تیسرا ون ڈے : ویسٹ انڈیز نے پاکستان کو ہرا کر سیریز جیت لی
اشاعت کی تاریخ: 13th, August 2025 GMT
ٹاروبا : ویسٹ انڈیز نے پاکستان کو 34 سال بعد 3میچوں کی ون ڈے سیریز میں شکست دے دی، تیسرا ون ڈے میچ مایوس کن رہا جس میں قومی ٹیم کی کارکردگی نے شائقین کو افسردہ کردیا۔
ٹاروبا میں جاری سیریز کے فیصلہ کن میچ ویسٹ انڈیز نے مقررہ اوورز میں 6 وکٹوں کے نقصان پر 294 رنز بنائے اور پاکستان کو جیت کے لیے 295 رنز کا ہدف دیا تھا۔
پاکستان ٹیم کو تیسرے ون ڈے میں 202 رنز سے عبرتناک شکست کا سامنا کرنا پڑا، قومی ٹیم295رنز کے تعاقب میں92رنز پر ہی ڈھیر ہوگئی، ٹاروبا میں پاکستان کے 5 بلے باز مکمل طور پر ناکام رہے۔
کپتان محمد رضوان، صائم ایوب، عبداللہ شفیق نے کھاتہ بھی نہ کھولا اور واپس پویلین پہنچ گئے جبکہ بابر اعظم 9،حسن نواز 13اور حسین طلعت صرف ایک رن بنا سکے۔
پاکستان کی جانب سے تیسرے ون ڈے میچ میں سب سے زیادہ رنز سلمان علی آغا نے بنائے انہوں نے49 گیندوں پر 30 رنز اسکور کیے اور شاٹ لگانے کی کوشش میں کیچ آؤٹ ہوگئے جبکہ محمد نواز 36 بالز پر 23 رنز بنا کر ناٹ آؤٹ رہے۔
ویسٹ انڈیز کے جیڈن سیلز کی تباہ کن بولنگ نے پاکستانی بیٹرز کی ایک نہ چلنے دی انہوں نے شاندار 6 وکٹیں حاصل کیں، سیریز میں مجموعی طور پر 10 وکٹیں حاصل کرنے والے جیڈن سیلز پلیئر آف دی سیریز قرار پائے۔
کپتان شے ہوپ نے 94 گیندوں پر شاندار 120 رنز کی اننگز کھیلی، ان کی اننگ میں 10 چوکے اور 5 چھکے شامل تھے، جسٹن گریوز نے 24 گیندوں پر 43 رنز کی جارحانہ اننگز کھیلی۔
ویسٹ انڈیز کی اننگز
قبل ازیں پاکستان کے خلاف ویسٹ انڈیز نے مقررہ 50 اوورز میں 6 وکٹوں کے نقصان پر 294 رن بنائے تھے، روسٹن چیس 36 رنز بنا کر نمایاں رہے، ایون لوئس نے 37 رنز بنائے، شیرفورن ردرفوڈ 15 رنز بنا کر پویلین لوٹ گئے۔ پاکستان کی جانب سے نسیم شاہ اور ابرار احمد نے دو، دو کھلاڑیوں کو آؤٹ کیا، صائم ایوب اور محمد نواز1،1وکٹ لےسکے۔
اس سے قبل پاکستان کے کپتان محمد رضوان نے ٹاس جیت کر شے ہوپ الیون کو پہلے بیٹنگ کی دعوت دی تھی اس میچ میں پاکستان ٹیم میں ایک تبدیلی کی گئی، شاہین آفریدی کی جگہ نسیم شاہ کو پلیئنگ الیون کا حصہ بنایا گیا تھا۔
واضح رہے کہ پاکستان اور ویسٹ انڈیز کے درمیان تین میچوں کی سیریز کے پہلے ون ڈے میچ میں پاکستان نے ویسٹ انڈیز کو 5 وکٹوں سے شکست دی تھی جبکہ میزبان ٹیم نے دوسرے میچ میں گرین شرٹس کو 5 وکٹوں سے ہرایا تھا۔
یاد رہے کہ پاکستان اور ویسٹ انڈیز کے درمیان سیریز کے دوسرے ون ڈے میں ویسٹ انڈیز نے قومی ٹیم کو باآسانی 5 وکٹوں سے ہرا دیا تھا، ویسٹ انڈیز نے 181 رنز کا ہدف 33.
ذریعہ: Daily Mumtaz
کلیدی لفظ: ویسٹ انڈیز نے میچ میں
پڑھیں:
زمبابوے کا پاکستان اور سری لنکا کے ہمراہ سہ ملکی سیریز کیلیے اسکواڈ کا اعلان
زمبابوے نے پاکستان اور سری لنکا کے ہمراہ سہ ملکی ٹی ٹوئنٹی سیریز کے لیے اسکواڈ کا اعلان کردیا۔
تفصیلات کے مطابق سہ ملکی سیریز میں زمبابوے کے 15 رکنی اسکواڈ کی قیادت پاکستانی نژاد سکندر رضا کریں گے۔
حال ہی میں افغانستان کےخلاف ہوم سیریز کا حصہ رہنے والے اسکواڈ میں صرف ایک تبدیلی کی گئی ہے۔
فاسٹ بولر بلیسنگ مزارابانی کمر کی انجری کی وجہ سے ٹیم سے باہر ہو گئے ہیں، ان کے متبادل کے طور پر نیومین نیامہوری کو ٹیم میں شامل کیا گیا ہے۔
زمبابوے کی ٹیم اپنی مہم کا آغاز میزبان پاکستان کے خلاف 17 نومبر کو راولپنڈی میں کرے گی۔ 19 نومبر کو اسی مقام پر سری لنکا سے مقابلہ ہوگا۔
اس کے بعد زمبابوے کی ٹیم لاہور پہنچے گی جہاں 23 نومبر کو پاکستان اور 25 نومبر کو سری لنکا سے دوبارہ میچز ہوں گے۔
سہ ملکی سیریز کا فائنل 29 نومبر کو لاہور میں کھیلا جائے گا۔
زمبابوبے اسکواڈ:
سکندر رضا (کپتان)، برائن بینیٹ، ریان برل، گریم کریمر، بریڈلی ایونز، کلائیو مڈانڈے، ٹینوٹینڈا ماپوسا، ویلنگٹن مساکاڈزا، تادیواناشے مارومانی، ٹونی مونیونگا، تاشینگا میوزیکیوا، ڈیون مائرز، رچرڈ نگاراوا، نیومین نیامہوری، برینڈن ٹیلر
Zimbabwe name squad for T20I tri-series in Pakistan
Details ????https://t.co/BxEhMi9Ezz pic.twitter.com/J4RftwqwgO
پنجاب اسمبلی غیر قانونی بھرتی کیس: پرویز الہی کی حاضری معافی کی درخواست منظور