میرے بیٹے احتجاج کے لیے پاکستان نہیں آئیں گے، عمران خان
اشاعت کی تاریخ: 29th, July 2025 GMT
راولپنڈی:
بانی پی ٹی آئی عمران خان نے واضح کیا ہے کہ ان کے بیٹے احتجاج کے لیے پاکستان نہیں آئیں گے۔
ذرائع کے مطابق عمران خان کے بیٹوں کی جانب سے والد کی رہائی کے لیے احتجاج کی غرض سے پاکستان آنے کی خبریں سامنے آرہی تھیں تاہم آج ذرائع نے عمران خان کے حوالے سے بتایا ہے کہ ان کے بیٹے پاکستان نہیں آئیں گے۔
اطلاعات کے مطابق آج اڈیالہ جیل میں مقدمات کی سماعت تھی جس میں عمران خان اور ان کے دو وکلا بھی موجود تھے عمران خان سے پوچھا گیا کہ آپ کے بیٹے امریکا سے واپس جاچکے ہیں اور پانچ تاریخ آپ کی تحریک کی تاریخ ہے کیا احتجاج میں آپ کے بیٹے شرکت کریں گے؟ تو انہوں نے جواب دیا کہ نہیں وہ احتجاج کے لیے نہیں آئیں گے۔
پی ٹی آئی کی مقامی قیادت اور عمران خان کی بہن علیمہ خان نے کئی بات واضح طور پر کہا تھا کہ دونوں بیٹے احتجاج کے لیے پاکستان آئیں گے تاہم آج احتجاج والی بات عمران خان نے خود ختم کردی لیکن اگر وہ والد سے ملنے کے لیے آئیں گے تو ایک الگ بات ہے اور عدالت انہیں ضرور ملنے دے گی۔
.ذریعہ: Express News
کلیدی لفظ: احتجاج کے لیے نہیں ا ئیں گے کے بیٹے
پڑھیں:
کاش آج میں عمران خان سے مل سکتا اور ان کے گلے لگ کر اپنا دکھ کم کرسکتا، حماد اظہر
لاہور ( اُردو پوائنٹ اخبارتازہ ترین۔ 27 جولائی 2025ء ) پاکستان تحریک انصاف کے رہنماء حماد اظہر نے اپنے والد سابق گورنر پنجاب اور پی ٹی آئی رکن قومی اسمبلی میاں محمد اظہر کے انتقال کے بعد اپنے ایک پیغام میں کہا ہے کہ کاش آج میں عمران خان سے مل سکتا اور ان کے گلے لگ کر اپنا دکھ کم کرسکتا۔ اس حوالے سے سوشل میڈیا پلیٹ فارم ایکس پر جاری کردہ ایک بیان میں انہوں نے کہا کہ دو درویش طبیعت افراد سے میں نے بہت کچھ سیکھا اور ان کی شفقت کے زیر سایہ رہا، ان میں ایک میرے والد اور دوسرے عمران خان ہیں، والد اللہ کو پیارے ہو گئے اور عمران خان دو سال سے ناحق جیل میں ہیں، کاش آج میں عمران خان سے مل سکتا اور ان کے گلے لگ کر اپنا دکھ کم کر سکتا۔دو درویش تبعیت افراد سے میں نے بہت کچھ سیکھا اور ان کی شفقت کے زیر سایہ رہا۔ ایک میرے والد اور دوسرا عمران خان۔ والد اللہ کو پیارے ہو گئے اور خان صاحب دو سال سے ناحق جیل میں ہیں۔ کاش آج میں خان صاحب سے مل سکتا اور ان کے گلے لگ کر اپنا دکھ کم کر سکتا۔ pic.twitter.com/UZUgdyGTk9
— Hammad Azhar (@Hammad_Azhar) July 27, 2025 خیال رہے کہ سابق گورنر پنجاب اور پاکستان تحریک انصاف کے سینئر رہنما میاں محمد اظہر چند روز قبل لاہور میں انتقال کر گئے، پی ٹی آئی کے سابق وفاقی وزیر حماد اظہر کے والد سابق گورنر پنجاب میاں اظہر منگل کی شب مختصر علالت کے بعد خالق حقیقی سے جاملے، میاں اظہر نے اپنے صاحبزادے حماد اظہر کی روپوشی کے باعث عام انتخابات 2024ء میں تحریک انصاف کے ٹکٹ پر لاہور سے الیکشن میں فتح حاصل کی تھی، تاہم علالت کے باعث وہ سیاسی سرگرمیوں سے دور رہے۔(جاری ہے)
پی ٹی آئی رہنما حماد اظہر 2 سال روپوش رہنے کے بعد اپنے والد کی وفات پر سامنے آئے، انہوں نے کہا کہ اپنی اور اپنے خاندان کی طرف سے ان ہزاروں ساتھیوں کا شکر گزار ہوں جنہوں نے میرے والد کے جنازے میں اور قرآن خوانی میں شرکت کی اور ان لاکھوں افراد کا بھی شکریہ جنہوں نے افسوس کے پیغامات بھجوائے اور ان کی مغفرت کیلئے دعا کی، تمام سیاسی جماعتوں کے قائدین جنہوں نے ان کی یاد میں بہترین الفاظ کہے میرے والد میاں اظہر مرحوم کیلئے دعا کی ہم ان کے بھی مشکور ہیں، میرے والد کی میراث شرافت، ایمانداری اور وضع داری ہے جو صرف میرے لیے ہی نہیں بلکہ پورے پاکستان کے سیاسی کلچر کیلئے ایک اثاثہ اور شاندار روایت ہے۔ حماد اظہر نے کہا کہ اپنے والدین کا اکلوتا بیٹا، تین بہنوں کا واحد بھائی اور دو کم سن بچوں کا باپ ہوں، مجھ سے زیادہ تکلیف اور دکھ میرے گھر والوں نے دو سال سے زائد عرصہ تک برداشت کیے، ظاہر ہے میں اس دکھ کی گھڑی میں اپنے گھر والوں خصوصی طور پر اپنی والدہ کے ساتھ اب موجود رہنے کی خواہش رکھتا ہوں، میں بے گناہ ہوں اور جعلی پرچوں کا نشانہ ہوں جن کا کوئی سر پیر نہیں، اس سلسلے میں عدالت سے رجوع کروں گا اور انصاف طلب کروں گا، مل گیا تو اللہ کا شکر ادا کروں گا اور نہ ملا تو استقامت اور صبر سے مزید جبر برداشت کروں گا، بے شک اللہ صابرین کا ساتھ دینے والا ہے۔
پی ٹی آئی کے 4 سال ملک کیلئے ڈراؤنا خواب ثابت ہوئے: احسن اقبال