریعہ
ذریعہ: WE News
کلیدی لفظ: اسحاق ڈار ترکیے حاقان فیدان کہ پاکستان اور ترکیے اسحاق ڈار ترکیے کے
پڑھیں:
ایران کے جوہری پروگرام پر انتہائی ٹیکنیکل مذاکرات میں مہینے لگ سکتے ہیں، امریکی وزیرخارجہ
امریکی وزیرخارجہ مارکو روبیو نے کہا ہے کہ ایران کے جوہری پروگرام پر مذاکرات انتہائی ٹیکنیکل اور کئی مہینے لگ سکتے ہیں جبکہ آبنائے ہرمز کی بحالی کی صورت میں امریکا کی جانب سے پابندیوں میں نرمی کی کوئی پیش کش نہیں کی گئی ہے۔
امریکی سینیٹ کی خارجہ کمیٹی کو مارکو روبیو نے بتایا کہ دوسرا مرحلہ یہ ہے کہ ایران اس بات پر تفصیلی اور واضح مذاکرات کے لیے آمادہ ہو کہ گہرے پہاڑی مقام میں محفوظ انتہائی افزودہ یورینیم کے ذخیرے کا مستقبل میں کیا تصرف کیا جائے گا۔
ایران کے حوالے سے ان کا کہنا تھا کہ انہیں اپنے ملک میں افزودگی کی سرگرمیوں کو طویل مدت تک محدود یا ختم کرنے کے حوالے سے مذاکرات پر اتفاق کرنا ہوگا۔
مارکو روبیو نے کہا کہ یہ انتہائی ٹیکنیکل معاملات ہیں اس لیے میں نہیں سمجھتا کہ اس کو 5 دنوں کے اندر حل کرسکتے ہیں، اس کے لیے ماہرین کی ٹیم درکار ہوگی جو 30، 60 یا 90 روز کی مدت میں کام کرے اور تفصیلات اخذ کرے لیکن انہیں ایسا کرنے کے لیے سنجیدہ ہونا پڑے گا۔
انہوں نے اشارہ دیا کہ تہران نے اپنے جوہری پروگرام کے پہلوؤں پر مذاکرات کے لیے اتفاق کیا ہے لیکن اس حوالے سے تفصیلات فراہم نہیں کی کہ کون سے امور ہیں اور واضح کیا کہ مذاکرات اس بات کی ضمانت نہیں ہیں کہ حتمی طور پر ایسے معاہدے کا باعث ہوں گے جو سینیٹ یا امریکی عوام کے لیے قابل قبول ہوں۔
ان کا کہنا تھا کہ ایران کو پہلے بغیر کسی ٹول کے آبنائے ہرمز کی بحالی کا اعلان کرنا ہوگا، وہ مائنز ہٹائیں گے اور جہازوں پر فائرنگ نہیں کریں گے۔
مارکو روبیو نے کہا کہ امریکا نے ایران کو آبنائے ہرمز کی بحالی پر پابندیوں میں نرمی کی پیش کش نہیں کی ہے اور پابندیوں کا خاتمہ شرائط کی بنیاد پر ہوگا۔
ایرانی سپریم لیڈر زندہ ہیں اور سرگرمیوں میں حصہ لیتے ہیں، روبیو
امریکی وزیر خارجہ نے سینیٹ کمیٹی کو بتایا کہ میرے خیال میں ایران کے نئے سپریم لیڈڑ آیت اللہ مجتبیٰ خامنہ ای زندہ ہیں اور سرگرمیوں میں زیادہ حصہ لے رہے ہیں اور اس کے اشارے مل رہے ہیں۔
خیال رہے کہ ایران کے سپریم لیڈر مجتبیٰ خامنہ ای نیا منصب سنبھالنے کے بعد عوامی سطح پر نظر نہیں آئے ہیں تاہم وہ ایرانی حکام کو بدستور ہدایات دے رہے ہیں اور رپورٹ بھی کیا گیا تھا کہ ایرانی اعلیٰ حکام ان سے ملاقات اور مشاورت کرچکے ہیں۔
امریکی میڈیا نے دعویٰ کیا تھا کہ مجتبیٰ خامنہ حملے میں زخمی ہیں جبکہ ایک رپورٹ میں بتایا گیا تھا کہ امریکی انٹیلی جینس کا تجزیہ ہے کہ مجتبیٰ خامنہ ای جنگی حکمت عملی میں ایران کے سینئر عہدیداروں کے ساتھ انتہائی اہم کردار ادا کر رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ